CAPÇALERA2: AMICS DE JORNALET

Jornalet, gaseta occitana d'informacions

Dijòus, 24 de mai

Tònho Castet

Divendres, 20.4.2018 03h00

Entronizacion


Comentaris 2 comentaris    
Dolent Fluix Bo Molt bo Fabulós (2 vòtes)
carregant En cargament





Ja an arribat es prumères donacions tà amiar a tèrme un des projèctes mès polidi dera sason d’estiu d’enguan: era entronizacion der imatge de Sant Ròc ena glèisa de Santa Maria de Vilamòs (Val d’Aran).
 
Est'an passat era Associacion Es Paums compausèc e interpretèc es Gòis en aunor deth Gloriós Sant Ròc en aranés[1].
 
Enguan que volem dar un  aute pas mès endauant e volem plaçar un imatge deth Sant en un autar dera glèisa. Entronizar que s’en ditz dera ceremònia liturgica[2]. Era talha, d'apuprètz ueitanta centimètres de nautada, serie entronizada eth 15 d’agost d’enguan pendent era Missa dera Hèsta Major.
 
Tot aquerò pr’amor de recuperar era anciana tradicion deth Cant des Gòis, ua manifestacion culturau desapareishuda hè ans.
 
Eth projècte compde damb eth supòrt der Archiprestrat d’Aran, ser Ajuntament de Vilamòs e seth Conselh Generau d’Aran. Totun, cercam qu’ era part pus grana dera financiacion deth projècte arribe de donacions de particulars, entad’aquerò ja ei dubèrta ua campanha de micromecenatge ena plataforma de finançament collectiu Tot Suma.
 
Es mecenes que i participen, a compdar de 5 èuros, arreceberànen escambi diuèrses recompenses, segons er impòrt dera sua aportacion[3]. Es recompenses que serán  balhades as donants eth dia dera entronizacion o dempús dera hèsta ena sedença dera Associacion en Vilamòs.
 
Aguest qu’ei un des actes previsti, mès ja èm en tot trebalhar ena Programacion dera Associacion entad’aguest estiu. A saber: Tiò, Cultura e Natura un concurs de fotografia, Lairissa Bike ua corsa populara de BTT, IIIau Torneg de Tènnis de Taula, Missa cantada en aranés, Matinaus Musicaus ena Residéncia, Concèrt en Musèu dera Corau Es Paoesses e dedicación dera Plaça ath Venerable Pare Joan de Vilamòs.
 
Peth moment era Campanha de Micromecenatge, qu’a auut ua bona responsa, auem donants deth pòble, mès tanben dera Val, dera rèsta d'Occitània, de Catalonha e d’Espanha.
 
Totun, encara auem de besonh mès mecenes. Participa-i e eth tòn nòm, eth dera tua casa o eth dera tua familha demoraràn escriti tà tostemps enes planes d’aguest episòdi dera istòria deth pòble mès antic e mès polit[4].
 
Es donacions se pòden hèr per virament bancari, targeta de credit o en moneda.
 
Mès informacion, espaums@gma...





 
[1] “Gòis en aunor de Sant Ròc patron de Vilamòs” ua composicion poetica-musicau en vèrsi heptasíllabs damb letra de Jèp de Montoya, musica de Jaume Masana “CASTÈTH” e diboishi de Jusèp Fenoy editada peth Conselh Generau d’Aran e per Ajuntament de Vilamòs en agost de 2017.
 
[2] Constitucion Sacrosanctum Concilium, 125
 
[3] Taula de recompenses:
 
•          APÒRTA-I 5 €. Reconeishement en es hilats sociaus e actes dera Associacion. 
•          APÒRTA-I 10 €.Nòm deth mecenes o dera Casa en pannèu de reconeishements.
•          APÒRTA-I 15 €.Lamina artistica de 45x32mm des Gòis(edicio numerotada e limitada)
•          APÒRTA-I 20 €.CD deth Grop Es Paums damb es Gòis e musica aranesa.
•          APÒRTA-I 25 €.Lamina artistica des Gòis e CD de Es Paums.
•          APÒRTA-I 30 €. Vidèoclip Net de Huec de Es Paums damb eth nòm deth mecenes enes titols de crèdit.
•          APÒRTA-I 35 €.Visita guidada a Vilamòs, ara imatge de Sant Roc e Musèu Joanchiquet.
•          APÒRTA-I 100 €.Mencion coma Patrocinador e logotipe en tota era documentacion deth projècte.
•          APÒRTA-I 500 €.Mencion coma Patrocinador e logotipe en tota era documentacion de toti es projèctes que amie a tèrme era Associacion pendent er an 2018.
 
[4] En seteme de 2017 eth Diari Segre autregèc a Vilamòs eth titol de “pòble mès polit de Lhèida” en un Concurs en eth que pròp de 50.000 lectors votèren a Vilamòs







abonar los amics de Jornalet
 



publicitat



Comentaris

20 d'abril 07.32h

#1 Vade retro Satanas franc-maçon !
òsca l'Aran e Sant Ròc !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

20 d'abril 05.51h

Occitanisme aranés a la salsa catolica.
Jornalet diffond de campanhas religiosas de levada de fonzes!


Valora aquest comentari:   votar positiu 0   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Tònho Castet

Tònho Castet logo rss

Musician, acordeonista integrant dera formacion Es Paums. Diplomat en psicologia. Mastèr en Direccion de Vendes. Èx professor de Relacions Umanes de Dale Carnegie.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions