CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Diluns, 18 de novembre

Jean-Charles Valadier

Dimècres, 16.9.2015 03h00

L’occitan dins las eleccions regionalas


Comentaris 19 comentaris    
Dolent Fluix Bo Molt bo Fabulós (14 vòtes)
carregant En cargament


Tot lo long de l’estiu se faguèt un trabalh collaboratiu subre internet, obèrt a tots per elaborar un projècte per l’eleccion regionala d’aqueste decembre per la region nòva eissida de la fusion de Lengadòc-Rosselhon e Miègjorn-Pirenèus. L’objectiu èra de collectar las propòstas de personas de sensibilitat d’esquèrra, ecologista e occitanistas. Fin finala, los aderents de la màger part de las organizacions d’esquèrra non pas ligadas al PS votèron per que los partits participèssen a aquele trabalh en comun: EELV, PCF, Parti de Gauche, Partit Occitan e d’autres. A la debuta de setembre, una sintèsi foguèt adoptada. Se pòt consultar subre http://leprojetencommun.net/pages-consensus/.

Vaqui las propòstas per la lenga e cultura occitana.

 
De lengas regionalas valorizadas e difusadas

1.   Organizarem d’Estats Generals de la cultura occitana e de la cultura catalana amb l’ensem dels operators culturals, artistas, associacions, agéncias e companhias concernits subre lo territòri. Aquestes Estats Generals seràn lo cadre de co-elaboracion d’un esquèma d’estructuracion, de desvolopament e d’acompanhament de l’accion culturala occitana e catalana.

2.   Nos implicarem plenament dins lo futur Ofici Public de la Lenga Occitana, en collaboracion amb las regions engatjadas dins sa constitucion. Dins lo meteis temps, sostendrem la creacion d’un Ofici Public de la Lenga Catalana. Los dos oficis auràn vocacion de dinamizar l’us public de l’occitan e del catalan dins lor airal linguistic regional en partenariat amb las autras collectivitats.

3.   Favorirem  la preséncia publica de l’occitan e del catalan coma vectors de desvolopament per lo  torisme, l’economia e l’activitat transfrontalièras.

4.   Sostendrem tanben lo desvolopament e la transmission de las lengas e culturas occitanas e catalanas per lo mejan de lor difusion (ràdios localas associativas, mèdias locals, filièra numerica, doblatge), de la formacion e de lor ensenhament:  crearem immediatament las condicions del desvolopament de las filièras bilingüas publicas subre l’espaci regional e acompanharem activament las escolas associativas laïcas (Calandretas e Bressolas) amb la perspectiva, subretot, de lor integracion al servici public d’educacion.

5.   Demandarem l’enfortiment de l’occitan e del catalan dins las cadenas publicas (ràdio e TV) e dels mejans de las esquipas.

6.   Valorizarem lo ròtle cultural màger del Centre Interregional de Desvolopament de l’Occitan (CIRDOC) de Besièrs e del Centre Occitan de las Musicas e Danças Tradicionalas (COMDT) de Tolosa, pòls publics estructurants cargats de la promocion, la difusion, la sensibilizacion, la formacion, la recerca, la valorizacion del patrimòni e de la creacion occitana.

7.   Mantendrem los eveniments màgers que fedèran, dins nòstras doas regions actualas, los actors culturals, dins un esperit d’obertura: lo festival interregional “ Estivada “ implantat dempuèi 23 ans a Rodès fins a la session 2015, o “ Total Festum “ que festeja sos 10 ans en Lengadòc-Rosselhon, tot coma los rescontres de Naut Bernat o lo festival Arabesques, obèrts subre lo monde e las culturas de l’immigracion.

8.   Dotarem l’Euroregion de mejans suplementaris per desvolopar los escambis e collaboracions amb la Catalonha, la Val d’Aran tant coma las Islas Balearas.

9.   Prepausarem que lo nom e lo lògo de la region nòva s’inscrigan dins l’istòria e la cultura regionala.
 
Aquelas proposicions foguèron aprovadas per de sindicalistas, responsables associatius e actors d’esquèrra que fòrça non son pas implicats dins lo movement occitan. Representan un consens subre ço qu’es possible d’innovar en 6 ans en matèria de politica lingüistica, tal coma per las propòstas en tèrme de ciutadanetat e governància, economia e emplec, solidaritat e cultura, desvolopament sostenible.

Aquelas propòstas deurián permetre d’enfortir los organismes regionals e interregionals que trabalhan per la lenga e cultura occitana e permetre a la region d’assumir un us public de las lengas occitanas e catalanas.

Amb la mobilizacion necessària dels occitans, aquelas accions deurián permetre de donar un vam nòu a una generacion nòva d’occitanistas de la region mas tanben de tota l’Occitània. 



publicitat
BANER1-2-3: DGPL AN LAFONT



Comentaris

27 d'octòbre 18.04h

#6 :
"L'avenidor es a un Front Democratic Occitan que se faria portar per totas las eleccions possiblas e que refusaria l'aligança amb los partits francistas ..."
Dens los comentaris d'un aute article (http://www.jornalet.com/nova/5677/an-fach-las-soscadissas-collectivas-necessarias-per-repensar-loccitanisme) que defenetz la dinamica de Bastir. Mes, totun, n'avetz pas l'impression que l'aliança dab los partits francistes qu'èra au còr de la logica de Bastir (tà har brac : mendicar aus par... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

19 de setembre 11.45h

#17 Que parlatz au men nom pr'amor que soi occitan tanben, segon los vòstes critèris. Ne serí pas occitan, jo ? Que'n serí content totun : atz finalament abandonat las vòstas pretensions sus Gasconha ? Que'vs disi simplament qu'Aragon ei mei important tà jo qui non pas Catalonha. Istoricament com geograficament. E l'occitanisme qu'arrasona com se l'Occitania estosse las solas Corbièras.


Valora aquest comentari:   votar positiu 0   votar negatiu 10
Respondre comentari replica Comentari inadequat   Formulari d'abús de comentari

17 de setembre 22.22h

#10 En qué sètz concernits, vos, per çò que se passa en Occitània?
Se los "occitans" vòlon (volèm) "imaginar" quicòm qu'es nòstre, quana es vòstra legitimitat a intervenir aquí, emai en donant de leiçons (pas tròp caras) de "realisme"?
Avètz un dreit absolut a l'expression dins la mesura exacta ont respectatz lo dreit dels autres.
Emai vos rementi qu'aquela plataforma ont avèm l'astre de vos poder legir es situada en Catalunya, desparlar al subjècte d'un "tropisme" catalan aqu... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

16 de setembre 22.07h

Se cal ramentar que dins una eleccion, non son los occitanistas que vòtan, mas los occitans.
Uèi, los rapòrts de fòrça politics dins la populacion occitana e dins la majoritat dels partits politics representats en Occitània son desfavorables al bilingüisme e opausats al monolingüisme occitan. Alara, abandonam la luta, e contunham de laissar la majoritat de las organizacions politicas presentas en Occitània impausar lo sol monolingüisme francés.
Non, cal utilizar çò que demòra d'id... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

16 de setembre 18.55h

"Favorirem la preséncia publica de l’occitan e del catalan". Me maini que l'amic Valadièr respond pas a la question del bilingüisme de la profession de fe. Pr'aquò aquò còsta pas pus car (un recto e un verso dins cas) e SUBRETOT avem pas besonh d'èsser elegit per "Favorirem la preséncia publica de l’occitan e del catalan". Basta pas que d'èsser candidat!
Mas aquí, sus aqueste sicut, los ipocritas son embèstiat. Son preses en flagrant delicte de demagogia. Alara la favorisem la pr... Legir la seguida


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

16 de setembre 18.32h

#13
La vòstra responsa nos esclargis bravament.
La vòstra volontat vertadièra de far quicòm per la lenga e la cultura serà fonccion del bon voler del Parti D'Goooooch (los Melenchonistas) e quand vos diràn que n'i a pron amb l'occitan, vos calarètz e farètz passar l'interes de l'acòrdi entre vòstres dos partits francistas abans l'interes de l'occitan per tota la populacion de la nòstra region centrala.


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

16 de setembre 18.07h

Cadun causís sa via per defendre la lenga e cultura occitana.
L'utilizacion del espaci politic laissat per las eleccions al dintre de l'estat francés es una de las opcions. Son las diferentas causidas que faràn viure la lenga.

Per respondre a la question de Terric Lausa subre : «Un programa politic de lista es donc a fargar amb engatjament budgetari precís per far de l'accion cap a l'occitan autra causa que de polidas declaracions d'intencion».

Mon experiéncia d'adjunt a l'occitan de l... Legir la seguida


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

16 de setembre 17.21h

#11 Ieu me sentissi pas mens colhonat quand ai votat blanc.


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

16 de setembre 16.19h

#9
En democracia votar es pas una obligacion ...
Votar blanc es una possibilitat alternativa quand sèm pas contents de l'ofèrta


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

16 de setembre 15.15h

Lo monde imaginari deus Occitans. "En Valadier" qu'espiarà ua mapa un bèth dia e que constatarà que las Pireneas gasconas e son vesinas d'Aragon, mei que tot, pèis dab lo quau nosautes Gascons am ligaders pregons. Lo tropism catalan deu moviment occitan qu'ei ridicule.


Valora aquest comentari:   votar positiu 3   votar negatiu 20
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions