CAPÇALERA: EMBARRAMENT

Jornalet, gaseta occitana d'informacions

Diluns, 30 de març

Jean-Charles Valadier

Dissabte, 19.12.2015 03h00

Demografia e emancipacion femenina (part 1)


Comentaris 10 comentaris    
Dolent Fluix Bo Molt bo Fabulós (3 vòtes)
carregant En cargament


Fa a l’entorn de 2,8 milions d’annadas que los primièrs representants del genre Homo serián apareguts. Pareis qu’unas centenas de milièrs d’individùs se mantenguèron en petitas tribús en Africa mai d’un milion d’annadas dins un equilibre ecologic de culhida, pesca e caça.
 
Aprèp s’èsser espandit subre totes los continents, es sonque recentament dins l’istòria umana, i a 40 000 a 30 000 annadas que l’elevatge e l’agricultura foguèron necessaris per noirir una populacion que passava lo milion d’individùs.
 
L’elevatge e subretot l’agricultura induguèron las guèrras neoliticas que serián aparegudas amb la sedentarizacion. Seriá la necessitat de delimitar las tèrras e l’acumulacion de riquesas per d’unes qu’aurián cambiat las societats tribalas mai o mens egalitàrias en societat de modèl patriarcal, inegalitari e guerrièr, amb la somission de las femnas als òmes, e dels paures als rics.
 
En l’an dit 0, la populacion mondiala èra de 170 milions d’abitants.
 
Entra 540 a 770, la pèsta auciguèt 100 milions d’abitants. Durant aquel periòde, la populacion demorèt estable a l’entorn de 190 milions d’abitants.
 
En l’an 1000, la populacion atenguèt 310 milions d’abitants.
 
En 1500, la populacion atenguèt 425 milions d’abitants.
 
En 1815, la populacion mondiala passèt lo miliard d’abitants e la populacion aumentava ja de 4 milions d’abitants per an, al despièit d’una fòrta mortalitat infantila e d’una esperança da vida inferiora a 40 ans.
 
Las guèrras e las pandémias aguèron pauc d’efèit subre la creissença demografica globala.
 
En 1850 amb la revolucion industriala, es la debuta d’una vertadièra explosion demografica amb 1,260 miliards d’umans, puèi:
 

— en 1900, 1,650 miliards d’umans,
— en 1927, 2 miliards,
— en 1960, 3 miliards,
— en 1974, 4 miliards,
— en 1987, 5 miliards,
— en 2011, 7 miliards,
— e 7,15 miliards d’umans en junh de 2015.
 
La centena de milions de mòrts de las doas guèrras mondialas e de la descolonizacion aguèron una incidéncia marginala subre aquela explosion demografica. L’explicacion màger n’es que l’esperança de vida pugèt a 70 ans mentre que la mortalitat infantila èra de mai en mai baissa.
 
Per los demografs, es l’abséncia d’educacion e d’emancipacion de las femnas que condutz a un taus de natalitat de 5 enfants (subre)vivents per femna, tant per Euròpa e America al sègle XIX, coma per Asia al sègle XX o ara Índia, Africa subsaariana e Indonesia.
 
Lo creissement demografic mondial actual es sens comparason istorica. Pendent lo sègle XX, l’aument de populacion accelerèt de 47 milions d’umans suplementaris cada annada en 1950 fins a 85 milions d’òmes e de femnas en mai en 1987. Totun, aquel creissement a començat un leugièr procès d’alentiment.
 
Sens politica activa d’emancipacion de las femnas per poder contarotlar lor vida e donc lor feconditat, las Nacions Unidas predison pel melhor una estabilizacion de la populacion mondiala per l’an 2050 amb 9 miliards d’umans amb l’accès general de las femnas a l’educacion e donc a l’emancipacion.
 
Per d’unes, es l’opcion de la saviesa, en laissant encara doas generacions de femnas e d’òmes viure dins la misèria e riscar un aument de las confrontacions per l’accès a las ressorsas. Es l’opcion causida per los responsables religioses e nacionalistas de totas tendéncias, e mai en França.
 
D’autres prepausan de generalizar l’accès a la contracepcion a totas las femnas, sens esperar lor accès a l’escòla. Pareis qu’es l’opcion la mens realista.



publicitat
BANER1: AOF



Comentaris

1 de genièr 23.03h

#5 Escrivètz : "Ai agut entendut de reaccions pro ben descabestradas contra de femnas occitanistas que i a. Vòli dire que quand se fa la critica dels discorses que pòt portar una femna se va sovent mai luènh qu'on pas la sola critica d'aquestes discorses. Totjorn çò mèmes : un òme que brame sas idèias vòl dire que deu èstre valent e garrut, una femna que cride tan naut sas idèias aquò vòl dire que deu èstre un escamandre mal-margada."

Avètz tot comprés que tot perfiechament d... Legir la seguida


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

20 de decembre 11.36h

#10 la resposta caup dins la question.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

20 de decembre 01.13h

#9 La còla del Figaro aurián degut se dire:
Serons-nous toujours aussi c*** dans trente ans?








Bah, oui.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

20 de decembre 00.32h

#3 Per rire un pauc, sénher Savonarole :

http://www.acrimed.org/Le-Figaro-Magazine-s-interroge-Serons-nous-encore-francais-dans-30-ans


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

19 de decembre 20.14h

#drandran... Rai que, quand m'arriba a ieu de dubrir la maissa un pauc a costat de l'occitanisme ben-pensant, de remetre en causa los qualques messias occitanistas qu'aiman d'aver son nom e sa fòto de'n pertot per representar un pòble que lor a pas res demandat... me fau sovent alucar !
Rai que son mai valorizantas per los egos, las nanàs-posicion de groopies e que las nanàs que se permeton de questionar, o de criticar, e mai sian cortesas las criticas, e ben, dins lo païsatge, son geinan... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

19 de decembre 17.11h

#5
Tanben apondrai qu'i a pauc de minoritats etnicas e de genre dins lo moviment occitan, que malastrosament a de mal à sortir d'un identitarisme inconscient e solidari de l'estat francés, es a dire mascle, blanc, crestian e eterocentrat...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

19 de decembre 13.20h

#1 Robert Menard siás tu ? Vai te'n conquistar lo monde sus las illas kerguelens.


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

19 de decembre 13.09h

E tè aquel article me fa me demandar que cossí tròn pòt anar qu'aquel jornal i ague talament pauc de femnas que i escriguon dedins, alaidonc que sus l'estat francés me sembla ( saique me colhoni ) que son en majoritat demest los trabalhadors de l'Occitan ?

Question : es qué i auriá pas una tendéncia pro prigondeta dins lo mitan occitanista ( qu'a aquel moment se diferenciariá pas de la societat entièira ), qu'afavorizèsse als òmes la produccion e l'emission de discorses, d'opinions... Legir la seguida


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

19 de decembre 05.44h

En Istòria, n'i a pas d'AN ZERO. Es absurde. Zèro vòu díser ARREN, qauquarren que n'existis pas.
Lavetz nada annada se pòt aperar atau, per rasons logicas.
1/ Lo temps , es la Tèrra que vira, vira, shens jamèi s'arrestar. N'i a pas de cronomètre que lo pòt arrestar, com per una espròva d'espòrt.
2/ Quan comptam, son de nombres ORDINAUS : purmèir, second, tresau, quatau...etc.. Nat compte ne comença per zero. com se vei quan comptam los jorns deus mes per exemple... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

19 de decembre 05.10h

dins nòstra societat que son modèla a conquistat lo mond l'influéncia de la religion tradicionala crestiana es pròchi de zerò, la demografia seriá establa emai demeniriá, i aguèsse pas una emigracion musulman que sei sectators li creson de bòn e que fan d'enfants ne vòs ne vaqui, quand auràn passat lei 50 per cent serem una republica islamica. resta l'Africa e lo resta dau mond ont l'islam progressa, soleta la China e l'Inda escapan per ara an aqueszta tendéncia e cercan , de badas,... Legir la seguida


Valora aquest comentari:   votar positiu 3   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions