CAPÇALERA2: IEA-AALO

Jornalet, gaseta occitana d'informacions

Divendres, 14 de decembre

Jean-Charles Valadier

Dimècres, 14.3.2018 03h00

Conservatòri Occitan: un destin occitan (II)


Comentaris 9 comentaris    
Dolent Fluix Bo Molt bo Fabulós (4 vòtes)
carregant En cargament


En 2007, l’adjunta a la cultura de Tolosa amb l’ajuda del tot potent director general dels servicis elaborèron una estrategia per impedir lo trabalh de valorizacion de la cultura occitana tradicionala del Conservatòri Occitan de Tolosa e son dinamisme creatiu qu’atirava lo grand public, mai que tot la joventut.
 
Amb lo sosten de la novèla directritz qu’avián recrutat per succedir a Pèire Corbefin qu’avia sostengut la dinamica del Conservatòri Occitan, cambièron lo reglament interior per minorizar lo ròtle dels aderents e contrarotlar son Conselh d’Administracion. Lor objectiu èra d’o transformar en un Centre de las Musicas e Danças Tradicionalas en n’escafant la particularitat occitana.
 
Es atal que la granda institucion publica de Miègjorn Pirenèus que valorizava artistas e creators occitans devenguèt una institucion qu’ignora gaireben la lenga occitana. Lo sola concession que deguèron faire foguèt de reintroduire lo mot occitan dins lo nom de l’institucion. Ara, se sona Centre Occitan de las Musicas e Danças Tradicionalas (COMDT) mas la lenga occitana es mal venguda dins aquela novèla formula.
 
En 2008, la comuna passèt a esquèrra e l’elegit del “Parti de Gauche” en carga de la musica prenguèt la presidéncia del COMDT e contunhèt una accion obertament opausada a la lenga e cultura occitana, en acòrd amb sa directritz.
 
Atal malgrat las iniciativas de valorizacion de l’occitan dels conselhs municipals successius de dreita puèi d’esquèrra (bastison de l’ostal d’Occitània, placas de carrièras bilingüas, occitan dins lo mètro, obertura d’escòlas bilingüas e ajuda a Calandreta, sosten à la manifestacion Anem òc...), a l’interior del sistèma, d’elegits o de foncionaris anti occitan arriban a alentir e mai enebir las avançadas durament conquistas.
 
Calandreta, las escòlas bilingüas, la television en occitan... ne son tanben victimas de pertot en Occitània. D’aisinas tant importantas coma lo CIRDOC, l’INOC, l’OPLO, lo Congrès Permanent e las que coneissi pas en Provença, Limosin, Auvèrnhe pòdon èsser menaçadas.
 
La respòsta deu èsser politica e mediatica, tal coma o fan la Federacion dels Ensenhaires de Lenga e Cultura d’Òc (FELCO) e Calandreta fàcia a d’unes foncionaris o elegits anti occitan de l’educacion Nacionala o de las comunas. L’accion mediatica tal coma o fa La setmana o Jornalet es essenciala e deu èsser espandida.
 
Per que lo COMDT que profèita d’un finançament public important torne dins son ròtle de  valorizacion de la cultura occitana, cal ne faire un subjècte de debat per las eleccions municipalas de 2020. Se poiriá propausar un projècte d’un nòu conservatòri occitan que poiriá devenir un marcador cultural de la metropòli tolosana e de la region a partir del patrimòni occitan (mai que mai dança e musica) e de son inscripcion dins la modernitat e la diversitat culturala.
 
Per aquò, cal portar l’identitat occitana dins lo debat politic per que los elegits l’assumiscan, tal coma o faguèt Dominique Baudis, ancian cònsol màger de Tolosa qu’escriviá ja en 1991 dins la revista Pastel del conservatòri per sos 20 ans: “Toulouse, de par son rôle historique, sa position géographique et son attraction économique a toujours été le porte drapeau de notre culture occitane...Je suis pour ma part, heureux de cette continuité car la transmission de la culture doit nécessairement s’inscrire dans la durée.” “Tolosa, de per son ròtle istoric, sa posicion geografica e son atraccion economica sempre foguèt lo pòrta bandièra de nòstra cultura occitana... Soi per ma part, aurós d’aquesta continuitat que la transmission de la cultura deu necessariament s’inscriure dins lo temps.”
 
 
 


abonar los amics de Jornalet
 



publicitat
BANER1: IEA-AALO



Comentaris

25 de març 20.01h

#8 Mon car Peire Cardenal, ai jà agut l'escasença de causar unis còps amb lo Sicre, confèrmi : aquel òme se sentis pas a son aise de parlar en òc, es quicòm que li agrada pas, cap d'amor o de gausissènça de la convèrsa en lenga nòstra a cò d'èl. Passadas las doas o tres minutas "ritualas" en occitan aquel vos fai lèu-lèu compréne que per passar a las causas "seriosas" sètz pregat de contunhar la charradissa en francimand. Vertat que per lo Sicre la revindicacion occitana sembl... Legir la seguida


Valora aquest comentari:   votar positiu 18   votar negatiu 0
Respondre comentari replica Comentari inadequat   Formulari d'abús de comentari

24 de març 15.25h

#7 Quand aquo ven d'un artista que se reivendica a cor e a crid de l'occitan la trapi pusleu marrida.M'imaginariai pas un Lluis Llach, per exemple,respondre e escriure SISTEMATICAMENT en espanhol quand a afar a un media d'expression catalana.


Valora aquest comentari:   votar positiu 25   votar negatiu 0
Respondre comentari replica Comentari inadequat   Formulari d'abús de comentari

23 de març 22.22h

#6 Es domatge qu'o diga en francés mas es pertinent. E puèi, n'i a d'autres comentaris que son pas en occitan e ne fasèm pas un monde. E n'i a que son en occitan e que son pas tant interessants. Alara...


Valora aquest comentari:   votar positiu 3   votar negatiu 2
Respondre comentari replica Comentari inadequat   Formulari d'abús de comentari

23 de març 07.28h

Perque CADA cop qu'aquel "Sicre" a quicom a dire dins un media occitan o-fai en frances? A creire que per aquel charrar en oc es un "gadget" fastigos qu'usa unencament per faire lo mariol a co de sos amics parisencs.


Valora aquest comentari:   votar positiu 40   votar negatiu 0
Respondre comentari replica Comentari inadequat   Formulari d'abús de comentari

17 de març 11.23h


Que diser de mes e mes plan que Sicre? Tostems "en fasa" aqueth |òme ! Le saludi !


Valora aquest comentari:   votar positiu 2   votar negatiu 22
Respondre comentari replica Comentari inadequat   Formulari d'abús de comentari

16 de març 19.27h

Lo contengut d'aqueste comentari es ocult perque es estat considerat inadeqüat pels legeires de Jornalet
Mostra'l


Valora aquest comentari:   votar positiu 6   votar negatiu 30
Respondre comentari replica Comentari inadequat   Formulari d'abús de comentari

15 de març 12.50h

Quora fas ton gasanh dins la politica E l'occitanisme, s'interessar un tant siá pauc a çò que si fa en fòra de ta region me pareisse pas una exigéncia subre exagerada...

Amai, coma observator exterior, ai un pauc de mau de veire lo caractèr anti-occitan dau COMDT quora vesi sa plaqueta de programacion disponibla a n'aquesta pagina :

http://www.comdt.org/diffuser/concerts-et-manifestations/saison-2016-2017/

De çò que ne'n pòdi liegir, la grand majoritat de la programacion es virada d... Legir la seguida


Valora aquest comentari:   votar positiu 24   votar negatiu 3
Respondre comentari replica Comentari inadequat   Formulari d'abús de comentari

14 de març 20.07h

#1 Vaquí resumit los mals de l'occitanisme : los que sabon pas tot e los que sabon tot.


Valora aquest comentari:   votar positiu 4   votar negatiu 8
Respondre comentari replica Comentari inadequat   Formulari d'abús de comentari

14 de març 11.31h

"D’aisinas tant importantas coma lo CIRDOC, l’INOC, l’OPLO, lo Congrès Permanent e las que coneissi pas en Provença, Limosin, Auvèrnhe pòdon èsser menaçadas."

Lo mau que dagalha l'occitanisme resumit en una frasòta.... Com vos vie e co'us vei !


Valora aquest comentari:   votar positiu 25   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions