CAPÇALERA2: FAI-TE SOCI

Jornalet, gaseta occitana d'informacions

Diluns, 20 d'agost

Jean-Charles Valadier

Divendres, 4.5.2018 03h00

Occitània, un gratacèl per Tolosa


Comentaris 4 comentaris    
Dolent Fluix Bo Molt bo Fabulós (7 vòtes)
carregant En cargament


Dempuèi 2016, dins l’encastre dels estudis per lo projècte Toulouse Euro Sud Ouest (TESO) de modernizacion urbana a l’entorn l’estacion ferroviari centrala de Tolosa (Tolosa Matabiau), se desvolopèt un projècte immobiliari sense precedent e dins una granda opacitat: l’OCCITANIE TOWER. Quicòm coma la Part Dieu a Lion, en mai aut.
 
En mars de 2017, al Mercat internacional dels Professionals de l’Immobiliari (Mipim) de Cana, lo projècte de construire un gratacèl de 150 mètres de autura al ras de la gara ferroviària centrala de Matabiau foguèt anonciat per lo cònsol màger, president de Tolosa Metropòli, Jean-Luc Moudenc. Los Tolosans o aprenguèron per via de premsa, l’anóncia oficiala se faguèt sonque lo 13 de julhet de 2017. Aquel projècte non foguèt jamai propausat al long de las 3 annadas de concertacion publica prealabla amb la populacion qu’acompanhèt la concepcion del projècte Toulouse Euro Sud Ouest (TESO).
 
Lo prètz anonciat èra de 130 milions d’euros. “Toulouse est la grande ville qui monte en France et pour cela, il fallait un symbole, un signe urbain fort”, çò diguèt lo cònsol màger Jean-Luc Moudenc, al costat del director general de SNCF Immobilier.
 
L'SNCF, qu’òm ditz asfixiada per lo deute de las LGV, vendriá un tròç de la gara Matabiau a “La Compagnie de Phalsbourg”, promotor-investissor per realizar un “Immeuble de Grande Hauteur” (IGH), que deuriá aculhir, subre 34 000 mètres carrats, una ostalariá 4 estelas, un restaurant, d’abitacions de grand luxe a mai de 7000 euros lo m2, de burèus per de multinacionalas e de comèrcis de grand luxe.
 
La comuna de Tolosa tornèt batejar aquel projècte en “Tour Occitanie”. Es una bona novèla d’un punt de vist toponimic, qu’atal Occitània es devengut un signe identitari per los projèctes politics màgers. D’un punt de vist urban, las opinions divergisson.
 
Per Jean-Luc Moudenc, “C’est un choix audacieux ... en continuité avec l’environnement”. Los mitans d’afar tolosans e los mèdias oficials locals sostenon lo cònsol màger dins son iniciativa.
 
D’un autre latz, una associacion opausada al aqueste projèctese farguèt a la davalada de 2017. Mai de 3000 personas signèron la peticion contra aquel projècte. L’associacion indica que lopromotor immobiliari es a man de depausar lo permís de construire en comuna e que demòra sonque unes meses per empedir que “lo cònsol màger de Tolosa e lo promotor immobiliari, la “Compagnie de Phalsborg” impausèsson lor projècte de gratacèl a la populacion en començant las òbras abans las eleccions municipalas”. Atal, lo promotor immobiliari non seriá pas tengut de respectar las normas nòvas de construccion mai ecologicas obligatòrias en 2020. Tanben, lo cònsol màger modifiquèt lo Plan Local d’Urbanisme sonque per que lo promotor non aguèsse de bastir de lotjament socials e de parques per las bicicletas.
 
Forca associacions denóncian d’irregularitats de proceduras e fan un clam public als dons per la contestar juridicament. Reculhiguèron ja la mitat dels 4000 èuros necessaris.
 
Lo combat pareis inegal entre la capacitat financièra e juridica dels uns e dels autres, mas l’enjòc urban es d’importància. Conservar l’urbanisme dense e orizontal d’una de las raras metropòlis amb de mai de 2000 ans d’istòria urbana o introduire de gratacèl coma la majoritat de las 500 ciutats de mai d’un milion d’abitants del monde qu’an de centra vila amb de tors d’activitats e pauc d’abitacions o trobar en Occitània un modèl urban mai respectuós de la diversitat dels usatges...
 
 


abonar los amics de Jornalet
 



publicitat



Comentaris

12 de mai 10.30h

Sénher Valadier, luòga de nadar en plen deliri extatic amb de frasas irrealistas coma "Occitània es devengut un signe identitari per los projèctes politics màgers" anatz mandar un uèlh sus l'article " La santa colèra de Claudi Alranq contra la traïson de l'esquèrra francesa". Benlèu qu'aprèp l'aver ausir arrestarètz de contunhar a prener de vessias per de lantèrnas !


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

11 de mai 16.23h

Escrivètz amb un esmovent estrambòrd de mainatge "Es una bona novèla d’un punt de vist toponimic, qu’atal Occitània es devengut un signe identitari per los projèctes politics màgers." E i cresètz encara a-n-aquel aganta-gòbi ? Saique coma lo nom donat a la novèla region Midi-Pyrénée+Languedoc-Roussillon seria dins los fantasmas vòstres lo signe segur d'un afortiment identitari occitan ? Tsss...


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

4 de mai 22.36h

Un gratacèl… quin nom pretenciós per dire un fais betonalha, de ferralha e de veiralha que permet d'empialar gents subre gents per centenats en un solet punt de la mapa d'una vila, per fin de ne tirar un maximum de moneda amb un minimum d'investiment foncièr ! Lo simple fait de se retrobat atragut a per la necessitat de se retrobar totes a viures los unes subre los autres enfaissaits coma sardas en bóstia dins unas vilassas pudentas ja m'es revoltant.


Valora aquest comentari:   votar positiu 10   votar negatiu 1
Respondre comentari replica Comentari inadequat   Formulari d'abús de comentari

4 de mai 09.39h

Le promotor e l'arquitècte, bèlas fortunas, son ligats a Israèl e sionistas.
La religion es pas le problèma en se. Le sionisme, el, es subjècte de critica.


Valora aquest comentari:   votar positiu 10   votar negatiu 11
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions