CAPÇALERA2: IEA-AALO

Jornalet, gaseta occitana d'informacions

Divendres, 14 de decembre

Jean-Charles Valadier

Dimècres, 28.11.2018 03h00

Los “gilets jaunes” en Occitània


Comentaris 7 comentaris    
Dolent Fluix Bo Molt bo Fabulós (12 vòtes)
carregant En cargament


Lo movement dels “gilets jaunes” mobilizèt fòrça monde aqueste dissabte 17 de novembre en Occitània, del val de Garona al val de Ròse e la còsta mediterranèa. Per lo geograf Christopue Guilhuy, autor de No Society (Flamarion, 2018), que trabalha dempuèi mantunas annadas subre la “França periferica”, lo movement dels “gilets jaunes” es un simbòl del desclassament de la classa mèdia. Petits independents, emplegats, obrièrs, mas tanben caumaires, paisans, retirats... son la basa dels “gilets jaunes”, dels “bonnets rouges”, e de fòrça movements populistas d’Euròpa.
 
Aquela classa sociala èra integrada economicament, donc integrada politicament, e culturalament. La mondializacion liberala aguèt un impacte territorial fòrt. L’Occitània periferica de las zònas ruralas, de las vilas petitas e mai de las vilas mejanas coneguèt una desertificacion dels emplecs. En Occitània, comencèt dins los zònas industrialas dins las annadas 1960 per la classa obrièra, amb la politica de l’estat francés de concentracion dins las entrepresas del Nòrd de França per competir sul mercat internacional. S’amplifiquèt amb la mondializacion liberala dins las annadas 1980. Puèi amb la politica de las exportacions agricòlas, las zònas ruralas perdèron los emplecs e enfin las professions intermediàrias foguèron atintas amb l’automatizacion. La majoritat de la populacion occitana joguèt lo jòc de la mondializacion e de l’Euròpa liberala amb la pujada de lor poder de compra e las possibilitats de l’ascension sociala. Aquela classa mèdia èra integrada economicament e votava per de partits que la representava. Lo monde mediatic e cultural ne parlava positivament. I aviá un ligam entre la basa populara e los jornalistas, los universitaris, los intellectuals, e mai foguèsson parisencs. Los Partits comunista a l’esquèrra o RPR a dreita fasián aqueste ligam.
 
Dempuèi 20 o 30 ans, las classas mèdia e populara son vengudas de “losers” economics amb de taus fòrt de caumatge e de precaritat. La geografia d’aquela populacion es revelatritz. Amb de prètz superior a 3000 euros lo m², lo còr de las metropòlis occitanas que concentran los emplecs qualificats non son pas mai accessiblas per las classas popularas. La classa mèdia es regetada a l’exterior, se sent prisonièrs d’aquela periferia e lor territòri ont es obligada de préner lor automobila. Lo prètz de l’immobiliari es un marcor de la valorizacion o non d’un territòri. Fan ara un constat negatiu e racional subre la baissa de lor poder de compra o la fin de l’ascension sociala.
 
E mai, lo modèl d’integracion de l’immigracion venguda de las ancianas colonias europèas non fonciona pas mai. Los immigrats son mens portats a s’integrar ara que son vesin o son collèga de trabalh occitan de classa populara non es pas mai integrat economicament e respectat culturalament, e non sembla pas mai satisfait per son mòde de vida. En Occitània, avèm tanben una immigracion franchimanda que mespresa la cultura locala de las populacions francitanas, fòra la petita part occitanista qu’assumìs sa cultura pròpria.
 
La question ecologica estigmatiza tanben las classas popularas. E mai se la consciéncia ecologica es tant fòrta dins las classa popularas coma dins las autras, se pausa la question financièra. Degun refusa una automobila electrica per lo meteis prètz qu’un diesèl, refusa de manjar biologic al meteis prètz. Las categorias popularas non an pas especialament enveja de polluir lo planeta.
 
Atal las categorias popularas an un imatge de despassats. E los partits politics contunhan de s’adreçar a una classa mèdia mitica, en via de marginalizacion. D’aquí ven lo populisme. E se lo “Rassemblement national” captèt una part d’aquela colèra, la majoritat demòra dins la desafiliacion politica.
 
Aquel modèl economic non fa pas mai societat.. “Gilets jaunes” en Occitània, Brexit, Trump, Orban, Kaczynski… servisson per exprimir lor ressentiment contra aquel desclassament.
 
Amb lo movement dels “gilets jaunes”, l’avenir pòt s’inscriure dins un populisme de cort tèrme s’apiejant subre l’expleitacion de las ressorças naturalas e lo conservatisme. Per los occitans, serà l’enfortiment del nacionalisme franchimand e per lo planeta, un risc d’esfondrament ecologic. Pòt tanplan s’inscriure dins una mutacion politica per que las classas ricas contribuisson mai a una transicion ecologica vertadièra. Per los occitans, pòt èsser una oportunitat de profeitar de la relocalizacion de l’economia que deu induire.
 
 
 
 


abonar los amics de Jornalet
 



publicitat



Comentaris

2 de decembre 18.27h

#6 Exacte. Aquò fai ara tres setmanas que vivem una situacion de revòlta qu'es estada qualificada d'insureccionala per la policia e lo govèrn. Es jamai estat tan grèu e potent dempuèi Mai de 1968. Aquesta insureccion populària dels gilets jaunes creis e esclata cada jorn de mai en mai. Lo govèrn Macron es a mand d'èsser destituat, lo pòble n'a pron e s'aprèsta a picar encara mai fòrt. E Jornalet nos parla dels escobilhaires (òmes de recapte en gloubli-gloubla catalanò-occitan) mars... Legir la seguida


Valora aquest comentari:   votar positiu 12   votar negatiu 1
Respondre comentari replica Comentari inadequat   Formulari d'abús de comentari

2 de decembre 13.58h

Aqui ont vesem que Jornalet es dirigit dempuèi Barcelona ( ço qu'en general es pas fach per nos desagradar) es que rendètz pas compte d'aquo que se passa ara en Occitània tota amb los gilets jaunes. A Narbona, a Tolosa, al Puèi-en-velai, a Albi, a Marselha, an cremat de gendarmarias, de jos-prefecturas, de radars, la revolta poja de jorn en jorn, sostenguda per mai de 85 per cent del poble e Jornalet ne ditz PAS RES. Passatz completament a costat d'aquesta actualitat màger que concernis O... Legir la seguida


Valora aquest comentari:   votar positiu 27   votar negatiu 1
Respondre comentari replica Comentari inadequat   Formulari d'abús de comentari

1 de decembre 20.00h

Curiositat : perque los sols drapels desplegats pels gilets jaunes a Paris son lo francès e lo breton ? Pas jamai l'occitan, lo corse o lo basc. Perque ?


Valora aquest comentari:   votar positiu 22   votar negatiu 1
Respondre comentari replica Comentari inadequat   Formulari d'abús de comentari

29 de novembre 06.24h

Lo sistèma de la 5a republica es pas pro democratic : vesem aquí las limitas de la monarquia !
1/ tot lo poder es dens las mans deu govern , de l'executiu que pòt héser çò que vòu , shens se chepicar deus elegits deu pòble : l'Assemblada deus deputats es una cramba d'enregistrament de l'executiu .
=> las gents se sentissen desdeishadas , shens degun per portar çò que demandan, quitament colhonadas per aqueths "elegits" .
2/ => l'abstencion ven mei anar mei im... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

28 de novembre 14.16h

Lo movament daus gilets jaunes es pas l'element le mai important que ven. Los Rotschild perdan lòr poder dins lo monde e lo governament frances de Macron mai d'Olande o de Sarkosy au servici dau Rotschild, vesan lòr poder diminuar.
Tot se passa coma si la vertadiera opausicion muselada e catada dempuei fòrças annadas commençava d'ausar se manifestar e denonçava la dictatura de l'estat frances. La mondialisacion a transformar los frances de "productors frances" a daus "consomador... Legir la seguida


Valora aquest comentari:   votar positiu 4   votar negatiu 6
Respondre comentari replica Comentari inadequat   Formulari d'abús de comentari

28 de novembre 10.05h

“una immigracion franchimanda que mespresa la cultura locala de las populacions francitanas”, un mesprètz plan espandit tanben hens las populacions locaus.


Valora aquest comentari:   votar positiu 18   votar negatiu 2
Respondre comentari replica Comentari inadequat   Formulari d'abús de comentari

28 de novembre 09.51h

Aquel comentari ès dins la linha de la "soscadissa" de l'elita "autoproclamada e de la parisencalha :
" Avèm comprès lo moviment gilets jaune mas avant de l'escotar e de balhar seguida a las siás revendicacions cal parlar de la fin del monde e de la transicion ecologista"

Ieu, cresi que cal escotar lo pòble e pas los que amb condescendéncia volen li balha de leissons. Ai mai fisança en lo moviment dels gilets jaunes que en los comunicants, ,DRH, e mantuns plumitius de segona que son ... Legir la seguida


Valora aquest comentari:   votar positiu 27   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions