CAPCALERA: la botiga

Jornalet, gaseta occitana d'informacions

Dimècres, 21 d'abril

Jean-Charles Valadier

Dimècres, 16.12.2020 03h00

Los departaments per la lenga occitana


Comentaris 10 comentaris    
Dolent Fluix Bo Molt bo Fabulós (8 vòtes)
carregant En cargament





En junh de 2021, i aurà en Occitània las eleccions departamentalas dins l’estat francés. Mas que fan los departaments per la lenga occitana. Una recerca dels mots claus «lenga provençala, occitana, limosina, gascona, auvernhata, patrimòni...» suls sites oficials dels departaments nos dona unas informacions.
 
I a los los departaments qu’ignòran la lenga, e mai dins las accions patrimonialas. E mai, d’unes la denigran. Per exemple, la Vauclusa que en 2019 arranca los panèls en provençal meses en plaça per las comunas, generalament en grafia mistralenca, que son jos los panèls oficials en francés meses per lo departament, tal coma «Li Taiado» al costat de «Les Taillades», ou «Perno Li Font» per «Pernes les Fontaines» . Lo conselh departamental justifica la discriminacion linguistica jos l’argument que vòl qu’un sol panèl oficial a l’intrada de las comunas, lo en francés. Mantes cònsols denoncièron aquela decision.
 
I a nombre de departaments que non assumisson l’existéncia d’une lenga istorica, fòra del francés, mas apòrtan lor concors a las accions patrimonialas de las associacions occitanistas dinamicas, coma las exposicions, los collòquis, las publicacions, tal coma los departaments d’Auvèrnhe de Naut Léir o Puèi de Doma.
 
D’autres departaments assumiscan l’existéncia d’una lenga patrimoniala occitana o auvernhata, limosina, provençala...mas se limitan a un sosten a las associacions localas dinamicas, tal coma lo Chantau en Auvèrnhe amb una convencion d’objectius pluriannualas amb lo collectiu de las associacions occitanas de Chantau. Es tanben Òut e Garona per lo “patrimòni material (monuments, sites, colleccions) e immaterials (dont la lenga occitana)».
 
I a los departaments que comencèron a s’estructurar amb una mission occitana, tal coma Auta Garona. Aquela misssion occitana seguis lo dorsièr «collègi occitan», mèna d’accions de sensibilizacion del personal departamental e concluguèt una convencion academica sus l’occitan dins los collègis publics amb lo rectorat. En 2020, una senhalizacion bilingüa es començada dins la selva de Buset e sus la via ciclabla /pedon Via Garona que religa Tolosa a la val d’Aran.
 
I a de departaments que començan una politica linguistica. En seguida de talhièrs participatius per establir un esquèma departamental de l’occitan, lo Departament d’Aude subvenciona las associacions, las companhiás de teatre, los luòcs que programan de l’occitan e tanben las calandretas. Es tanben lo departament de Tarn que trabalhèt amb l’Ofici Public de la Lenga Occitana (OPLO) a la redaccion de la Convencion per l’ensenhament de l’occitan amb l’obertura de 6 seccions bilingas en primària, l’opcion occitana dins 11 nòus collègis e una ajuda a las comunas per metre lo nom de la comuna en occitan dins los panèls d’intrada. Es un situacion similara en Avairon (Roergue).
 
Fin finala, es lo departament dels Pirenèus Atlantics qu’a la politica linguistica mai ambiciosa per l’occitan. O faguèt en seguida de la politica linguistica que metèt en plaça per lo basc amb lo sosten des elegits basques e l’accòrdi de l’estat francés per respondre a l’accion dels nacionalistas basques, m’as tanben gràcia a la mobilizacion dels bearneses.
 
L’Esquèma d’amainatjament lingüistic per la lenga occitana dels Pirenèus Atlantics mòstra qu’es possible d’aver una accion fòrta de promocion de l’occitan al nivèl del conselh departamental https://www.le64.fr/developper-lusage-e-la-transmission-de-la-lenga-occitana-bearnais-e-gascon. Lo budgèt per l’occitan es de l’òrdre de 1 M€ (e 1M€ pel basc) sus un total de 880 M€. Son d’accions similaras a las dels departaments bretons, còrse e alsacians.
 
En conclusion, las eleccions departamentalas de 2021 dins l’estat francés son l’escasença de demandar la mesa en plaça de politica linguistica departamentala ambiciosa per l’occitan.
 
 
 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

19 de decembre 09.39h

#4 &7 En. Pitbull, bien essayé ! E plan mercès per la leçon ça que là, totun ensajatz un còp d'escriver en òc dens un diari francés, estosse aqueth deu país : veiratz coma seràn recebuts los vòstes comentàris e mes se 'u veng l'idea hòla de vs'n plànher... Alavetz pr'amor de qué ac harén ? Me'n sap grèu, la tolerància n'ei pas un dret, qu' ei pro d'anar véser suu Petit Robert.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de decembre 21.15h

Shens compdar que caleré lhèu començar per arremerciar los militants qui s'i hèn despuish las annadas 1980 e a bèths còps mei enlà, entà arribar taus resultats qui avem (gràcias aus bascos o non). Que'vs tròbi bèth drin arrogant.


Valora aquest comentari:   votar positiu 4   votar negatiu 5
Respondre comentari replica Comentari inadequat   Formulari d'abús de comentari

16 de decembre 21.13h

#1 Ne sèi pas se los occitanistas bearnés èm arrogants, mes se n'èm, que deu estar tanben quauquarren qui avem pres deus bascos. Ne i a pas arrés de mei arrogants que los bascos dab los bearnés.


Valora aquest comentari:   votar positiu 2   votar negatiu 5
Respondre comentari replica Comentari inadequat   Formulari d'abús de comentari

16 de decembre 11.45h

#5 S'escrivètz en Oc, tant melhor. Per contra cal respectar lo mond qu'escrivon en Francés. Cal èstre tolerant.


Valora aquest comentari:   votar positiu 4   votar negatiu 8
Respondre comentari replica Comentari inadequat   Formulari d'abús de comentari

16 de decembre 11.42h

#4 Perfèctament d'acordi.


Valora aquest comentari:   votar positiu 5   votar negatiu 5
Respondre comentari replica Comentari inadequat   Formulari d'abús de comentari

16 de decembre 11.35h

#4 Sénher Pitbull" ( sabi pas cossí se sona aquel gos en occitan !)

Soi pas un sabentàs, tanpauc "un pseude auteur ou pseudo linguiste". Soi sonque un afogat de la lenga del pâís. L'ai pas popuda ambe lo lach de la maire.. Nascut en G asconha tolosana, soi de paire nord catalan de "soca arrel" e de maire friulana. Ai fach l'esfòrç de me perfeccionar en occitan ambe los corses per adults.

Escriure en occitan sul Jornalet, me sembla una question de respècte per nosautres e los autres... Legir la seguida


Valora aquest comentari:   votar positiu 7   votar negatiu 5
Respondre comentari replica Comentari inadequat   Formulari d'abús de comentari

16 de decembre 10.51h

#4 Un peu de tolérance tout de même!! Beaucoup en ont marre des remarques incessantes sur la qualité de la langue, souvent faites par des gens moyennement compétents, qu'ils soient pseudo-auteurs ou pseudo-linguistes. Alors ils passent au français, merci les gars!
Et puis, les ''catalans, italians, espanhòus, eca ..'' qui comprendraient le languedocien jornaletien et pas le français, j'y crois moyen....Tolerància e paratge, ça doit marcher dans les deux sens, sinon c'est trop facile!!!... Legir la seguida


Valora aquest comentari:   votar positiu 6   votar negatiu 9
Respondre comentari replica Comentari inadequat   Formulari d'abús de comentari

16 de decembre 10.31h

#1 Pron de messatges en francés sus Jornalet , se vos plai ! Mercés
De mai, i a legaires ( catalans, italians, espanhòus, eca ...) que comprenen pas la lenga dels nòstres colònitzadors .


Valora aquest comentari:   votar positiu 9   votar negatiu 7
Respondre comentari replica Comentari inadequat   Formulari d'abús de comentari

16 de decembre 08.27h

E pel departament de Tarn-e-Garona ? Parla la lenga lo president d'aquela collectivitat: pr'aquò, qualqu'un sap se i a solament un budgèt dedicat a la lenga occitana ? Cal esperar que las associacions se mobilizen pendent aquelas eleccions.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

16 de decembre 06.19h

Dans les Pyrénées Atlantiques, les quelques militants occitanistes existants devraient remercier mille fois les basques! c'est leur travail qui permet de ramasser la monnaie. Sans eux, rien du tout!
Il faut le rappeler car au lieu de les rendre humbles, ça les rend arrogants.


Valora aquest comentari:   votar positiu 8   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions