CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Divendres, 15 de novembre

Jean-Charles Valadier

Dissabte, 21.12.2013 03h00

Tolosa 2014 (II)


Comentaris 2 comentaris    
Dolent Fluix Bo Molt bo Fabulós (1 vòte)
carregant En cargament


Quinas son las accions possibles aprèp las eleccions municipalas de 2014 per perseguir la politica per la lenga occitana qu’avèm menat a Tolosa entre 2008 e 2014.
 
En 2014, cal cambiar d’escala territoriala per que l’accion se faga ara al nivèl intercomunal, donc de l’aglomeracion tolosana.
 
Cal tanben espandir lo concèpte de politica lingüistica al nivèl dels elegits e de las administracions. Cal partir del consens ciutadan subre lo principi de democratizacion e d’ecologia per demandar la  valorizacion de la diversitat, e donc la promocion de totas las lengas territorialas de cada territòri. A Tolosa, occitan e francés son las doas lengas istoricas modèrnas del territòri. L’accion politica municipala las deu far venir  accessiblas a totes los ciutadans del País Tolosan.
 
A Tolosa coma endacòm mai, l’occitan coma competéncia intercomunala demanda una visibilitat politica amb d’elegits delegats e una capacitat d’accion amb una direccion especifica. Per Tolosa Metropòli, 2 agents (subre 12 000) son possibles amb un budgèt que poiriá èsser portat a 2 milions d’euros dins los 5 ans (0,2% del budgèt comunautari). Aquesta direccion deu èsser en carga d’un plan d’accion transversal en collaboracion amb las autras direccions de la comunautat urbana per aumentar la visibilitat de la lenga e cultura occitana dins totes los domenis de competéncia: senhaletica, acuèlh, subvencions, accions publicas, formacion, educacion, seniors, petita enfància, torisme....
 
Un plan d’investiment plurianual, conjuntament amb la region, lo departament e l’estat deu èsser planificat per finançar un autre site per la cultura occitana subre l’aglomeracion en mai de l’ostal d’Occitània, subretot per la formacion als adultes, una tresena escòla primària Calandreta e un collègi Calandreta.
 
Lo Conservatòri Occitan de Tolosa deu devenir un equipament cultural d’aglomeracion amb una mission explicita d’iniciacion e difusion de la lenga e cultura occitana a partir de las tradicions occitanas localas en ligam amb los actors de l’aglomeracion, tal coma Arpalhands a Colomiers.
 
Lo salon del libre occitan de Sant Orens deu  devenir una granda manifestacion de nivèl comunautari per valorizar la creacion litterària occitana.
 
Per que la transmission de la lenga se torne faire, una convencion nòva pòt èsser negociada per la comunautat urbana amb lo rectorat e la region per crear 2 filièras primàrias bilingüas publicas per an (subre mai de 200 sites escolars), lo tresen site primari Calandreta atal coma un collègi Calandreta . Aquestas oberturas se devon acompanhar de formacions especificas en direccion dels animators periescolars: centre de léser, cantina....
 
La comunautat urbana pòt engatjar una accion significativa amb l’ofici public interregional de la lenga occitana per desvolopar l’ensenhament als adultes, lo desvolopament de l’occitan en entrepresas, dins los comèrcis, e per sosténer la labellizacion dels lòcs ont se pòt utilizar l’occitan: centre esportiu, de léser o cultural, bibliotècas...
 
Totas aquelas accions s’inscrivon dins l’encastre legal actual e dins un consens majoritari de la populacion. Son realizablas concretament e non deuriàn pas trobar tròp d’oposicion. Ara es als occitans d’o revindicar, tal coma o fa Convergéncia Occitana en país tolosan.



publicitat
BANER1-2-3: DGPL TRADUCTOR



Comentaris

22 de decembre 12.28h

#1 Un ocupant dempuèi 800 ans... ieu lo conéissi lo vertadièr ocupant de Tolosa, dempuèi 2130 ans, es lo latin e sa puta descendéncia. Visca lo reviscol dels Volques Tectosages!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

22 de decembre 07.36h

"A Tolosa, occitan e francés son las doas lengas istoricas"

Cresiá que lo francés èra la lenga de l'ocupant, dempuèi 800 cents ans, m'engani ?


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions