CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimècres, 13 de novembre

Jean-Charles Valadier

Dissabte, 22.2.2014 03h00

L’economia circulara


Comentaris Pas cap de comentari    
Dolent Fluix Bo Molt bo Fabulós (3 vòtes)
carregant En cargament


Lo primièr libre subre l’economia circulara en lenga francesa pareis en 2009:  “Économie circulaire: l’urgence écologique “ de Jean-Claude Lévy.
 
Lo concèpte d’economia circulara es la seguida de la reflexion dels filosòfes ecologistas (véser article subre l’ecologia prigonda) per enfrentar la diminucion rapida dels estòques de matèrias primàrias mentre que la populacion creis dins lo monde. Dins lo modèl de l’economia circulara , lo sistèma actual es dit de l’economia lineara car establit sul consum permanent de las matèrias primàrias dins un cicle continú d’extraccion, de produccion e de generacion de rebuts. Aqueste cicle es pro sovent causa de pollucion. Los pensaires de l’economia circulara estiman indispensable de se questionar subre aqueste modèl e de definir un modèl nòu per arrestar un sistèma qu’atariguèt las ressorças e polluiguèt nòstre ambient natural.
 
L’economia circulara prepausa un modèl mens dependent de las matèrias primàrias en reduire lor extraccion, tot en tornar lançar l’emplèc e en preservar l’ambient natural.
 
Aqueste modèl prepausa mantunas pistas per desvolopar una economia nòva que s’apuèja subre:
 

La luta contra l’obsolescéncia programada: es l’utilizacion dels objèctes e dels aparelhs lo mai de temps possible, amb la mesa en plaça de servicis de mantenement e de reparacion
La reutilizacion de las matèrias ja aprofeitadas.
 
L’economia de foncionalitat o d’usatge ont puslèu que comprar un ben, se compra lo servici que balha, per exemple l’autopartatge de las veituras o de las bicicletas. Dins aquel modèl economic, la valor d’un produit se tròba mai dins sa foncion que dins sa produccion.
 
L’agençament del territòri, en considerar lo flus de las matèrias primàrias, dels rebuts e de las personas; los territòris devon ésser organizats per diminuir lo transpòrt de las merças (e lor rebut) e de las personas e desvolopar l’us del tren, dels transpòrt en comun e de las bicicletas.
Una democracia locala aprigondida amb mai de concertacion, d’escambis, de partiment, per melhor administrar los besonhs e los servicis, arrestar los degalhatges, e aumentar lo temps de vida dels objèctes manufacturats.
 
Aquel sistèma limita las matèrias primàrias utilizadas, recor a las energias renovelablas, fòrabandís los produits toxics.
 
L’economia circulara permet lo desvolopament economic local e mena a la creacion d’emplècs que non se pòdon pas deslocalizar. Favorís un consum rasonat e tornamai localizat, sosten las activitats industrialas e agricòlas dins los territòris e desvolopa de filièras nòvas dedicadas a la reparacion e generatrises d’emplec.
 
Segon un estudi, l’economia circulara permetriá de realizar una economia neta minimala de 380 miliards de dolars cada annada per las matèrias primàrias en Euròpa mentre qu’ara, lo consum en Euròpa es de 20 tonas per estatjant e per an.
 
A Tolosa, la lista ecologica Toulouse Vert Demain demanda qu’un elegit siá en carga de la gestion de las ressorças necessàrias a la vila e qu’un delegat siá designat a l’economia circulara a Tolosa Metropòli.
 
Article redigit a partir del site toulousevertdemain.fr tribune economie circulaire - disponible en occitan



publicitat
BANER1-2-3: DGPL TRADUCTOR



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions