CAPÇALERA: OPLO Licèu
CAPÇALERA2: IEA-AALO

Jornalet, gaseta occitana d'informacions

Diluns, 29 de novembre

Jean-Charles Valadier

Divendres, 22.10.2021 03h00

L’ecofeminisme pòt sonque èsser occitanista


Comentaris 18 comentaris    
Dolent Fluix Bo Molt bo Fabulós (7 vòtes)
carregant En cargament





L’occitanisme non pòt pas mai assumir una posicion de minoritat territoriala dins l’estat francés coma los catalans, los basques, los escosseses o un còp èra los grècs, los finlandeses, los tunisians o los poloneses.... Uèi, cal assumir que l’estat francés a redusit l’occitan a una identitat minoritària dins son territòri, amb una minorizacion sociala similara a la de las femnas, dels omosexuals o dels immigrants... Cal partir d’aquel constat per donar un vam nòu a l’identitat occitana en Occitània
 
Ça que la, del clima al sexisme en passant per las violéncias policièras, lo racisme o las inegalitats, vesèm aparéisser una nova mobilizacion de joves dins fòrça paises. Amb l’intrusion del numeric, los joves an trobat un mejan nòu per sensibilizar l’opinion, a travèrs de formas narrativas nòvas pròprias al web. En particular, las mobilizacions a l’entorn del clima juntan fòrça preocupacions contra totas las discriminacions. A l’exemple de l’ecofeminisme que s’impausa dins las mobilizacions dels joves amb de protocòls per assegurar qu’òmes e femnas an tant de temps similars de paraula o de preséncia mediatica. O ben dins la primària ecologista per l’eleccion presidenciala 2022, ont l’ecofeminista Sandrine Rousseau perdèt de justesa la votacion fàcia a Yannick Jadot.
 
Segon Jeanne Burgart Goutal, que publiquèt “Èsser ecofeminista: teorias e practicas”, l’ecofeminisme s’apuèja subre las semblanças entre violéncias faitas a las femnas e violéncias faitas a la natura. Denóncia l’organizacion sexista de la societat e la destruccion de l’environament, que van amassa. Per l’ecofeminisme, lo capitalisme estatal al començament, puèi colonial e industrial repausa subre dos axes: l’explotacion sens limit de las ressorsas naturalas, que se ditz tanben extractivisme, e l’ierarquizacion demest los umans coma demest la natura. E al dintre dels umans, entre los òmes e las femnas. E al dintre de la natura, entre los animals de companhiá e los de neurissatge intensiu, someses a de condicions de vida òrras. Nòstre sistèma socioeconomic non repausariá pas sonque subre l’explotacion del trabalh pel capital, mas tanben subre la subrexplotation conjunta de las “colonias intèrnas” que son las femnas e la natura: sens lor trabalh gratuit, non reconegut, ocultat, lo sistèma capitalista non poiriá pas foncionar”. L’ecofeminisme se ditz distint del feminisme “materialista” que cerca sonque l’egalitat materiala entre òmes e femnas. Se vòl descolonial e interseccional.
 
Aital, existis per una part de la joventut, una vision englobanta de totas las minorizacions, que la luta contra lo cambiament climatic impausa de refusar los sistèmas de minorizacion tant coma l’explotacion sens limit de la natura.
 
Es una escomesa fòrta per los occitanistas d’inscriure l’egalitat de tractament entre lo francés e l’occitan dins aquel agenda. Qu’es anar contra un dels mites fondators de l’estat francés que rescond la realitat istorica de la cultura occitana a tots los estatjants d’Occitània, e mai a aqueles que dison aver un projècte de societat ecologista, feminista, non racista, non colonial, non xenofòb, non omofòb.
 
En Occitània, per refusar totas las “colonias intèrnas”, l’ecofeminisme pòt sonque èsser occitanista.
 
En sens contrari, per èsser audible, cal que l’occitanisme incluga lo feminisme dins sas practicas.
 
 
 
 
abonar los amics de Jornalet
 
 


 



publicitat
BANNER1 - IEO 09 divendres espaci occitan



Comentaris

24 d'octòbre 20.42h

#14 Posicion de Sandrine Rousseau, ecofeminista, sus las nòstras lengas https://twitter.com/sandrousseau/status/1398906683519344642?lang=fr


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

23 d'octòbre 22.51h

#14 justament, me sembla una oportunitat, de discutzar amb una ecofeminista marselhesa de la minorizacion de l'occitan en Provença, que la luta dels felibres i mòstra que la resisténcia a la francizacion i foguèt fòrta. Assumir l'occitanitat dins tots los mitans es important, sens acceptar cap de mespretz.


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

23 d'octòbre 21.09h

;P


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

23 d'octòbre 21.05h

#13


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

23 d'octòbre 14.06h

Coneissi un pauc lo mond de l'ecofeminisme.
Son mai interessats per lo yoga que non per l'occitanisme. D'alhors, Burgart Goutal viu a Marselha,
l'avètz ausit dire quicòm sul provençal? ieu diriái que li agrada mai lo quinoa.
Mas enfin, benlèu se pòt lor prepausar de meditacions cataras en occitan, qual sap?


Valora aquest comentari:   votar positiu 10   votar negatiu 5
Respondre comentari replica Comentari inadequat   Formulari d'abús de comentari

23 d'octòbre 10.41h

#12 Enqüèra ua ataca ad hominem, nat argument, nada responsa. Essajatz de léger auta causa, totun, que los fòrums de jeuxvideos.com


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

22 d'octòbre 21.02h

#11 Saique, vos sètz reconoissut dins lo vocable "faissista !" ?


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

22 d'octòbre 20.23h

#10 Atendetz, qu'èi ua citacion tà vos, que la dèishi en francés: "On est dans un monde qui refuse la contextualisation, la complexité, la précision de la pensée et qui appelle #fascisme ce qui menace le confort intellectuel par la contradiction et la réflexion." Que soi segur qu'ac compreneratz e que vs'i reconeisheratz.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

22 d'octòbre 19.31h

#7 Solide que es lo sol argument, lo sol que faga romegar plan coma cal un faissista e aquò me fa un plaser dels bèls ;)


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

22 d'octòbre 19.06h

Com kwy woker que soi woke a 100 %. Totun quan legi: "l’estat francés a redusit l’occitan a una identitat minoritària dins son territòri" que'm hè tremblar. Que i a de hèit ua permèra reduccion, devuda a l'estat francés mes pas sonque (be l'avem plan ajudat!) e ua dusau, l'occitanista, en mau de simplificacion, qui reduseish las identitats etnicas deu parçan a ua, l'occitana. Que i èm accostumats. Que seré totun l'escadença de compréner que ns'opausam hèra mau a la reducion fra... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions