CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Divendres, 23 d'agost

Jean-Charles Valadier

Diluns, 12.8.2019 03h00

L’enjòc de las municipalas de 2020 per la lenga occitana


Comentaris 8 comentaris    
Dolent Fluix Bo Molt bo Fabulós (5 vòtes)
carregant En cargament


Las municipalas de març 2020 se preparan dins la part francesa d’Occitània. Las listas son a espelir e los programas per gerir las comunas se discutisson per las 6 annadas que venon. En general, en defòra de las listas mai jacobinas(de dreita o d’esquèrra) que son contra l’occitan, es prevista una frasòta per indicar que la lenga del país serà valorizada. E pas mai. En l’abséncia de la participacion de militants occitanistas, non i aurà pas degun per prepausar d’accions concrètas per l’occitan.
 
Ça que la, la politica culturala de las municipalitats (teatre, dança, musica, bibliotèca...) pòt, sens revolucion institucionala ni finançament suplementari, inclure una programacion d’eveniments en occitan. La socializacion de la lenga pòt èsser promoguda sens còst suplementari dins lo plan de formacion professionala dels agents municipals. Seràn los futurs agents municipals volontaris per acompanhar la sensibilizacion a l’occitan dins las activitats periescolaras de las escòlas, dins las bibliotècas e dins totes los acuèlhs bilingües. E mai, los centres de formacions al occitan seràn assegurats d’una demanda fòrta.
 
De filièra bilingüas publica o Calandreta pòdon èsser prepausadas. Lo projècte educatiu de las municipalitats pòt inclure sens despensa suplementària una sensibilizacion generala a la cultura occitana dins los CLAE e centres de léser amb l’intervencion d’artistas occitans (contaires o cantaires). Las comunas poiràn tanben ajudar al desvolopament de las gardas d’enfant per un occitanofòn per los parents qu’o demandan.
 
Las comunas pòdon faire de convencion amb l’Ofici Public de la Lenga Occitana per enfortir lo desvolopament dels espleits per la normalizacion lingüistica tant necessari per tota Occitània.
 
Coma las lengas catalana e occitana permeton l’intercompreneson, las comunas poiràn prepausar d’escambis amb de comunas catalanas, subre la basa explicita d’aquela intercompreneson.
 
Una senhaletica bilingüa pòt èsser mesa en plaça dins las carrièras e los edificis publics tant coma d’anóncias sonòras bilingüas dins los mètros, tramvais, bus, estacions, garas...
 
Plan de causas pòdon èsser prepausadas per l’occitan dins cada comuna. Mas cal s’engatjar ara dins l’accion politica de las municipalas. Lo movement Bastir es una oportunitat que cal sosténer dins tota l’Occitània. Mas sens la participacion d’occitanistas a l’interior dels movements politics, non se pòt pas esperar grand causa dels futurs elegits.
 
Per exemple dins l’aglomeracion tolosana, participi a la lista ciutadana Archipel Citoyen. Nos caldriá èsser al mens 5 occitanistas per prepausar aquelas accions concrètas dins lo programa, sens oblidar lo retorn del conservatòri occitan (pervertit per una anciana elegida de dreita antioccitana e son successor jacobin d’esquèrra), al servici de la cultura occitana dins un grand servici interregional per sa fusion amb lo CIRDÒC-Institut occitan de cultura.
 
A Tolosa, la lista ecologista e participativa Archipel Citoyen foguèt rejunta per una part del PS tolosan qu’an seguit lo socialista Romain Cujives e mai recentament per los militants de France Insoumise qu’an seguit las propòstas de Claire Dujardin. Archipel Citoyen es ara una lista que deuriá davançar la lista del PS oficial de Nadia Pellefigue. Deuriá èsser en competicion amb lo cònsol actual Jean-Luc Moudenc dels Republicains. Atal Es possible qu’Archipel Citoyen gerisca Tolosa e sa metropòli.
 
Se demoratz a Tolosa, participatz coma occitanistas, siá la campanha de Jean-Luc Moudenc, siá a la campanha d’Archipel Citoyen. Archipel Citoyen es una lista participativa ont 100 candidats seràn causits per un tèrç per tiratge al sòrt e lo demai en foncion de lor capacitat de mobilizar la populacion dins un sosten electronic subre lo site d’Archipel Citoyen (tal coma un “Like”). Deuràn causir lo o la cap de lista e los 69 membres de la lista demest los melhors demest eles.
 
Los membres del PS o de France Insoumise mòstran lor capacitat de mobilizacion. Als occitanistas d’o mostrar tanben.
 

 
 

fffff   fffff
  Cossí participar a Archipel Citoyen per los estatjants de Tolosa Metropòli
 
Podètz sosténer ma candidatura occitanista e es gratuit:
 
— s’inscriure coma votant subre https://liste.larchipelcitoyen.org/je-participe/je-minscris-comme-votant-e/,
 
— emplir lo  formulari (notar lo mot de passa). Una verificacion de vòstre inscripcion subra la lista electorala de Tolosa es faita abans de validar lo vòstre vòte mentre qu’un scan d’un justificatiu de domicili e d’identitat son necessaris se demoratz dins Tolosa Metropòli en defòra Tolosa.
 
Puèi tornar a la lista dels candidats e clicar subre “Soutenir cette personne” en intrant lo vòstre corric e mot de passa.
 
Puèi, clicar a l’adreça: https://liste.larchipelcitoyen.org/les-candidat-e-s/les-candidat-e-s-volontaires/
 
— Faire desfilar  la liste dels candidats e clicar subre “Soutenir cette personne”.
 
— Intrar lo vòstre corric e mot de passa e clicar subre “Se connecter”.
 
— La lista dels candidats torna aparéisser . Clicar subre lo boton “Soutenir cette personne”. Lo boton se coloriarà en ròsa e indicarà “Je soutiens cette personne”.
 
Podètz atal sosténer los candidats que vos agradan. Vos recomandi los ecologistas d’EELV e lor cap de lista Antoine Maurice e Hélène Cabannes que son obèrts a una politica occitana ambiciosa.
   




 



publicitat
BANER1-2-3: DGPL TRADUCTOR



Comentaris

15 d'agost 22.22h

#7 òc, un Occitan normat amb una prononciacion normada coma en espanhòl, italian, francés... E de localisme se son encara viu coma en espanhòl, italian, Francés... Per exemple à Tolosa se poirià conservar localement ta à la plaça de per mas dins la conversacion informala...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

14 d'agost 10.33h

E de la reconquista del biais local de díser las consonantas, R rotlada e leguenada, S siulada, F leugèrament aspirada, etc..tanben en francés o melhor en francitan?
A contra-corrent !
Una campanha occitanista autentica e populara...
A vos àuser lèu lèu...



Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 d'agost 10.58h

#5 La (re*)conquista lingüistica, se de non geopolitica d'un territòri de França, amb una lenga que se parla pas, artificiala, non interèssa pas les non-iniciats, nimai les parlants vertadièirs.
L'occitanisme franco-parlant, se non es pas ponchut-parlant, non es pas cap cresible.
Podriétz començar per vos apropriar la lenga mondina orala, e communicar sus la teleranha e al barri de Sant Subran, que s'i amagan fòrça conoisseires del patuès...


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

12 d'agost 23.04h

#3 Belèu una acamp occitanista es possible. Mas non se farà pas en tolosenc qu'à Tolosa se parlava una lenga gascono lengadociana. Non i a pas mai pro de monde que la parla. França tuèt la lenga, cal défendre ara Occitània per la reconquistar.


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

12 d'agost 22.54h

En 2019, lo Centre InterRegional de Desvelopament de l'Occitan fusions amb l'Institut occitan Aquitània de Pau. Atal es finançat per la region Occitània, la region Novèla-Aquitània, los departaments d'Auda, d'Eraut e de Pirenèus-Atlantics, las comunautats d'aglomeracion de Pau-Bearn-Pirenèus e Besièrs-Mediterranèu. Amb lo Conservatòri de Tolosa, auriá una envergura mai granda per promòure la cultura occitana


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

12 d'agost 15.29h

Joan JAURÉS fasia campanha en patuès, çò es en lenga orala locala.
De que pensatz d'una campanha occitanista autentica àudiovisuala, que tinde naturala a las aurelhas nativa, ambe jostìtols en francés...? De prevéser de gascon garonés e de lengadocian garonés, o soncas l'ibride de Sant Subran...e d'acamps electorals en version originala...?
Vos cal èsser cresibles, sonòrament parlant...


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

12 d'agost 08.41h

#1 de nòstres temps, fusion o mutualizacion egala reduccion de budgets e economias e talhas de foncionament...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

12 d'agost 08.37h

"grand servici interregional per sa fusion amb lo CIRDÒC-Institut occitan de cultura"? que significa aquò ? La fin e la fusion dau CIRDOC ??


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions