CAPÇALERA: Eth Ligam occitan Youtube

Jornalet, gaseta occitana d'informacions

Dimars, 4 d'agost

Jean-Charles Valadier

Dimenge, 29.3.2020 03h00

Lo coronavirus e lo sindròme jacobin


Comentaris 3 comentaris    
Dolent Fluix Bo Molt bo Fabulós (5 vòtes)
carregant En cargament





La crisi sanitària mondiala del Coronavirus sembla enfortir lo complèxe centralista del mèdias franceses.
 
L’article de Libération del 16 de març de 2020 n’es un bèl exemple.
 

Alemanha malauta de son federalisme
per Stéphane Roland, correspondéncia a Berlin
 
Se los Länder se pòdon concertar sus las mesuras durgéncia, lo poder federal a pas cap de poder coercitiu.
 
Cadun dins son canton. La règla val per Euròpa mas tanben pels alemands, que chaupinan dins lor federalisme per lutar contra lo virus. Lo ministre federal de la Santat, Jens Spahn, «preconiza» lanullacion deveniments culturals. Mas a pas cap de poder per limpausar. La ministra de lEducacion demanda als setze Länder de «avalorar» la crisi sanitària mas pòt pas decidir de barrament dels establiments escolars… Resultat, las escòlas demoran obèrtas aquel diluns a Berlin mentre que la Bavièra examinava ja la possibilitat de barrar sas botigas. Los cinèmas demoran encara obèrts en Sarre mas barrats a Berlin. Los conductors de camions ignoravan dins quina region avián lautorizacion de circular aquela dimenjada.
 
Lo messatge politic es clar. Dins un contèxte de crisi, sol un sistèma centralizat tal coma lo de França permet una accion politica eficaça. E mai, l’autor que viu a Berlin, e donc coneis lo sistèma federal se trufa del sistèma politic federal alemands per enfortir lo sentiment de superioritat de sos lectors francés.
 
Autanplan los nòvis sabon pas mai san lo drech de celebrar lor union dins lor Land.
 
Ça que la, los jornalistas allemands aurián tanben pogut escriure que los nòvis franceses non sabián pas se poirián se maridar dins cap de comuna de França lo dissabte seguent.
 
Dijòus, non reüssiguèron pas a se metre dacòrd sul barrament general de las escòlas. Calguèt que la comuna de Halle, prèp de Leipzig, prenga la decision unilaterala de barrar totes sos establiments escolars per que los Lander seguiscan.
 
Aqui sèm al còr de l’ideologia jacobina. Los vertadièrs estats devon aver una politica unica per tot lo territòri, tal coma una informacion unica dempuèi los médias de Paris e una lenga unica, la de Paris.
 
Per aquel jornalista, que Mulhouse, Oise e la région Grand Est sián en dangièr de contaminacion a granda escala per lo coronavirus sense que la comuna, lo departament o la region poscan préner las decisions de confinhament per protegir lor populacion non a pas cap d’importància. Cal esperar una directiva centrala de Paris, mai que tot del president de la republica per aviar lo confinament, e mai dins las colonias d’otramar que non son encara contaminadas. Lo cònsol o los presidents de region non an pas dreit a la paraula mediatica, que non an pas cap de poder real.
 
Per contra, per lo manque de disponibilitat dels masques o dels gèls idroalcoolics, los jornalistas non explican pas qu’es una consequéncia del sistèma centralizat de santat. Pas cap de region ne’n possedís e non pòt pas ajudar las autras.
 
Ça que la, es evident que los eligit de las comunas, dels departament o de las regions non son pas mai eficaces que los de govèrn central, mas la diversitat de lors decisions permet una comparason e donc una accion mai eficaça, coma en Alemanha ont la decision politica de la comuna de Halle de barrar sos establiments escolars a permés que los Lander seguiscan, mentre que lo Grand Est a degut esperar qu’un aut foncionari parisenc convenca lo ministre de la santat.
 
Aürosament, en Euròpa, fòra França, las politicas sanitàrias son de la competéncia de las regions per èsser al mai prèp dels malauts.
 
Subre aquelas reflexions subre la feblesa d’un sistèma sanitari centralizat tal coma lo de la republica unenca e indevesibla, vos desiri un bon confinhament e subretot una bona santat.
 


abonar los amics de Jornalet

 

 



publicitat
BANER1: Amics campanha covid



Comentaris

30 de març 13.22h

Las frontièras son artificialas e las situacions son desparièras d'un parçan a l'aute. Una gestion centralizada a pas nat sens. La situacion a Berlin es mès comparadera dambe la de Polonha qu'es pròcha que non pas deu bòrd deu Rhein qu'es a l'opausat deu país.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

30 de març 12.49h

L'actitud de Sanchez, incapable de prene las decisions senadas e necessàrias a causa de sos interesses politics (pression de l'IBEX, lo CAC de Madrid, pression de la drecha), es una actitud criminala.
Las comunitats autonòmas avián las competéncias per confinar, e mantunas o volguèron far. Sanchez lo lor enebiguèt.
A dòna Armengol, presidenta de Balearas, li calguèt plorar tota una setmana per obtenir lo confinament de las illas. Sanchez a perdut una setmana preciosa amb coma bilanç a... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

29 de març 17.37h

A l'Estat Espanhòl las autonomias èran lors mestres en santat. Èran, per què d'en causa de la pandemia las decisions ara se prenon a Madrid, amb de resultats catastrofics coma sabetz, que la mòrt nos cèrca de pertot.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions