CAPÇALERA: VAU SERENA

Jornalet, gaseta occitana d'informacions

Dimècres, 1 d'abril

Jean-Charles Valadier

Dimècres, 26.2.2020 03h00

L’occitan e las municipalas a Tolosa


Comentaris 10 comentaris    
Dolent Fluix Bo Molt bo Fabulós (6 vòtes)
carregant En cargament


En Occitània francesa, las eleccions municipalas se debanaràn lo 15 e 22 de març de 2020. A Tolosa, las listas principalas son:
 

A l’esquèrra:
 
— la lista de Nadia Pellefigue, vice presidenta PS de la region, sostenguda pel PS, lo PRG e lo PCF,
 
— lo movement Archipèl Ciutadan dirigit per un collectiu de ciutadans que demanda un aprigondiment de la democràcia municipala; la lista conten de candidats tirats al sòrt; recebèt lo sosten de partits:Euròpa Ecologia Los Verds, França Insomesa e de dissidents del Partit socialista que constituisson mens de 40% de la lista; l’ecologista Antoine Maurice foguèt designat coma cap de lista,
 
— una lista dirigida per l’ancian cònsol de Tolosa Pierre Cohen qu’abandonèt lo PS pel movement Generacion.S.
 
A dreita:
 
— lo Modem s’estimèt mal representat sus la lista del cònsol actual Jean-Luc Moudenc; sosten ara la lista del dissident LREM Franck Biasotto, adjunt al cònsol sortent dins l’equipa municipala sortenta,
 
— la lista conduita pel cònsol sortent Jean-Luc Moudenc presenta, en aligança amb los Republicans e una part de la majoritat presidenciala LREM.
 
A l’extrèma dreita:
 
— La lista de Quentin Lamotte sostengut pel Rassemblament Nacional e divèrs petits partits de drecha.
 
En l’abséncia de sondatges oficials e fàcia a l’escrancament dels partits tradicionals, las darrièras eleccions europèas indican que las listas que deurián dominar son:
 
— la lista del cònsol sortent Jean-Luc Moudenc amb un projècte de continuitat amb lo finançament d’una tresena linha de mètro e lo projècte del primièr gratacèl de Tolosa, la tor Occitània,
 
— la lista ciutadana d’Archipel Ciutadan amb un projècte de transicion ecologista per Tolosa.
 
La question occitana es representada dins las principalas listas.
 
A l’esquèrra:
 
— la lista socialista de Nadia Pellefigue amb lo jove occitanista Jiròni Frare vòl «valorizar lo patrimòni de la lenga occitana»; recebèt lo sosten del movement occitanista “Occitània País Nòstre”,
 
— lo movement Archipèl Ciutadan amb un ancian adjunt a la cultura occitana Jean-Charles Valadier a un projècte ambiciós per la cultura e la lenga occitana; recebèt lo sosten del Partit Occitan.
 
A dreita:
 
— la lista conduita del cònsol sortent Jean-Luc Moudenc s’apuèja sul bilanç de l’actual primièr adjunt Jean-Michel Lattes qu’es tanben en carga de la lenga e la cultura occitana.
 
A Tolosa, una politica occitana es presenta dempuèi mantuns mandats. Son per exemple 5 escòlas bilinguas publicas francés-occitan e doas escòlas Calandreta qu’asseguran un ensenhament per immersion. Es l’Ostal d’Occitània qu’abriga las associacions que trabalhan per la lenga e cultura occitana. Dempuèi dos mandats, avèm un elegit en carga de l’occitan.
 
Gràcia al primièr adjunt Jean-Michel Lattes, la municipalitat actuala contunhèt la politica de sosten als actors de la cultura occitana començada dempuèi 20 ans, tal coma lo guida de la cultura occitana, la grèpia bilinga Arcanel o un ajuda decisiva per la creacion del collègi Calandreta.
 
Ça que la, fàcia a l’oposicion dels elegits nacionalistas francés de la majoritat actuala, la preséncia de l’occitan dins l’espaci public non poguèt pas progressar, contràriament als mandats precedents de dreita e d’esquèrra qu’avián permés la senhalizacion bilingüa dels noms de carrièra al centre vila o las anóncias bilingüas dins lo mètro. Tot parièr, lo Conservatòri Occitan non retrobèt pas son ròtle actiu de supòrt a la creacion occitana al prèp de la joventut.
 
Per preparar aquelas eleccions municipalas, la centena d’associacions occitanas agropadas dins Convergéncia Occitana – Tolosa mandèron a l’ensem de las listas de proposicions per una politica lingüistica fòrta de desvolopament de la lenga e cultura occitanas. Una reünion publica es prevista en preséncia de la premsa lo dimècres 4 de març. Los 4 principals caps de listas son convidats: Jean-Luc Moudenc, Nadia Pellefigue, Antoine Maurice e Pierre Cohen.
 
Atal, lo trabalh passat dels occitanistas de Tolosa a un impacte subre las eleccions municipalas de 2020 a Tolosa. Mercés a eles e elas.
 
 
 
 
 
PS: Podètz legir las preconisacions per l’occitan de la lista Archipèl Ciutadan. Podètz las comentar se cal identificatz.
 
 
 
abonar los amics de Jornalet
 
 

 



publicitat
BANER1: AOF



Comentaris

28 de febrièr 23.16h

Tan qu'i aurà listas de causir, qu'auram lo "dret d'elegir" e non pas de votar, ren cambiarà pas. Cau apitar una vertadièra politica de democracia locala e dirècta.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

27 de febrièr 19.55h

Reünion publica del 4 de març
Seria interessant qu'i auja d'intervenents naturals en lenga locala, que testimònhen de la realitat umana amagada davant aquells caps de lista desculturats...
En Valadièr poiria ne convidar, se n'sap...




Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

27 de febrièr 09.58h

S'ai ben comprés l'article de J-C Valadier, a Tolosa deu i avedre una varietat franc especiala de representants de "La France Insoumise" o benlèu una espècia qu'a mutat mercé a l'accion benfasenta desconeisseguda entucòm mai d'un occitanistovirus e a fugit lo laboratòri delh professor Mélenchon.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

27 de febrièr 07.41h

Aquelas municipalas, coma totas las eleccions que se desbanan dins la republica francimanda de Paris fan soscar a-n-aquelas que i-avia en URSS. Una mascarada ont tot es jà jogat d'abança. Lo tipe que serà elegit a las municipalas, las regionalas o a las presidencialas serà de tota mèna un jacobinista elegit per aparar los interèsses prioritaris de Paris. Que siague de drècha o d'esquèrra, melenchonista o lepenista importa pas gaire. Lo verai-falç debat sus qui vai ganhar entre totis aq... Legir la seguida


Valora aquest comentari:   votar positiu 23   votar negatiu 0
Respondre comentari replica Comentari inadequat   Formulari d'abús de comentari

27 de febrièr 05.58h

L’occitan d’escòla e la cultura occitana, sens expression publica dels darrièrs occitans vertadièrs, les del parlar natural (que disen le patoès) e que se disen pas coma occitans, son pas que d’activitats culturalas mai, fòra vida correnta e sense d’interès personal.
E d’activitats correntas en occitan natural, e mai artificial, sense « politicas » costosas, qual se ´n concèrne?


Valora aquest comentari:   votar positiu 10   votar negatiu 1
Respondre comentari replica Comentari inadequat   Formulari d'abús de comentari

26 de febrièr 23.22h

Lo movement Archipèl Ciutadan amb un ancian adjunt a la cultura occitana Jean-Charles Valadier a un projècte ambiciós per la cultura e la lenga occitana ? Non vòli dobtar de la sinceritat personala de l'autor d'aqueste article. Mas cossí un movement sostengut per una "France Insoumise" que sos caps de movements, Melanchon e Corbière, nos fan passar totes publicament per de terroristas pòt onèstament pretendre aver un "projècte ambiciós per la cultura e la lenga occitana" ? Comprendret... Legir la seguida


Valora aquest comentari:   votar positiu 21   votar negatiu 1
Respondre comentari replica Comentari inadequat   Formulari d'abús de comentari

26 de febrièr 22.42h

Es plan que Convergéncia organise un debat ambe los candidats de las municipalas a Tolosa. Pr'aquò, caldriá aver mai de legitimitat. De personas e d'associacions utilizan los locals de l'Ostal d'Occitania mas se foton complètament de la lenga e de la cultura nòstras. Cossí se fa qu'una salariada de Convergéncia Occitana siague tanben una elegida de la Comuna de Tolosa (una conse de quartièr pr'aquò !)? Trabalha a l'acuèlh mas parla pas occitan e avèm pas l'impression que vòlgue l'ap... Legir la seguida


Valora aquest comentari:   votar positiu 24   votar negatiu 0
Respondre comentari replica Comentari inadequat   Formulari d'abús de comentari

26 de febrièr 09.56h

Tant que Tolosa
- se prendra per una maquina a far de las tors o bastir daus HLM
- continhuera d'esse confinada dins sas limitas sens se preocupar daus barris e daus desert uman que s'etend sur de centenas de Km alentorn d'ela
- se considerara coma una capitala de segonda zòna
- considerara que lo saber e l'inteligença son barradas dins sa fac e qu'en defòra quò es mas de la mediocritat
- que fara l'impassa sur una istèoria, un passa de tipe colonial, que denonçara pas la crotza... Legir la seguida


Valora aquest comentari:   votar positiu 6   votar negatiu 4
Respondre comentari replica Comentari inadequat   Formulari d'abús de comentari

26 de febrièr 08.10h

Ont es passat lo mièg pòste d'encargat d'occitan a la comuna de Tolosa? Èra Magali Blenet mas sembla que foncione mens o plus...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

26 de febrièr 07.04h

Se mancan d'espacis publics d'expression de l'occitan, per exemple de mercats de produseires locals, coma n'i a gaire a Tolosa e a l'entorn; sense dreit de plaça e prima de presencia.
Cal far sortir le patoès de la boca des ancians tant qu'es ara temps...


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions