CAPCALERA: IEA-AALO

Jornalet, gaseta occitana d'informacions

Dimenge, 29 de novembre

Vicent Marqués · La bona taula

Dimenge, 18.1.2015 03h00

Las bombasinas


Comentaris 7 comentaris    
Dolent Fluix Bo Molt bo Fabulós (6 vòtes)
carregant En cargament


Es un plat tipic de Lemosin, una olada de patanas bolhidas e banhadas de crèma. La crèma s’emplega pauc en Occitània, malgrat que dins qualques sucrariás e còcas si que n’i a, mas dins la cosina apareis pas gaire sovent, e gaireben totjorn a la broa de la França francofòna, ont, çò qu’es normal dins tota cosina, i a totjorn d’influéncias mutualas d’un costat e de l’autre. Las bombasinas las cal fregir amb lo grais que tira una lesca de carnsalada trissada, e sul pic las cal bolhir dins d’aiga fins que sián cuèchas e tendras. En acabant, un còp l’aiga evaporada, serà lo moment de i ajustar la crèma, que bolhirà tanben un pauc mentre qu’adocís las patanas e se fa leugièrament espessa.
 
Ai pas trobat lo mot bombasina dins cap de diccionari e la soleta causa que pòdi dire es que, per qualque luòc de Vivarés, de las patanas ne dison bombinas (de bomba, qu’a la forma bombada). Se pòt, doncas, que lo lemosin bombasina foguèsse una varianta de bombina, un rebalum conservat dins lo nom d’aquel plat perque, de la patana, en Lemosin ne dison coca, patata, poma (de tèrra), poma ar tèrra, poma-pòrc,  pomeitèrra, trefa, trefla, tofla, tròfla, trofla, truefla, trufa... o pompiras.
 
 
Bombasinas
 
Ingredients (per 4 personas): 1,5 kg de patanas mejanas, 1 lesca de carnsalada (200 g), 1 litre de crèma e sal.
 
Preparacion: trissarem menuda la carnsalada, la metrem dins una ola de fèrre e la daissarem sul fuòc, puslèu doç. Mentretant, pelarem las patanas, las lavarem a rajada de robinet e las coparem en quatre tròces. Remenarem la carnsalada adès-adès e, quand aurà tirat son grais, i botarem las patanas e las freginarem un momenton. Las revirarem per que se fagan per cada costat e, quand se seràn rossidas leugièrament, i metrem d’aiga (sens arribar a las cobrir). O salarem, i botarem un fuòc mai viu e, en arribant al bolh, baissarem la flamba e o daissarem còire a fuòc plan doç, amb l’ola descobèrta. Al cap d’una estona, quand l’aiga se serà gaireben evaporada del tot (d'unes la daissan s’evaporar del tot), i ajustarem la crèma e, totjorn a plan pichona flamba, o daissarem bolhir e s’espessir un pauc. O tirarem del fuòc fin finala e o metrem dins las siètas. E o servirem còp sec.
 
Variantas: i podèm ajustar una esposcada de pebre.



publicitat
BANNER1: IEO Arièja



Comentaris

20 de genièr 10.45h

#5 Mercés plan!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

19 de genièr 21.53h

#5 Moltes gràcies!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 de genièr 20.46h

Es un plaser vertadièr qu'aquesta seccion de cosina!
A ieu, m'agrada tot aquò ! Vertat que soi gaire assabentat de las especialitats culinàrias dels autres canton d'Occitània, e soi plan content de las descobrir. Non solament las receptas, mas en mai lo contèxte, l'istòria, de referéncias totjorn interessantas. Per la reflexion sus l'adaptacion de cada cosinièr, me sembla qu'es quicòm de natural, e es plan de balhar la recepta tala coma recebuda.
Mercés plan per tot.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

19 de genièr 10.59h

#3 No li puc dir d’on és exactament el plat perquè no ho sé, i em sap greu. Conec els plats més famosos de la cuina occitana de primera mà perquè hi va haver uns anys en què els negocis em funcionaven d’allò més bé i vaig fer uns quants viatges per Occitània. Pèro aquests plats tan famosos només en són uns quants, molt pocs, i, si els publiquem seguits al Jornalet, en sis mesos s’haurà acabat la secció. Per tal d’obviar aquest inconvenient no hi ha més remei que posar-n... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de genièr 21.43h

#2 A ten, mercés, l'ai lo Topin de la Marieta, l'i aviá pas far 'tencion. Quò deu èsser en tirant sus l'Auvernha, dau costat daus 'Gletons o d'Usselh.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

18 de genièr 19.25h

#1 Té raó vosté, és un plat poc conegut, però així i tot existeix i el pot trobar fins i tot per internet, amb el nom francés de bombazines. També li puc donar un parell de llibres on podrà trobar receptes semblants a la que done jo: "Le Limousin gourmand", de Jean-Pierre Poulain, i "Lo topin de la Marieta", de Françoise & Luc de Goustine.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de genièr 18.31h

Bombasina ? Ai jamai auvit queu nom en Lemosin. Ente l'atz-vos auvit ?
Qu'es un pastis de pompiras/un pompiraud ? Chas nos, au sud de Limòtges, dins la familha, quò se fasiá sens crema. En Cruesa, l'i conhen totjorn de la crema per contra.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Vicent Marqués · La bona taula

Vicent Marqués · La bona taula logo rss

Cosinièr e escrivan, presenta dins aquesta tribuna çò de melhor de la cosina populara occitana.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions