Opinion
Los escagaròls amb alhòli
L’alhòli va plan per qué que siá, per la carn, pel peis e tanben pels escagaròls, que son ni una causa ni l’autra. Los escagaròls amb alhòli son d’elaboracion simpla: cal solament los bolhir amb d’èrbas nolentas, los tirar del clòsc e los salsar amb d’alhòli. L’èrba mai emplegada es lo fenolh mas per aquela besonha tanplan pòt anar lo balme, la menugueta, la ferigola, la majorana o lo romanin. E los escagaròls normalament son cacalaus o morguetas, mas pòdon tanben èsser mai pichons, coma las meissonièras (Helixcoespitum), las platèlas (Helix algira), las porquièras (?) o los limaçons (divèrsas espècias). Son tipics del Bas Lengadòc e de Provença, e dins las doas regions los aprèstan de la meteissa manièra. En Provença son partida integranta del sopar gròs, repais magre que fan los provençals la nuèch de Nadal. Los trapam dins lo sonet d’Amable Richier “La limaçada” :
Escagaròls amb alhòli
Ingredients (per 4 personas): 1 kg d’escagaròls, 1 mortierada d’alhòli, fenolh e sal.
Preparacion: d’en primièr metrem los escagairòls (prèviament enganats[1]) dins una ola, los cobrirem d’aiga, los daissarem sul fuòc, i balharem un bolh, n’escamparem l’aiga e los tornarem metre sul fuòc, amb d’aiga novèla e qualque rameta de fenolh. Los salarem e, lo bolh pres, rebaissarem la flama e los daissarem bolhir a fuòc doç. Al cap d’aperaquí trenta minutas, los tirarem del fuòc, n’escamparem l’aiga e los metrem dins las siètas. Los menarem alavetz a taula, acompanhats d’una salsièra amb d’alhòli.
Variantas: podèm apondre dins l’ola d’autras èrbas (balme, ferigola, romanin). En Lengadòc d’unes los bolhisson en companhiá d’una ceba (atalhonada amb un clavèl de giròfle), un parelh de carròtas, d’alhs, ferigola e pebre. En Provença se manjan, generalament, bolhits, mas d’unes tanben los aprèstan rostits a fuòc de flama, sus una tòla.
Autras denominacions: cagaròls amb alhòli (Bas Lengadòc), cagaraulas amb alhòli (Bas Lengadòc, Costièra de Nimes), cacalausas amb alhòli (Costièra de Nimes, Provença), cacalaus amb alhòli, caragòls amb alhòli, escargòls amb alhòli (Provença). ’Escagaròls amb alhòli’ es una denominacion correnta en Bas Lengadòc e Provença.
Quand dins l’èr restontís lo tambor dei limaças,
Que leis escaragòus banejan de sei traucs,
Es alòr que fa bòn de lei faire la caça
E n’adurre un panier per regalar l’ostau.
E zòu! que l’ola bolhe e si coïnen en massa!
Dau temps que s’alestís l’alhòli a faire gaug,
Puei, a taula, cadun ven jónher sa plaça:
Per tirar dau cruvèus, armat d’un esplingau.
E vague de saussar, manjar la limaçada
Qu’au cabanon si fai entre bòns cambaradas
Quora lo vin peteja e larga sei cançons.
Au flascon s’amorrant mielhs qu’an un ben calici,
Un bòn plat de limaças es per nautrei un delici,
E quilha ambe l’alhet coma un flame peisson.
Que leis escaragòus banejan de sei traucs,
Es alòr que fa bòn de lei faire la caça
E n’adurre un panier per regalar l’ostau.
E zòu! que l’ola bolhe e si coïnen en massa!
Dau temps que s’alestís l’alhòli a faire gaug,
Puei, a taula, cadun ven jónher sa plaça:
Per tirar dau cruvèus, armat d’un esplingau.
E vague de saussar, manjar la limaçada
Qu’au cabanon si fai entre bòns cambaradas
Quora lo vin peteja e larga sei cançons.
Au flascon s’amorrant mielhs qu’an un ben calici,
Un bòn plat de limaças es per nautrei un delici,
E quilha ambe l’alhet coma un flame peisson.
Escagaròls amb alhòli
Ingredients (per 4 personas): 1 kg d’escagaròls, 1 mortierada d’alhòli, fenolh e sal.
Preparacion: d’en primièr metrem los escagairòls (prèviament enganats[1]) dins una ola, los cobrirem d’aiga, los daissarem sul fuòc, i balharem un bolh, n’escamparem l’aiga e los tornarem metre sul fuòc, amb d’aiga novèla e qualque rameta de fenolh. Los salarem e, lo bolh pres, rebaissarem la flama e los daissarem bolhir a fuòc doç. Al cap d’aperaquí trenta minutas, los tirarem del fuòc, n’escamparem l’aiga e los metrem dins las siètas. Los menarem alavetz a taula, acompanhats d’una salsièra amb d’alhòli.
Variantas: podèm apondre dins l’ola d’autras èrbas (balme, ferigola, romanin). En Lengadòc d’unes los bolhisson en companhiá d’una ceba (atalhonada amb un clavèl de giròfle), un parelh de carròtas, d’alhs, ferigola e pebre. En Provença se manjan, generalament, bolhits, mas d’unes tanben los aprèstan rostits a fuòc de flama, sus una tòla.
Autras denominacions: cagaròls amb alhòli (Bas Lengadòc), cagaraulas amb alhòli (Bas Lengadòc, Costièra de Nimes), cacalausas amb alhòli (Costièra de Nimes, Provença), cacalaus amb alhòli, caragòls amb alhòli, escargòls amb alhòli (Provença). ’Escagaròls amb alhòli’ es una denominacion correnta en Bas Lengadòc e Provença.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari