CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Dissabte, 23 d'octòbre

Vicent Marqués · La bona taula

Dimenge, 1.8.2021 03h00

Las pomas al forn (e III)


Comentaris 2 comentaris    
Dolent Fluix Bo Molt bo Fabulós (4 vòtes)
carregant En cargament


Pomas al forn
 

Ingredients (per 10 racions): 20 pomas.
 
Preparacion: d’en primièr, tirarem lo còr de las pomas amb lo vojador, las metrem plan arrengueiradas dins lo plat del forn e las enfornarem, a 200º. Al cap d’aperaquí trenta minutas, las trairem e las daissarem refregir.
 
Variantas: i a de varietats qu’an tendéncia a se desfar e, per tal d’o evitar, i deurem far un talh a la pèl tot a la ronda. Per qualques luòcs meton sul plat un veirat d’aiga. En Cerdanha d’unes emplisson los traucs del còr amb un besson de notz, un bocin de burre, un pauc de mèl (o sucre), qualques raspaduras de citron e un rajolat d’aniseta (o de mistèla). En Naut Urgèl d’unes emplisson los traucs amb sucre e un rajolat de brandy. En Andòrra d’unes meton dins los traucs un pecic de canèla e un rajolat d’aniseta. En Garrotxa d’unes emplisson los traucs amb un pauc de sucre e de fruches secs (amètlas, noses, avelanas) picadas grossièrament al mortièr. Dins lo Naut Empordan d’unes meton dins los traucs un pecic de canèla e qualques raspaduras de citron. Dins lo Bas Empordan d’unes n’emplisson los traucs amb un pauc de sucre e un rajolat de vin rance, de malvesia o de mistèla. Dins lo Plan de l’Estanh d’unes emplisson los traucs amb de sucre e un rajolat de mistèla. Dins la Conca de Barberà d’unes emplisson los traucs amb un pauc de marmelada d’albricòt, un pauc de sucre (o mèl) e un rajolat de mistèla. En Barcelonés d’unes emplisson los traucs amb un rajolat de ròm. Dins lo Bas Lhobregat d’unes emplisson los traucs amb tres o quatre pansas, un pauc de lard, de sucre e de canèla. En Litèra,  dins lo Bas Cinca e en Coserans (Comenge), d’unes meton dins los traucs un pauc de sucre o de mèl. Dins lo Plan d’Urgèl, a la Plana e la Ribièra d’unes meton dins lo trauc un pauc de sucre e de vin blanc. Dins lo Bas Camp d’unes emplisson los traucs amb de mistèla e de raspaduras d’irange o citron. Dins la Tèrra Nauta d’unes emplisson los traucs amb de sucre e d’aniseta. Dins lo Bas Èbre d’unes emplisson los traucs amb un pauc de sucre, un rajolat de ròm (o de brandy) e un pecic de canèla. Dins lo Camp de Morvèdre d’unes meton dins los traucs un rajolat de brandy. Dins l’Òrta de Valéncia d’unes emplisson los traucs amb de sucre e de vin blanc. Dins la Sèrra de Tramontana d’unes emplisson los traucs amb una barreja de chuc de citron e irange; d’autres i meton tres o quatre pansas, un pauc de sucre e un rajolat de ròm. A Menòrca d’unes emplisson los traucs amb de vin (rance, blanc, mistèla) o amb un pauc d’aigardent (brandy, gin). En Peiregòrd d’unes i apondon un bocin de burre e un pecic de sucre vanilhat. En Chastèlmelhanés d’unes emplisson los traucs amb un rajolat de crèma, qualques gotas de chuc de citron e un pecic de sucre vanilhat. En Chastèlmelhanés, Auvèrnhe e Provença d’unes emplisson los traucs amb de sucre e de burre (a la Planesa càmbian lo sucre per de mèl). En Auvèrnhe e dins las Landas d’unes emplisson los traucs amb un bocin de burre (dins las Landas d’unes i meton un pauc de sucre). En Lomanha (Armanhac) d’unes emplisson los traucs amb de confitura d’albricòt; en Gimoés d’unes i meton de mèl e un pecic de canèla. En Lengadòc d’unes emplisson los traucs amb de mèl e de vin blanc; en Tolosan d’unes i meton un bocin de burre e un pauc de sucre vanilhat. En Roergue d’unes i apondon un bocin de burre, un pauc de sucre e un rajolat d’aigardent. En Marjarida (Gavaudan) d’unes emplisson los traucs amb un bocin de burre e un pauc de mèl. En Vivarés d’unes emplisson los traucs amb de confitura d’agrassòl e un pecic de canèla. Dins lo País de Faiença (Provença) d’unes emplisson los traucs amb de mèl. Dins lo Comtat de Niça d’unes meton dins los traucs un pauc de sucre vanilhat.
 
Autras denominacions: maçanes al forn (Ribagòrça, Litèra, Segrià, Bas Cinca, Ribièra d’Èbre, Tèrra Auta, Matarranha, Bas Èbre, Montsià, Pòrts, Maestrat, Alacantin, Vinalopó Mejan, Carxe, Bas Vinalopó), pomas au forn (Peiregòrd, Lemosin, Auvèrnhe, Vivarés, Daufinat, Comtat Venaicin, Provença, Comtat de Niça, Valadas Occitanas), poms au forn (Marca, Borbonés, Auvèrnhe, Velai, Vivarés, Daufinat, Comtat Venaicin, Provença, Comtat de Niça), pomas au horn (Bordalés, Landas, Bearn, Armanhac, Bigòrra, Comenge), pomas ath horn (Bigòrra, Comenge), pomes ath horn (Val d’Aran), pomas al forn (Agenés, Carcin, Lengadòc, Roergue, Albigés, Comtat de Fois, Gavaudan), manzanas al horno (comarcas valencianas de lenga espanhòla). ‘Pomes al forn’ es una denominacion que se emplega en Païses Catalans, levat de la Litèra, del Bas Cinca, de la Ribièra d’Èbre, de la Tèrra Nauta, de Matarranha, del Bas Èbre, de Montsià, dels Pòrts e del Bas Vinalopó.
 
 

abonar los amics de Jornalet

 



publicitat
BANNER1 - IEO 09 divendres espaci occitan



Comentaris

2 d'agost 10.14h

#1 Bon dia, Tomàs. Com diu el refrany, sobre gustos no hi ha res escrit.

Salut!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

1 d'agost 21.45h

Es un plat que ma maire fai, la poma al forn graissada amb de mèl, mas que pas jamai ai pas pogut engolir. Pr'aquò en tarta sucrada o en compòta l'ai totjorn plan aimada.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Vicent Marqués · La bona taula

Vicent Marqués · La bona taula logo rss

Cosinièr e escrivan, presenta dins aquesta tribuna çò de melhor de la cosina populara occitana.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions