CAPCALERA: VILA DE TOLOSA
CAPÇALERA2: IEA-AALO

Jornalet, gaseta occitana d'informacions

Dimars, 20 de novembre

Vicent Marqués · La bona taula

Dimenge, 11.2.2018 03h00

Los uòus al vin


Comentaris 2 comentaris    
Dolent Fluix Bo Molt bo Fabulós (3 vòtes)
carregant En cargament


Las recèptas amb de vin roge son fòrça agradivas al paladar mas pas gaire abondosas, sabriam pas dire exactament per quina rason. Es benlèu per çò que tot abotís a una coloracion fòrça escura, e aquò resulta pas gaire desirable als uèlhs. Perque la cosina deu èsser bona, segur, mas se manja tanben amb los uèlhs, coma sabèm totes. Los uòus al vin es una recèpta de Peiregòrd, Carcin e Roergue, que son de tèrras ont se manja fòrça ben, en parlant non solament en general mas tanben en particular, es un fricòt que decebrà pas degun.
 
 
Uòus al vin
 

Ingredients: 8 uòus, 1 lesca de carnsalada, 1 ceba, 2 carròtas, d’alhs, vin roge, farina, jolverd, laurièr, grais d’auca, pebre e sal.
 
Preparacion: d’en primièr capolarem la carnsalada e, en acabant, pelarem e talhonarem la ceba e tres o quatre alhs. Puèi pelarem las carròtas e las talharem en rodèlas. Puèi chaplarem qualques rametas de jolverd. Quand tot serà prèst botarem un bon culhierat de grais d’auca dins una caçairòla e o daissarem sul fuòc, puslèu doç. Quand lo grais serà caud i apondrem la carnsalada e la saurengarem un pauc. Remenarem amb lo culhièr de fusta e, quand rossirà leugièrament, i apondrem las carròtas, la ceba, los alhs e lo jolverd. O bolegarem de quora en quora e, quand serà tot confit, i apondrem un culhierat de farina e la farem rossir tanben. I balharem qualques remenadas, i apondrem un litre de vin roge e farem montar lo fuòc. I apondrem una fuèlha de laurièr, salarem e pebrarem e, lo bolh pres, rebaissarem la flama e o daissarem bolhir a fuòc fòrça doç. Al cap d’aperaquí tres quarts d’ora trincarem los uòus e los metrem per dessús. Quinze minutas puèi, atudarem lo fuòc e o servirem.
 
Variantas: i podèm apondre una codena de carnsalada capolada, un parelh de pòrres, un parelh de clavèls de giròfles o un brot de ferigola. La carnsalada pòt èsser fumada. Podèm cambiar la ceba contra d’escaluènhas, la carnsalada contra una lesca de cambajon. D’unes o fan mitat vin e mitat bolhon (de carn o de galina). Dins qualques luòcs passan lo fricòt pel colador chinés, abans d’i apondre los uòus. D’unes fan bolhir los uòus dins d’aiga (amb un rajòl de vinagre), un per un, en tot passar las glairas pel dessús dels mujòls per que ne demòren cobèrts, e los meton puèi dins una caçairòla, cap a la fin de la cuècha. En Roergue d’unes càmbian la carnsalada contra de salsissòt.

 
D'Autras denominacions: uòus al vin (Peiregòrd), uòus a la gorgolha (Roergue)."Uòus al vin" es una denominacion que s’emplega en Carcin e Roergue.
 
 


abonar los amics de Jornalet
 



publicitat



Comentaris

13 de febrièr 13.46h

#1 Gràcies a vosté per la seua amabilitat!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 de febrièr 21.50h

Mercé plan per aquelas bonas receptas.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Vicent Marqués · La bona taula

Vicent Marqués · La bona taula logo rss

Cosinièr e escrivan, presenta dins aquesta tribuna çò de melhor de la cosina populara occitana.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions