CAPCALERA: la botiga

Jornalet, gaseta occitana d'informacions

Dimècres, 21 d'abril

Victòria Sibé

Divendres, 12.3.2021 03h00

Occitanisme feminista o oportunisme maishant


Comentaris 31 comentaris    
Dolent Fluix Bo Molt bo Fabulós (29 vòtes)
carregant En cargament





Per lo 8 de març, dia internacionau deus drets de las hemnas, los occitanistas que hasón enténer la loa votz. Mes per diser qué extactament? Per exemple que las hemnas occitanistas ne son pas pro presentas dens las presas de decisions de l’associacion deus legidors de Jornalet.
 
En 2019, dijà, pendent las Jornadas Internacionalistas Occitanas qui ‘s debanèn a Tolosa, que sortí aquera arremarca “la presencia de hemnas n’ei pas sufisenta”. La mea responsa qu’estó, “lhèu las hemnas n’an pas enveja d’aprochar ua associacion qui a comportaments sexistas”. Pr’amor que siam clars, de microcomportaments sexistas que son d’actes sexistes totun. Quitament se non son pas conscients. Lo sexisme qu’ei un comportament qui devien invisible per hèra de monde pr’amor qu’ei un comportament de societat qui vien de luenh e qui ei enradigat pregond. Que serem podut pensar que l’occitanisme, eth qui cèrca au mensh ua auta societat shens opression lingüistica e culturau, avore avut un aute comportament de cap a las hemnas, los omosexuaus o los transexuaus, mes …”spoiler”, non n’ei pas lo cas.
 
Dens las annadas 2020, en amassadas politicas occitanistas, las hemnas que son enqüèra redusidas au genre, a l’atge, trufadas, copadas quan parlan. Fin finau redusidas a de mainadas pr’amor que son hemnas. Quan vedem aquerò ne podem pas díser que l’occitanisme e sia feminista. Ne’m credetz pas? Que i a sordeish. Lo grop politic Libertat n’estó pas afichat sus Jornalet ni per tota la premsa occitanista e per tots los grops politics occitanistas com grop sexista e dangerós per las hemnas. Qu’estó acusat per l’Action antifasciste de Pau en un comunicat, d’aver protegit secutaires, agressors sexuaus e violaires. E totun nada reaccion deu monde occitanista, nada demanda d’explics. Briga! Sonque quauquas hemnas e un compte sus instagram qui partatjèn aqueth comunicat. Mes lo mei tarrible qu’estó la responsa de Libertat: “Nous en concluons que ces accusations sont infondées et diffamatoires”. Un grop d’òmis revolucionaris, ce pareish, que son a díser “qu’avem plan entenut çò de dit, per contra que ns’en fotem completament e que son mensonjas”.
 
Ei aquerò lo feminisme qu’aperèn a deféner lo 8 de març? E de díser enqüèra , “Les victimes de vraies violences sexuelles et sexistes ont été affectées”. Que i a donc vertadèras e faussas victimas. De paraulas e un esperit qui hèn lo jòc deu sexisme e de la cultura deu viòl. Perqué? En diser que victimas inventarén qu’ei denegar e decridibilizar la paraula de las victimas. E quitament per ua hemna qui inventaré un viòl que i a de centenat de victimas vertadèras cada annada, quan non son pas tuadas, non son pas escotadas.
 
Que’s seré podut aténer ua auta actitud d’aqueth grop, amuishar au mensh la comprenença deu problèma, en har compte tàd ensajar d’avançar quitament s’ei de maishant har, de discutir e de respóner diferentament, meilèu que de s’embarrar en la Tor. Las criticas e las autocriticas que pòden ajudar; que hèn mau mes que permeten de contunhar la luta mei hòrt.
 
En aténer, quan Libertat hè propaganda per la manifestacion deu 8 de març e que n’i a tostemps pas de reaccions que’ns podem demandar se n’i a pas un oportunisme generalizat per l’occitanisme. Aqueth que s’adapta e non vòu pas véder e enténer.
 
La vergonha que dèu estar deu costat de las personas sexistas e non pas mei de las victimas.
 
Sostien a totas las victimas.
 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

30 de març 22.22h

M'agrada fòrça aquesta article, meme s'ai un pauc de mau de legir lo gascon encara, puei devi dire que la bandiera es vertadierament magnifica !
Òsca !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

18 de març 09.49h

#28 Adieussiatz Dòna Beatritz,

Vos voldriái pas mancar mas vos tanben avètz de problèmas de compreneson e de lectura entre las linhas. Tornatz legir e assajatz de compréner milhor lo sens pregond darrièr los mots. E mai, notar amb plaser que qualqu'un de la generacion de Victòria posca escriure aital lo gascon es puslèu un compliment. Sètz un pauc parano non ? Mas belèu sabètz pas que 99,99% dels joves sabon pas ni parlar, ni escriure l'occitan.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

15 de març 18.39h

#28 Adishatz, " comportament masculin" que vòu díser qu'èm educats com a hilh o hilha, e donc que las nostas psicologias, comportaments, relacions sociaus que'n son genrats


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

15 de març 14.29h

#11 Qu’es aquò, una «compòrtament masculin» ? Benlèu seriá la primièra causa a questionar : qu’es aquò una femna, qu’es aquò un òme ? Se definís simplament per sos dos colhons, coma o ditz #20 Joan ? Joan sembla pas n’aver consciéncia, mas aquel comentari que redusís un òme e sa qualitat d’èsser uman respectable a simplament çò qu’a entre las cambas me sembla terriblament misogina e paternalista (puèi, lo mesprètz de la qualitat de lenga d’una generacion sembla ... Legir la seguida


Valora aquest comentari:   votar positiu 1   votar negatiu 7
Respondre comentari replica Comentari inadequat   Formulari d'abús de comentari

15 de març 09.02h

#24 Adieussiatz Sénher Thomas,

Pensi qu'avètz mal legit e comprés la responsa qu'ai facha a la Victòria. Es pas necessari de vos fa de mal aital, es pas bon per la santat. Aprenetz a legir e a compréner en prumièr e calmatz vos un pauc.
E subretot la Victòria la coneissi dempuei qu'es jova, lo sieu paire e sa paura maire tanben.
Pensatz que soi un pòrc, ieu pensi que sètz amòrri.

Per vòstra cultura generala, cal saber que los pòrcs son d'animals fòrça intelligènts. Me demandi q... Legir la seguida


Valora aquest comentari:   votar positiu 10   votar negatiu 1
Respondre comentari replica Comentari inadequat   Formulari d'abús de comentari

14 de març 18.57h

#24 E tu, lo pichon nèci nazioccitan, pensi qu'as pas res comprés al comentari 20. Sès un brave con al QI de 58. Apren a legir entre las linhas conàs de Tolosa, la ciutat dels pedofils.


Valora aquest comentari:   votar positiu 6   votar negatiu 2
Respondre comentari replica Comentari inadequat   Formulari d'abús de comentari

14 de març 18.06h

"E totun nada reaccion deu monde occitanista, nada demanda d’explics."
N'èi pas entenut a parlar qu'aqueth anar. Aunestament, que hè bèra pausa que ne m'interessi pas mei a Libertat qui, d'ua clica de joens pro simpatics, ei vadut un gropuscule esquerrista completament hòra-sòu gavidat per un tipe qui sostiengó lo nacionalista franchimand Mélenchon en 2017.
Quitament en çò de l'occitanisme, qui se chauta de Libertat? Qu'ei pr'amor d'aquò mantuns occitanistas n'an pas entenut a parla... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

13 de març 21.48h

#20 Vòstre comentari es lo d'un pòrc. Legir aquò me dona un marrit malcòr.

Soèti que Victòria vos trape e que vos tombe los rostons que presatz tant.

E puèi qu'amb sas amigas, dins un moment de jòia, las faga espetar amb un baston de dinamita
(un pichon de baston - cal pas desconar).


Valora aquest comentari:   votar positiu 3   votar negatiu 10
Respondre comentari replica Comentari inadequat   Formulari d'abús de comentari

13 de març 20.30h

#15
E los gascons/gasconistas/gasconazis misogins etc


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

13 de març 12.18h

Que l'immensa majoritat d'agressions de genre sián comesas per d'òmes vòl dire que, pel simple fach d'èsser òmes, avèm de dreches, de privilègis, una educacion sociala e una impunitat que las femnas o patisson fòrça.

Cresi qu'en lòc de contestar çò que nos vòlon dire las femnas, las devèm escotar, devèm d'obrir l'esperit. Lo feminisme nos farà melhors òmes.

Davant las injustícias, cal totjorn se plaçar incondicionalament del costat del pus fèble, de qui patís, de la victi... Legir la seguida


Valora aquest comentari:   votar positiu 14   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3
-
4 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Victòria Sibé

Victòria Sibé logo rss

Estudianta en istòria e occitan

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions