CAPÇALERA: CAOC CURS
CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimars, 27 de junh

Fabien Lecuyer

Dimenge, 16.4.2017 03h00

L’amor envasissent de l’Autre


Comentaris 6 comentaris    
Dolent Fluix Bo Molt bo Fabulós (12 vòtes)
carregant En cargament


Ai legut amb interès l’article de Domergue Sumien sus Baish Ador e, de gròs, sei d’acordi amb elh. Aqueste article d’opinion e las reacions que seguiguèron es mai que mai pro interessant quò’se que permet d’abordar un subjècte força sensible: l’amor envasissent de l’Autre.
 
Primièr: los bascos. Quand èri jovent, foguèri dins un partit politic breton. Mai d’un còp, aguèri l’escasença de far d’amassadas internacionalas amb de “partenaris d’autras nacions sens estat”: bascos, occitans, còrses, curds, polinesians, irlandés, … . Dins l’encastre d’acòrdis de cooperacion electorals al nivèl de l’estat francés, ai sovenença de reünions amb de partits bascos, còrses e los occitans d’Anaram au Patac per Occitània. A chasque còp los occitans avián mila rasons de ne pas far partida de l’acòrdi final: èran pas pro nombrós, pas pro prèsts “a se reestructurar”, “contra las eleccions jacobinas”, etc... En soma, avián totjorn una desfaita. E tot aquò los es dat d’enmalir los bascos. En privat, apelavan los occitans “los bons per ren” (“les inutiles” en francés). “Per nosautres, los occitans son de bons per ren e basta” ai ausit mai d’un còp.*
 
Primièr, foguèri escandalizat, quitament decebut per aquelas paraulas. Mas, pauc a cha pauc, ai chamjat mon vejaire. Encara que deplori lo mesprètz de militants bascos per los occitans o los militants occitans ben segur, deplori mai encara “l’amor envasissent e immoderat de l’Autre” d’unes militants independantistas/autonomistas. Militants bretons e, ai l’impression, d’une occitans tanben. Lor amor e mai que mai lor candidesa.
 
D’efiech, los militants bascos, còrs o irlandés, elhs, ne militan pas per “la concòrdia universala” nimai per “l’amor internacional” mas per lor país e lor pòble e SONQUE per lor país e lor pòble. La magèr part del temps, lor interès pels autres pòble o populacions es tactic o resultat d’una volontat de conéisser los procèssus endacòm mai per ne poder tirar la leçon per lor problematica a elhs.
 
Mas quid en Bretanha o Occitània? Coneissi pas pro lo vòstre país per respondre per Occitània mas en Bretanha es clar: Bèlcòp de militants bretons an (pendent longtemps) militats pels autres. E al detriment del combat per Bretanha, ailàs. Avèm recebut los bascos perchassats pel GAL e la Guardia Civil per exemple. Òc ben, mas pendent longtemps, lo combat breton foguèt consacrat als bascos e a res d’autre. E après aquò, i aviá una vertadièra fascinacion e obsession per lo combat per Euskadi. E un eissorbament tanben. Quand organizèssem de marchas per l’Independéncia de Bretanha, i avià totjorn una polida joventa que venguèsse e prepausèsse una “taula  ronda sus la situacion al Bascoat” Òc ben! Mas sens complèxe, prepausèsse a la fin de l’amassada de crear de “comitats Euskadi” un pauc pertot per “se téner informats de la situacion” e fai tirar! Aguèssem 15 comitats País Basco en Bretanha e de milierats de pegasolets “Euskal Presoak Euskal Herrira” sus los murs bretons. E lo combat per Bretanha amb tot aquò? Passat de mòda, “ringardizat” per un gròs moment...
 
Un jorn, lo movement breton a fach calar suau amb la “solidaritat amb Euskadi”. N’aviam pro de la “solidaritat amb Euskadi” qu’èra devenguda un pauc “envasissenta”.
 
E pasmens, èrem totjorn d’amorós d’Euskal Herria, de son pòble e de sa lenga. Ieu lo primièr, sosteni sa luta e sos presonièrs mas... sei breton e mon combat es lo combat pel pòble breton... maugrat qu’es fòrca mens “sexy” qu’elh pel pòble basco, de segur.
 
En vertat, aquela tendéncia dels militants bretons es pas un excepcion. E la tendéncia d’aquels que van cerchar endacòm mai una causa per emplir lor vida. E sèm sonque embarrasats per chausir tant qu’es grand lo marchat: los bascos, los catalans, los palestinians, los irlandés, los refugiats, los sirians, los curds, los zapatistas, los saharauis, los zapotècas e d’autres e d’autres segurament. Mas chasqu’un d’aqueles pòbles o populacions an lors pròpis interès, logicas, agendas. E, de còps que i a, aquels interès, logicas, agendas son contradictòris amb aquel de son pròpri pòble. E sovent, aquels que prenon fach a causa per un autre pòble o populacion o una causa luenha en deslaissant lo lor pròpri es juste un biais de se valorizar. E çò pièger, coneissèm pas totas las subtilitats e problematicas —per un estrangièr— fòrça complèxas d’aquelas lutas.
 
Mai d’un còp, ai vist d’estrangièrs, s’estrambordar en Bretanha, per nòstre combat mas a chasque còp lo diguèri: “oblida pas que siás normand/poitevin/occitan/savoisien, etc..., aicí chal apréner per trobar lo melhor biais per lutar per ton pòble, ta lenga, mas cèrches pas en Bretanha un derivatiu per oblidar ton pòble”.
 
Tot aquò per dire que sei segur que Domergue Sumien sosten lo pòble basco e tot aquò, mas per tocant la question del Bas Ador, Domergue Sumien pensa en occitan, parla coma militant occitan e se preocupa de son país e de sa nacion: la nacion occitana. E “basta così” coma disan los còrs!
 
 
 
 



* Coma ai ausit los bascos del sud considerar los fraires del nòrd coma “d’inutils”.
 
 
abonar los amics de Jornalet
 
 
 




 
 



publicitat



Comentaris

18 d'abril 13.44h

#5 correccion : "... qu'auriá pogut eventualament... ".
Ajustarai simplament aquò d'aquí : "biais desvirat de se sonhar..." o "mena d'orguèlh neocolonialista...", "L'amor envasissent de l'Autre", aquel sobramor o desamor de se mascarat, sariá pas finalament l'espremida d'un desequilibri enterior, d'una sofrença d'aquel que crei d'aimar ?


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

18 d'abril 12.36h

Savètz que m'a bien agradat vòstre article Mossur lo Breton ! Avètz un bèl rasonar. Vos ai pas vist venir sus lo còp. Mès la conclusion tinta pas faus. Que non !
O ai agut remarcat pro sovent en cò dals "francés" ce que conclusètz. E me siái sovent demandat se ce que nommatz "L'amor envasissent de l'Autre" èra pas per l'autor d'aquel "amor" :
1) un biais desvirat de se sonhar sens acarar coratjosament son quite voide identitari (perque cabussariá lo paure dinc la dolor siuna e ne'n... Legir la seguida


Valora aquest comentari:   votar positiu 6   votar negatiu 2
Respondre comentari replica Comentari inadequat   Formulari d'abús de comentari

18 d'abril 11.54h

#1
Nos conselhas los videos d'aquela Sophie Riehl... Mas es una blaga ? Creses vertadièrament totas las conariás d'aquela sembla-goró ? Coma la conoissiái pas d'abans, soi l'anat véser sus Youtube e me faguèt plan rire ta “conferencièra” !
Daissi çai-jos un video de sa pròpia presentacion per los que vòlon qualquas minutas d'umor: https://www.youtube.com/watch?v=0N7rJW4KUTQ&feature=youtu.... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

17 d'abril 11.11h

Òc, i a quitament d'occitanistas (coma d'autres) que s'interessan mai a Tibet, Palestina qu'a Occitània... Pantaisar de luenh per ren far de pròche?
Mercés per l'article, fòrça valable per Occitània.


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

16 d'abril 23.03h

Lo darrièr "Aguèssem" me sembla estranh, es una varianta de Aguèrem?

Defensar una lenga, sonque la lenga, es inutil e improductiu, car per salvar una lenga cal l'amor d'un país, sa cultura, son interès e son benefici (independéncia econòmica e politica). Far d'occitan sens amira e tòca politica per Occitània, es non pas comprendre que la lenga a besonh de mejans que la metropòli balharà pas jamai, doncas se cal ganhar l'autonomia puèi l'independéncia.


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

16 d'abril 11.58h

Chau en prumier s'aimar perque si t'aimas pas alaidonc te vas laissar embarcar dins de las faussas idéias. Si t'aimas pas, los autres van abusar de tu, de ta naivetat. L'òm pòd pas balhar de l'amor a tots los autres es a dire los planjar, voler los aidar e oblidar de s''ocupar de se. L'òm vei mielhs la palha qu'es dins l'uelh dau vesin que la pan qu'es dins son uelh. Lo vertardier amor es l'amor incondicionau que damanda d'aimar tot lo monde, mesme aquilh qu'apelat ton enemic, aimar lo... Legir la seguida


Valora aquest comentari:   votar positiu 1   votar negatiu 7
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Fabien Lecuyer

Fabien Lecuyer logo rss

Jornalista breton, es alcap del setmanier en galo Runje

mai d'informacions

contactar l'autor

Mai d'articles

Archius




Etiquetas

D'autres articles


Jornalet, gaseta occitana d'informacions