CAPÇALERA: dintrada
CAPÇALERA2: AMICS DE JORNALET

Jornalet, gaseta occitana d'informacions

Dimècres, 23 d'agost

Gerard Joan Barceló

Diluns, 9.1.2017 03h00

Assag de bilanç personal d’un occitanista


Comentaris 13 comentaris    
Dolent Fluix Bo Molt bo Fabulós (13 vòtes)
carregant En cargament


Aurai ongan, se Dieu vòl, 44 ans, e ja farà 15 ans que causiguèri de devenir occitanista, coma dobla descobèrta de mas originas mairalas, gràcias al rescontre providencial d’estudis universitaris, e de la fin de mas illusions sus la Republica Francesa, un 21 d’abril de 2002...
 
15 ans… Mas qu’ai fach per l’occitan? Ai fach lo lingüista, lo militant, l’ensenhaire, ara escrivi qualques linhas que seràn publicadas per Jornalet, après d’autres articles mieus. Ai fach òbra utila? Non sai. Mas almens senti la satisfaccion d’aver pogut accedir, mai que mai jos las formas lengadocianas e provençalas, las solas que parle de verai, a la lenga occitana, que triguèri tant a conquistar...
 
Mas la conquista encara me sembla longassa. Quasi cada jorn m’estona la riquesa de la lenga occitana, que vòli sempre senhorejar mas que totjorn escapa de mon ufanosa volontat de dominacion. Cresiái de descobrir una illa mas es un continent que cal desboscar. Jamai non aurai finit...
 
15 ans... E tantas causas que desconeissi. Ocupat per l’usatge militant de la lenga, ai tròp pauc legit. Se parla tant de Mistral, de Jansemin, dels trobadors, de Roqueta, de Manciet, de Lafont, de Delpastre o de Bodon, de Gelú o de Pèir de Garròs, o d’autres autors, mas quantas paginas siás ai percorregudas? "La carn es trista, ailàs, e ai legits totes los libres", çò planhiá lo poèta francés Stéphane Mallarmé, mas mai granda es la tristesa se rèsta tantas lecturas inexploradas...
 
Alara, en aquesta freja nuèch d’ivèrn, me disi qu’al cap de 15 ans es ora de menar a bon tèrme ma cèrca. Fa 15 ans, decidiguèri de devenir occitan, e ara o devi èsser de tot en tot.
 
M’encamini. Se m’acompanhatz?
 




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat



Comentaris

10 de genièr 19.58h

Lo contengut d'aqueste comentari es ocult perque es estat considerat inadeqüat pels legeires de Jornalet
Mostra'l


Valora aquest comentari:   votar positiu 1   votar negatiu 24
Respondre comentari replica Comentari inadequat   Formulari d'abús de comentari

10 de genièr 12.56h

#10 Tè, un troll, fasia temps !


Valora aquest comentari:   votar positiu 18   votar negatiu 0
Respondre comentari replica Comentari inadequat   Formulari d'abús de comentari

10 de genièr 12.52h

#10 Tè, un troll fasia temps !


Valora aquest comentari:   votar positiu 18   votar negatiu 0
Respondre comentari replica Comentari inadequat   Formulari d'abús de comentari

10 de genièr 10.26h

Lo contengut d'aqueste comentari es ocult perque es estat considerat inadeqüat pels legeires de Jornalet
Mostra'l


Valora aquest comentari:   votar positiu 2   votar negatiu 26
Respondre comentari replica Comentari inadequat   Formulari d'abús de comentari

10 de genièr 00.44h

#6 Quantes còps me ven al pitre tanben aquel sentiment trist e malcorant de se sentir estrangièr dins son pais, ont l'occitan retronis pas pus, ont lo quite accent- ultima fonsalha en francés d'una lenga que sembla, de longa, far las espèras - se pèrd demest los joves...
Levem lo cap, çaquelà, e servem l'estrambòrd per lo transmetre als joves que nos butan!


Valora aquest comentari:   votar positiu 25   votar negatiu 0
Respondre comentari replica Comentari inadequat   Formulari d'abús de comentari

9 de genièr 20.08h

#6 :'(
Siái tot esmogut a causa dau comentari vòstre.
Mercés per aquelas paraulas.


Valora aquest comentari:   votar positiu 27   votar negatiu 0
Respondre comentari replica Comentari inadequat   Formulari d'abús de comentari

9 de genièr 20.08h

#6 :'(
Siái tot esmogut a causa dau comentari vòstre.
Mercés per aquelas paraulas.


Valora aquest comentari:   votar positiu 26   votar negatiu 0
Respondre comentari replica Comentari inadequat   Formulari d'abús de comentari

9 de genièr 20.06h

Companh, te dirai que ieu fa ara 43 ans que soi dins l'òc. Lo Miegjorn de las annadas seissanta e setanta de ma joinèssa èra encara fòrça occitanofòn. A l'ora d'ara es malurosament pus gaire lo cas. Ai assistit estabosit a l'escafament de tot un univers. Ieu me sentissi coma lo Joan Larzac de "l'Estrangièr del dedins" o lo Joan Bodon de "La grava sul camin". Aquèl Bodon que crosèri sul Larzac amb lo Robert Lafont e l'Ives Roquèta quand aviai quinze ans ! Ara soi ieu lo vièlh. M'ag... Legir la seguida


Valora aquest comentari:   votar positiu 36   votar negatiu 0
Respondre comentari replica Comentari inadequat   Formulari d'abús de comentari

9 de genièr 19.19h

#3 Companh, a ieu tanben m'agrada pas los maniacocorrectors que sanctifican una convencion abstracha (mai que mai en francés, los tugariái los ignorantasses normatius) mas dins lo cas d'una lenga en perilh coma l'occitan, es important de tornar botar dins los usatges, amb paciéncia e respècte (e non mesprètz e condescendéncia) una pression sociala per una usatge corrècte (sople e indulgent ça que la) de la lenga occitana : aquò's un signe de vida per una lenga. La pression sociala nos... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

9 de genièr 13.54h

#3 "respiritualisas" error > "espiritualas" segur !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions