CAPÇALERA: dintrada
CAPÇALERA2: AMICS DE JORNALET

Jornalet, gaseta occitana d'informacions

Dimècres, 23 d'agost

Joan-Marc Leclercq

Dimars, 7.3.2017 03h00

Perqué un programa electorau es derisòri


Comentaris 7 comentaris    
Dolent Fluix Bo Molt bo Fabulós (1 vòte)
carregant En cargament


Es la sason deus programas, lo quite Macron n’a enfin presentat un, e vos podètz regaudir, qu’atz evitat lo títol aisit de l’article: “Demandatz lo programa …”
 
Vaquí doncas que los candidats a l’eleccion presidenciala de l’Estat francés se presentan fàcia aus electors dambe un “programa”. Atz dejà remercat las verguetas que muishan ma maufisança de cap a l’exercici. Pr’amor?
 
Pr’amor que, coma ditz lo reprovèrbe, “la promessas engatjan pas que los que las crésen”. Se cambiatz lo mot “programa electorau”, que sona meslèu plan, per “promessas electoralas”, sentissètz de tira la relativitat de la causa.
 

1. Las promessas deu programa son pas sovent tengudas, es una litòta. La lista es longa, e nosautes nos bremban plan de la n°56 deu programa de François Hollande en 2012: “Harèi ratificar la Carta europenca de la lengas regionalas o minoritàrias.”
 
Am esperat un momentòt, e am lèu vist qu’aquò èra pas quicòm qu’interessava purmèr lo candidat. Auré calgut cambiar la constitucion e aver pr’aquò la majoritat deus tres cincaus de l’amassada nacionala e deu senat. Impossible. Hollande a ensajat? Non pas. Lavetz sabèva abans qu’èra pas possible? Solide, mes l’a totun prometut.
 
2. Lo programa vertadièr es amagat.
 
Las refòrmas màgers deu quinquenat que s’acaba estoc la Lei Trabalh. Èra presenta dens las 60 perpausicions deu candidat? Que nani. S’i tròba quicòm sus la descadéncia de nacionalitat? Tampauc. Nos auré enganat, lo tipe? Òc. Los autes candidats son sincèrs, eths? Ne dobti.
 
3. Es quicòm de quimeric de dever causir un programa quan lo camp d’accion es tan vast.
 
Vos cau estar d’acòrd dambe çò que perpausa lo candidat sus:
 
— L’economia
— Lo caumatge
— La politica monetària
— Las retiradas
— La politica estrangèra
— Lo conflicte israelo-palestinian
— Los foncionaris
— L’ecologia
— La transicion energetica
— La santat
— La Securitat Sociala
— Las vaccinacions
— L’amainatjament deu territòri
— Las banlègas
— L’armada
— L’Educacion
— Las regions
— Las lengas e culturas regionalas
— Los tranpòrts
— L’emigracion
— Euròpa
— L’agricultura
— La cultura
— L’espòrt
Etc ….
 
Aquesta longa lista, pas exaustiva, muisha plan que sovent los electors vòtan peu “mens pièger” e doncas per idèas que partatjan pas. Seré pas milhor de demandar lor avís aus ciutadans sus cada tèma?
 
Mes de tot biaish, se trobatz un candidat dambe lo quau ètz d’acòrd au cent deu cent sus totis los tèmas, brembatz-vos deu paragrafe 1 e 2.
 


abonar los amics de Jornalet
 



publicitat



Comentaris

26 de març 20.54h

#3 Oblidatz ua causa: n’avem pas cap de possibilitat de causir entre un Estat protector mès imperialista e ua societat dominada per lo mercat. Dempuèi sas originas lo nacionalisme francés a ligat lo centralisme administratiu, l’unitarisme politic, l’imperialisme lingüistic e lo desvolopament dau capitalisme borgés parisenc. L’oposicion francesa esquèrra/dreta pòrta sonque sùu lo gra de mescla d’elements d’aqueth coctèl nacionalista. La lucha en favor de las lengas minorizad... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de març 17.27h




Ieu cresi al contrari que lo programa es fondamental.
Per exemple se vos prometi de suprimir 500 000 foncionaris es plasent non? Benlèu tendrai pas mas promessas , mas lo francés de basa e quitament l'occitan qu'es un pauc masoqista , benlèu li agradarà l'idèa de demorar , ambe tota una còla de vièlhs , tota una jornada dins un corredor d'espital, abans de passar lo scan , o de veire coma l'ai vist un cirurgian jogar lo baiardièr per me butar fins al blòc sus un cadièiral a rotl... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

8 de març 12.15h

"sovent los electors vòtan peu “mens pièger” "
N'ei pas tostemps vertat.
Per exemple, a la primari LR los electors que votèn peu piri deus candidats.
E lo quite Fillon, après de totas las revelacions suus sons ahars, qu'ei tostemps estable a 20 % e que's poderé qualificar peu dusau torn fàcia a Marine se, com pòt arribar, la bohiga Macron e's desgonflassè.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

8 de març 12.14h

"sovent los electors vòtan peu “mens pièger” "
N'ei pas tostemps vertat.
Per exemple, a la primari LR los electors que votèn peu piri deus candidats.
E lo quite Fillon, après de totas las revelacions suus sons ahars, qu'ei tostemps estable a 20 % e que's poderé qualificar peu dusau torn fàcia a Marine se, com pòt arribar e's desgonflassè.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

7 de març 20.51h

#2
A cadun ses opinions. La mia es la que seguís
Entre :
-- una societat ultracentralista ont los ''patoés'' son interdits mès ont cadun viu devath una tiulada, dens un environament protejat (perdon! protegit),
-- una societat ultraliberala ont l'occitan es oficiau mès... ont d'accionaris e de fotbolaires ganhan 1000 còps mèi que los trabalhaires, ont los interès privats passan avant la santat publica, ont de tropas son mandadas pr'hèser la guèrra dens lo monde empenat, etc.
E bé ... Legir la seguida


Valora aquest comentari:   votar positiu 5   votar negatiu 3
Respondre comentari replica Comentari inadequat   Formulari d'abús de comentari

7 de març 13.21h

En lòc de comentar los proqramas dels franchimands que cercan a aniquilar nòstra lenga e nòstra cultura, fagam coma los còrses e los catalans, bastissem una vertadièra alternativa que respecte nòstra identitad.
Per aquestas eleccions votem l'Oscar Temaru!


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

7 de març 10.08h

I a tanben lo cas ont apròvam lo programa d'un candidat tot empenat e vòtam pr'eth tot en sabent que serà jamèi elugit, p.ex. quòra votèri per Poutou en 2012.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions