Opinion
Florence Cassez / Mohamed Merah
Que’vs prègui de’vs avisar. Dens aquestas linhas, ne balharèi pas de sentiment pròpri suus cas personaus de la Florence Cassez e deu Mohamed Merah, ni sus tau o tau arrèst de justícia. Lo subjècte n’ei pas de saber qui ei copable o qui ei innocent. Ne vòli pas sonque parlar deu tractament de la premsa de cap ad aquestes dus ahars juridico-mediatics. Lo mestièr de jornalista qu’ei un mestièr deus seriós, qui demanda rigor e soscadissa. E podèm díser que los jornalistas francés d’aquera passa complisson aquestas condicions? Ne dobti.
Per la premsa exagonau, lo cas de la Florence Cassez estoc lèu reglat. Ua francesa èra emprisoada au Mexic e cridava la soa innocéncia, aquò que volèva díser que n’èra. L’ensems deus jornaus escrits e parlats èra a d’ua per evocar la manipulacion policièra e mediatica mexicana, tanvau la volontat politica (sustot presidenciau) de la manténguer en preson. Que’s seguiscoc escambis entre França e Mexic mentre los quaus l’arrogància francesa muishèc tota la soa amplor e manquèc de hèr cabussar las negociacions.
Estoc aisit de provar que l’arrestacion de la francesa, filmada e retrasmesa au hinestron, èra ua mesa en scèna. L’acusada era medish que podoc entervénguer per telefòne de la soa preson estant pendent l’emission Punta de Partida en dirècte, e Genaro García Luna, lo director de l’Agéncia Federau d’Investigacion, qu’estoc plan obligat d’ac adméter en tot acusar la television de l’aver demandat d’ac hèr. Aqueste Luna avèva bonas relacions dab l’Eduardo Margoulis, associat en desacòrd dab lo Sebastian Cassez, lo hrair de la Florence. Tot aquò que pudèva a pasti-hasti.
D’un aute costat, la francesa èra l’amigueta d’un Israel Vallarta Cisneros, gavidaire d’ua banda de raubadors enchafrada la bandadel Zodiaco, especializada dens la presa de victimas e mandada per pòsta de tròç de còs entà dar pròvas de la preséncia deus detenguts. Ça declarèc n’èra pas brica assabentada de tot aquò. Testimònis qu’an assegurat reconéisher la francesa per la soa votz e peu son accent, e quitament un ça digoc l’avèva trencat un dit. Mès un testimoniatge n’ei pas sonque un testimoniatge. E doncas nòstra brava premsa exagonau de denonciar per granas e bèras frasas que:
Tot aquò qu’ei un eslambrèc de clarvedença dens un monde de cècs cronics. Mès:
S’òm compara lo tractament mediatic deus dus ahars, ne podèm pas díser lo Mohamed Merah beneficièc de la medish soscadissa. Comparèm:
La Florence Cassez que cridoc la soa inociéncia. Lo Mohamed Merah ne podoc pas, pr’amor qu’estoc tuat per ua semonsa d’un quinzenat de policièrs qui perdurèc uas 20 secondas (enregistraments sonors).
L’arrestacion mexicana estoc ua engana, la deu tolosenc n’ei pas clara tanpauc. Lavetz que lo mendre activista basca b’ei cuelhut tranquilament en tot sortir de l’ostau per tres policièrs en civiu, lo Merah que patiscoc d’un sièti ipermediatizat qui perdurèc 32 oras en tot hèr arbecar e ténguer alèrt tot lo monde. Que cau signalar lo presumit assassin (La deontologia jornalistica francesa indica que cau utilizar aqueste adjectiu tant que l’acusat n’ei pas jutjat) sortiscoc d’en çò son entad anar postar films de las soas accions ad ua cadena pro-americana e pro-sionista, o tanben telefonar ad ua jornalista mentre lo son ostau èra encerclat peu RAID (!)…
Los jornalistas francés, tostemps prèsts de denonciar los poderós (deus quaus ne depenon pas, solide) avèvan hicat lo dit suu pes politic deu president mexican Calderón qui joguèc un ròtle important a carga dens lo debanament de l’ahar Cassez lavetz que l’ahar Merah que’s debanèc (com sovent) pendent la campanha electorau, e los candidats que gausiscon díser que “merquèn ua pausa” quan l’espectacle balhat avèva dètz còp mei de retrenida.
La premsa exagonau, prèsta de méter en dobte los testimònis mexicans, ne sembrèc pas geinada per l’abséncia de rapòrts a carga objectius contra lo tolosenc, ni tampauc per las enganas de la Nicole Yardeni (presidenta deu CRIF Mieidia-Pirenèus) qui vesoc un casque néguer quan èra blanc, ua mòto quan èra un scooter, o lo senhalament balhat qui ne correspon pas brica au lo deu franco-argerian.
E lo mot clau de l’istòria estoc dit per la Florence Cassez era medish quan tornèc botar lo pè a París davant ua seuva de microfònes. Que denoncièc lo hèit que lo monde au Mexic avèva cresut los médias e sustot la television: “Qu’èi pardonat aus qui’m jutjavan shens de conéisher lo dossièr, pr’amor qu’èran eths qui cridavan mei hòrt, … l’èster uman qu’ei atau, qu’a tendéncia de’s deishar emportar per l’opinion, de’s deishar convéncer aisidament.”
E que’vs asseguri que los jornalistas presents be notavan a de bon.
Per la premsa exagonau, lo cas de la Florence Cassez estoc lèu reglat. Ua francesa èra emprisoada au Mexic e cridava la soa innocéncia, aquò que volèva díser que n’èra. L’ensems deus jornaus escrits e parlats èra a d’ua per evocar la manipulacion policièra e mediatica mexicana, tanvau la volontat politica (sustot presidenciau) de la manténguer en preson. Que’s seguiscoc escambis entre França e Mexic mentre los quaus l’arrogància francesa muishèc tota la soa amplor e manquèc de hèr cabussar las negociacions.
Estoc aisit de provar que l’arrestacion de la francesa, filmada e retrasmesa au hinestron, èra ua mesa en scèna. L’acusada era medish que podoc entervénguer per telefòne de la soa preson estant pendent l’emission Punta de Partida en dirècte, e Genaro García Luna, lo director de l’Agéncia Federau d’Investigacion, qu’estoc plan obligat d’ac adméter en tot acusar la television de l’aver demandat d’ac hèr. Aqueste Luna avèva bonas relacions dab l’Eduardo Margoulis, associat en desacòrd dab lo Sebastian Cassez, lo hrair de la Florence. Tot aquò que pudèva a pasti-hasti.
D’un aute costat, la francesa èra l’amigueta d’un Israel Vallarta Cisneros, gavidaire d’ua banda de raubadors enchafrada la bandadel Zodiaco, especializada dens la presa de victimas e mandada per pòsta de tròç de còs entà dar pròvas de la preséncia deus detenguts. Ça declarèc n’èra pas brica assabentada de tot aquò. Testimònis qu’an assegurat reconéisher la francesa per la soa votz e peu son accent, e quitament un ça digoc l’avèva trencat un dit. Mès un testimoniatge n’ei pas sonque un testimoniatge. E doncas nòstra brava premsa exagonau de denonciar per granas e bèras frasas que:
- Ua manipulacion que’s pòt debanar entà façonar l’opinion publica.
- Ua volontat politica que’s pòt exercir entà desviar lo cors de la justícia.
- Testimònis se podon enganar o mentir.
- Ua volontat politica que’s pòt exercir entà desviar lo cors de la justícia.
- Testimònis se podon enganar o mentir.
Tot aquò qu’ei un eslambrèc de clarvedença dens un monde de cècs cronics. Mès:
S’òm compara lo tractament mediatic deus dus ahars, ne podèm pas díser lo Mohamed Merah beneficièc de la medish soscadissa. Comparèm:
La Florence Cassez que cridoc la soa inociéncia. Lo Mohamed Merah ne podoc pas, pr’amor qu’estoc tuat per ua semonsa d’un quinzenat de policièrs qui perdurèc uas 20 secondas (enregistraments sonors).
L’arrestacion mexicana estoc ua engana, la deu tolosenc n’ei pas clara tanpauc. Lavetz que lo mendre activista basca b’ei cuelhut tranquilament en tot sortir de l’ostau per tres policièrs en civiu, lo Merah que patiscoc d’un sièti ipermediatizat qui perdurèc 32 oras en tot hèr arbecar e ténguer alèrt tot lo monde. Que cau signalar lo presumit assassin (La deontologia jornalistica francesa indica que cau utilizar aqueste adjectiu tant que l’acusat n’ei pas jutjat) sortiscoc d’en çò son entad anar postar films de las soas accions ad ua cadena pro-americana e pro-sionista, o tanben telefonar ad ua jornalista mentre lo son ostau èra encerclat peu RAID (!)…
Los jornalistas francés, tostemps prèsts de denonciar los poderós (deus quaus ne depenon pas, solide) avèvan hicat lo dit suu pes politic deu president mexican Calderón qui joguèc un ròtle important a carga dens lo debanament de l’ahar Cassez lavetz que l’ahar Merah que’s debanèc (com sovent) pendent la campanha electorau, e los candidats que gausiscon díser que “merquèn ua pausa” quan l’espectacle balhat avèva dètz còp mei de retrenida.
La premsa exagonau, prèsta de méter en dobte los testimònis mexicans, ne sembrèc pas geinada per l’abséncia de rapòrts a carga objectius contra lo tolosenc, ni tampauc per las enganas de la Nicole Yardeni (presidenta deu CRIF Mieidia-Pirenèus) qui vesoc un casque néguer quan èra blanc, ua mòto quan èra un scooter, o lo senhalament balhat qui ne correspon pas brica au lo deu franco-argerian.
E lo mot clau de l’istòria estoc dit per la Florence Cassez era medish quan tornèc botar lo pè a París davant ua seuva de microfònes. Que denoncièc lo hèit que lo monde au Mexic avèva cresut los médias e sustot la television: “Qu’èi pardonat aus qui’m jutjavan shens de conéisher lo dossièr, pr’amor qu’èran eths qui cridavan mei hòrt, … l’èster uman qu’ei atau, qu’a tendéncia de’s deishar emportar per l’opinion, de’s deishar convéncer aisidament.”
E que’vs asseguri que los jornalistas presents be notavan a de bon.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 Re-adishatz !!
Me demandi se parlam de la medisha causa. La question n'ei pas de saber se un tipe qui a tuat dròlles ei un salopàs o non pas, (solide qu'ac ei, pensatz que ne sois pas uman ?, n'èi pas dròlles jo medish ?), La question ei de saber QUI a tuat. Entad aquò, cau conéisher lo dossièr a fons e soscar "hredament" shens reagir d'un biaish emocionau, com un enquestaire vertadièr.
"Son ostau clafit d'armas". Sabètz quinas armas i avèva dens son ostau ? I avèva dus Colt 45, pistolets deu sègle XIX-au qui tiran ua bala après l'auta e dab los quaus cau tornar mirar a cada còp. E lo melhor per la fin : avèva un gilet virabalas .. de la Polícia Nacionau (La Despatcha) !
Se seguissètz plan l'ahar, la DCRI (serà era qui balharà SA version de la debuta dinc au cap) dirà que n'avèva pas d'ordinator, puish que n'avèva un, puish que n'avèva pas, etc ... çò qui explica uas estranhetats (Pr'amor utilizava lo de la mair ? Pr'amor n'a pas postat sus internet los filmes au lòc de'us enviar per la Pòsta ?) puish d'autas (Quin a montat dab musica los filmes se n'avèva pas d'ordinator ?)
Aqueth ahar qu'auloreja a la "barbouzerie" (per astre n'i a pas de mot en occitan per aquò), après, cadun se hè sa religion pròpia, pr'amor s'agís plan de religion, de créser o pas ua version guèrla en tot punt au bèth miei d'ua campanha electorau.
E que'vs convida de tornar léger lo purmèr paragrafe deu men tèxte, qui parla de la comparason deu tractament mediatic deus dus ahars, n'ei pas tan complicat qu'aquò d'ac comprénguer. Doncas, resumit : la premsa francesa a cridat a l'engana per la Florence mès n'a pas jamei dobtat peu Mohamed e a cresut tot çò qui presentava la DCRI come paròla d'evangili, lavetz que denonciàvan la version de la polícia mexicana.
Après, cadun qui n'ei pas jornalista ei liure de créser çò qui vòu.
#8 Joan Marc, i a totjorn d'incomprension per Internet per definicion... Ten a l'escrich onte i a pas l'intonacion, lei gèstes, l'escambi dirècte, la possibilitat de respondre frasa a frasa e donc de pas laissar s'installar l'incomprension...
Pasmens, m'avisi que siáu pas soleta d'èstre tustada per "la victimizacion de mehrad" qu'assajatz d'instillar... Seguissi d'a fons l'apreciacion de Teiric Lausa : "Aquò dit, la Tèrra se pòrta melhor sens un salopàs coma aqueste qu'a tuat ninòts (e adultes) inocents. La siá desaparecion me pausa pas cap problèma". A ieu ni mai...
E lo parallèl amb lei paures acusats d 'Outreau es, tornar mai, mau vengut... Avètz de parallèls mai qu'azardós/dobtós... Dins gaire, l'assassin de Montauban, retrencat dins son ostau clafit d'armas (u arsenau complèt, e de centenats de balas tiradas), acabarà amb una aureòla ?? E de nos dire qu'aqueleis armas èran solament per la caça au tordre ? ?
E tornar mai encara, a criticar/cercar nieras, ieu, m'atacariáu a de causas mai revoltantas. Per exemple lo verdicte escandalosament laxista dei violaires en benda de Creteil... e dei violaires en generau.
#6 Re-adishatz,
Torni de léger vòste tèxte e'm veng ua soscadissa de mei.
Disètz : "Vòstre biais d'ignorar sei victimas me gèina fòrça fòrça".
E pr'amor ignorarí las victimas jo ? On ei escrit ? Aquò ta jo qu'ei hèra grèu, aquò que mia generaument a las errors judiciàrias. M'expliqui :
Se lo crimi ei òrre (dròlles tuats), lo monde ne cèrcan pas mei la vertat mès la venjança rapida. Lo respècte de las victimas ne seré pas meilèu de trobar lo copable vertadièr que non pas cridar dab los lops ? An trapat un tipe, tot va plan, se s'enganan, rai, cau venjar las victimas purmèr. Ei aquò la justícia ?
Non pas, solide, e pensi que vosautes tanben atz reagit d'un biaish drin emocionau com tantas personas, ei normau.
Se lo monde que soscan sus un ahar se hèn tractar de sabi pas qué, aquò ne va pas ajudar ni la justícia, ni la democracia, ni la soscadissa era medish, ça'm par.
#6 Adishatz,
Soi plan d'acòrdi dab vosautes per çò qui ei de la fin deu vòste tèxte.
Lo debat ne pòrta pas vertadièrament suus hèits, mès suu tractament.
Disètz : " ... a tuat 7 personas que d'enfants : que volètz de mai coma "pròba" ? ."
E ben justament, vòli ua pròba pr'amor n'i a pas nada. Quina pròba avèm ? Lo testimoniatge de Montauban qui'u ditz "petit e meilèu gròs" lavetz qu'èra gran e magre ? Lo de l'escòla qui vesó uelhs blaus e "hreds com l'acièr" ?
Disètz taben : "S'entraïnava a l'estrangier", lavetz que l'YvesBonnet (ex-patron de la DST) e lo Claude Bardon (Renseignements Généraux) an dit clarament qu'èra un agent de la DCRI qui avèva personaument lo contacte deu Squarcini (DCRI). Segon la Despatcha, n'avèva pas mei passapòrt francés e sonque un passapòrt argerian, çò qui'u interdisèva d'entrar en Israel (n'i pas d'acòrds diplomatics entre los dus país) doncas avèva un faus-vertadièr passapòrt francés. Balhat per qui ?
Poderí contunhar atau sus paginas e paginas, mès n'ei pas l'espaci per aquò.
En resumit, disi que podèm dobtar de la culpabilitat deu Merah e qu'ac hasèm pas. Aquò n'ei pas "complasença per l'islamisme", ei ua recèrca de la vertat, quitament se l'abséncia de soscadissa pòt estar interpretat coma "animositat de cap a l'islam" e se, un còp de mei, aquò que s'apèra "botar en tòca", vòli díser acusar quauqu'un de quauquarren se defen ua idèia totun simpla.
Pensatz cinq minutas a çò qu'auretz dit se quauqu'un avèva defenut los acusats d'Outreau a la debuta de l'ahar. Me brembi plan de monde qui volèva "restabli lo castig de mòrt" pr'amor avèvan tocat a dròlles. La persona qui auré emes un dobte auré estat acusada de la pedofilia la piéger, lavetz qu'eth auré tot simplament cercat la vertat.
òsca per l'article que denóncia lo circ a l'entorn de la Florença "paura inocenta que viu dins l'ostau amb un criminau qu'i embarra de personas... mai que sap ren de ren " ! Quina indecéncia vertat, luòga de faire perfiu bas !
Mai tròbi pasmens la comparason amb Mehrad mai que desastrosa, indecenta, per pas dire escandalosa... Me'n foti reialament de saupre coma foguèt desquilhat. Tròbi e mai gaire clar... lo fach de parlar de manipulacion de l'opinion a son prepaus. Vòstre biais d'ignorar sei victimas me gèina fòrça fòrça... S'entraïnava a l'estrangier, a tuat 7 personas que d'enfants : que volètz de mai coma "pròba" ? Aqueste biais d'instillar un dobte sus lei condicions d'arrestacion d'un criminau perfiech sembla fòrt... a una atirància non dicha o per lo mens una complasença per l'islamisme (que se pòrta fòrça fòrça ben a senèstra) o m'engani ? Dins gaire nos anatz benlèu dire qu'es pas Mehrad qu'a tuat fin finala ? O qu'es "un còp montat per Gueant de tota peça" ? N'i a ben qu'o dison per l'atentat dau 11 de septembre...
Mutatis mutandis, a faire un parallèl, l'auriáu fach ieu amb la Bettencourt. Que s'anèt metre tota soleta dins la gola dau lop, maugrat totei lei mesas en garda, totei leis interdiccions d'i anar. Sabiá perfiechament onte metèt lo pè (coma leis esquiaires que s'entestardisson a faire d'esqui fòra pista). Que foguèt arroganta e gaire compatissenta ambe sei codetenguts (demorats quasi anonims, elei, coma tot plen d'autrei ostatges que l'an pas cercat mai qu'an pas l'astre d'agradar a la premsa). La Bettencourt que donèt luòc au meteis circ amb lo govèrn precedent, amb la meteissa manipulacion de l'opinion, aquí òc... Ieu çò que m'escandaliza, es lo circ politico-mediatic amb UNA femna, que ni l'una ni l'autra se l'ameritava per de rasons diferentas, mentre que lo sòrt de TOTEI lei femnas, baceladas, excisadas, violadas, lapidadas, laissa indiferent nòstre monde jornalistico-politic. La LUTZ per UNA, e mai non meritada, mai L'OMBRA per TOTEI. Es aquí l'escàndol, pas lei condicions de l'arrestacion d'un Mehrad, se tant que i ague de questions de se pausar, e mai se i a de questions de se pausar. Ma compassion va pas ai meteissei personas que vos.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari