Carlos Barrera

Carlos Barrera ei un òme politic aranés, membre de Convergéncia Democratica Aranesa. Ei Sindic d’Aran d’ençà de mai de 2011, cargue qu’auie ja aucupat anterioraments, deth 7 de junh de 1995 ath 18 de junh deth 2007.
 
Pendent eth periòde nomentat “transicion”, dempús dera mòrt de Franco, Barrera hec part deth movement sociau aranés Es Terçons. Se presentèc as eleccions municipaus de 1979 per Unitat d’Aran, partit qu’abandonèc quan era formacion politica passèc a hèr part deth Partit des Socialistes de Catalonha. En 1995 se presentèc ath cargue de Sindic d’Aran per Convergéncia Democratica Aranesa e siguec elegit.