Opinion
José Ribamar Bessa Freire
Actualament professor de pòstgraduacion en memòria sociala de l’Universitat Federala de l’estat de Rio de Janeiro (UNI-Rio), ont orienta recèrca de doctorat e mastèr, e de la Facultat d’Educacion de l’UERJ, ont coordena lo Programa d’Estudis dels Pòbles Indigènas. Escriguèt, organizèt e coorganizèt mai d’un libre, entre los quals Rio Babel, a história das línguas na Amazônia ( 2011, 2a edicion); Políticas de línguas no novo mundo (2012); Essa Manaus que se vai (2012); Línguas Gerais, política linguística e catequese na América do Sul no Período Colonial (2003); Os aldeamentos indígenas do Rio de Janeiro (2009, 2a edicion); Os índios em Arquivos do Rio de Janeiro (1995-1996); A Amazônia no período colonial (2008, 7a edicion); Cem anos de imprensa no Amazonas (1990, 2a edicion); en mai de capítols de libres e articles dins de revistas especializadas en Brasil, Peró, Colómbia, l’Eqüator, Veneçuèla, Mexic, França, Alemanha, Itàlia e Japon. Manten una cronica setmanièra dins los jornals d’Amazonas dempuèi 1984 fins a uèi.