CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimars, 23 d'abril

Alan Roch

Dijòus, 24.3.2016 03h00

Lo mistèri de la lauseta magra


Comentaris 3 comentaris    
Dolent Fluix Bo Molt bo Fabulós (8 vòtes)
carregant En cargament


Coneissètz de segur las paraulas del Boièr:
 

“Quand lo boièr dintra de laurar, planta son agulhada. Trapa sa femna al pè del fuòc, trista e desconsolada. «Se siás malauta, diga-bòt: te farai una alhada (un potatge) amb una raba, amb un caulet, una lauseta magra»”.
 
D’unes, vesent dins las paraulas un cant pro-catar, parlaràn de la paura femna sens consolament e, mai que mai, d’aquela famosa lauseta magra. L’aucèl del matin, simbòl de l’alba e de l’esperança, que monta cap al cèl al primièr rai de solelh, la vaquí tanben que malauteja, tota magrinèla, e que pòt pas anar dançar amb aquels rais ensolelhats coma l’i vesiá faire dins son imaginacion encantarèla lo trobador Bernat de Ventadorn, de la cima de la torre la mai nauta del castèl, aval en Lemosin.
 
S’èra catara, la brava femna, se vei pas perqué manjariá de carn d’aucèl… Los camins de la simbolica son d’unes còps plan complicats!
 
Mas, dins un libre del Musèu de Roergue, paregut en 1983, jos la pluma de Jean Delmas, Autour de la table - recettes traditionnelles du Rouergue, trapam la recèpta de… la lauseta balhada pel sénher Laurens, de Rodés:
 
“Faire une farce avec de la farine, des œufs délayés dans un peu de lait. Faire une boulette du tout. Enrober avec une feuille de chou vert. Bien ficeler. Faire cure dans une bonne soupe de campagne. Dans le fameux chant du Boièr, la lauseta magra n’est pas un oiseau, comme on le croit souvent, mais ce plat.”
 
De qué devenir cabra, non?



publicitat



Comentaris

29 de març 06.51h

Pas forçadament de carn de saussissa. Se pòu mesclar buòu e vedeu ò metre solament de buòu (depende dei gosts).


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

24 de març 11.25h

dins la cosina provençala, avèm pereu leis alausetas sènsa tèsta, que son de boletas fachas amb de carn de saucissa, d'alhet e de juvèrt que per sa talha semblan abòrd a-n-aqueeisl aucèu qu'ancian temps se caçavn e lei fèm coire, amb una sauça ,ceba e poma d'amor, una raiada d'òli d'oliva, mitat de vin blanc, mitat d'aiga,li ajustam una fuèlha de laurier e doas venas d'alhet e après tres oras de coeison, à pichon fuòc, leis alausetas saràn lestas


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

24 de març 09.51h

Segur que per acabar la malata sens laissar trop de traças, es una bona idèia. (Crimi perfiech : es lo boier qu'a fach lo cop).


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Alan Roch

Alan Roch logo rss

Alan Roch animator cultural a l’IEO-Aude. Contaire, cronicaire (ràdio, premsa escrita). Afogat de rugbi de 13.

mai d'informacions

contactar l'autor

Mai d'articles

Archius




Etiquetas

catars   roch   rochcatars  

D'autres articles


Jornalet, gaseta occitana d'informacions