CAPCALERA: IEA-AALO

Jornalet, gaseta occitana d'informacions

Dissabte, 5 de decembre

Alan Roch

Dimenge, 15.11.2020 03h00

Per una laïcitat dobèrta


Comentaris 3 comentaris    
Dolent Fluix Bo Molt bo Fabulós (9 vòtes)
carregant En cargament


cdd20




Tuar qualqu’un es quicòm d’òrre. Legitimas, naturalas e evidentas son las protèstas fàcia al murtre d’un ensenhaire a Conflans e als crimis de la glèisa de Niça. Dempuèi la nuèit dels temps, òmes e femnas an cresegut (o pas) a la preséncia d’un poder divenc: multiple pels pagans, grècs o romans, puèi venguèron las religions monoteïstas. Dins los precèptes religioses, s’imagina que i quicòm al-delà de la mòrt (reincarnacion, paradís o infèrn) e se balhan règlas de vida que son plan sovent la simplicitat, la caritat, l’amor dels autres, lo sosten als febles e lo comandament: “Cal pas tuar”. Mas quant de crosadas, quant de guèrras santas, quant de desplaçaments de populacions… e ne passi, lo tot contradictòri amb çò de presicat. Grand escart entre la pensada (la cresença) e la vida, entre lo dire e lo faire.
 
Per respondre a las derivas fanaticas, lo poder francés met en abans dos mots emblematics: libertat d’expression d’una part; laïcitat d’autra part. Deurián èsser l’alfa e l’omèga de tota l’accion publica e de la vida en societat. Serián incontestablas e consubstancialas a la republica
 
Aquí, vos disètz que va arribar lo «Mas…». E ben, vos sètz pas enganats…
 

— Libertat d’expression: Formalament, tot lo monde se pòt exprimir liurament e, se ne vira, uns limits (plan definits) son d’impausar quand s’agís de difusion de falsas informacions, d’atacas personalas, de butar a l’òdi… Mas aquela libertat reçaup de trucs quand la premsa (escrita o audiovisuala) es tenguda per d’entrepresas qu’an en vista mai lo pòrta-moneda que lo debacte public, ont i a concentracions, dificultats bèlas per la premsa d’opinion (e vos parli pas dels problèmas administratius o dels còsts postals per las pichonas revistas), ont la difusion demesís en barrant los punts de venda,… Libertat d’expression que se pòt faire a travèrs los vòtes: un gròs esfòrç ciutadan es de faire per butar a la participacion de totes a la vida publica alara que l’òm vei l’abstencion montar d’eleccion en eleccion. Qu’un espaci d’expression tenes se parlas occitan, breton o encara lo basc e lo catalan que lo Valls considèra coma portaires de l’antirepublicanisme? L’abat Grégoire es totjorn viu!
 
— Laïcitat: Foguèt una batèsta bèla de desseparar la vida religiosa de la vida publica a la debuta del sègle passat. França es una republica laïca, mas se contunha de seguir lo calendièr crestian pels jorns caumats e las vacanças. En principi, laïcitat se bessona amb la libertat de pensar e la libertat de creire o pas dins lo respècte de la causida de vida de cadun e de caduna. Mas, dins la Republica francesa ideala, pels iper-laïcs es tot dreit a la diferéncia que se refusa, caldriá èsser totes dins lo meteis mòtle: lo d’una unitat que confondon amb unicitat. E un sendicat d’ensenhaires vei la Republica en dangièr se lo departament balha quatre sòus a una Calandreta per organizar un canton d’òrt[1]!
 
Lo viure ensemble, lo faire societat demandan de balhar un sens positiu e dinamic a la libertat d’expression e a la laïcitat. Ne sèm plan luènh…
 
 
 
 

 
 
 
 
[1] Projècte de la Calandreta Los Cascamèls (Rius de Menerbés) retengut pel Conselh departamental d’Aude dins l’encastre d’un budgècte participatiu)




 
 
Cronica Papieròt menerbés, in La Semaine du Minervois, 12/11/2020
 
 


abonar los amics de Jornalet
 
 



publicitat
BANNER1: IEO Arièja



Comentaris

15 de novembre 17.05h

La laicitat dobèrta supausa una dobertura dels laïcs. Es justament la tasca dels islamistas de dobrir los laîcs e assimilats: amb ua cotelada plan capitada, lo te decapitan lèu-lèu, aital s'està ben dobert, cap de problèma. .


Valora aquest comentari:   votar positiu 11   votar negatiu 6
Respondre comentari replica Comentari inadequat   Formulari d'abús de comentari

15 de novembre 10.28h

Pòdi pas qu'ajustar que la Republica a remplaçat la religion crestiana per la religion republicana. An remplaçat Maria per Mariana. La ceremonia deu 11 de noveme au panteon (se vesèm l'etimologia deu nom) n'es un exemple evident.
Mercés l'Alan per aqueste article.


Valora aquest comentari:   votar positiu 10   votar negatiu 6
Respondre comentari replica Comentari inadequat   Formulari d'abús de comentari

15 de novembre 08.35h

Tots çò que l'òm cata darrier las valors de la Republica damandaria a esser tornar discutir.
L'òm parla de libertat d'expression alaidons que chaldria parlar de censure.
Tot çò que l'òm cata darrier la religion demandaria a esser tornar discutir. Mas, darrier lo vatican se cata una banca mondiala e de las richessas materialas pus importantas que la spiritualitat.
Lo materialisme es ren. Sem deja dins una societat spirituala si l'òm pren las meditacions o las teorias vengudas dau bod... Legir la seguida


Valora aquest comentari:   votar positiu 1   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Alan Roch

Alan Roch logo rss

Responsable de l’IEO-Aude. Contaire,escriveire, cronicaire (ràdio, premsa escrita). Afogat de rugbi de 13.

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions