Opinion
L’A.U.S.
Venem d’aprene que l’F.M.I. ven de botar sus pè l’A.U.S. Una avançada pichona per la planeta mas un pas de gigant per l’umanitat! Avèm agut l’astre de rescontrar Negreròc un dels pilastres d’aqueste projècte. A ben volgut respondre a nòstras demandas.
Bonjorn Negreròc, sètz presentat coma un dels paires de l’A.U.S.
Cal pas quichar. Soi just un d’aqueles qu’a soscat a son espelida.
L’A.U.S., de qu’es aquela bèstia?
Es pas una bèstia, mas coma o sabètz, l’aus es la lana de la feda tonduda. E per respondre clarament a vòstra demanda, cal comprene l’A.U.S. coma Ajuda Universala de Subrevida.
Sus quina basa es bastida aquela A.U.S.?
Se volètz, e per simplificar, ièr las fedas tondudas, l’èsser uman rasclat per la moneda. Deman, amb l’A.U.S. las fedas lanudas, la moneda al servici de l’èsser uman. Es un cambiament prigond.
Una revolucion?
O podètz dire. Se capita, serà ben mai qu’aquò!
A qui s’adreiça?
A las femnas e als òmes d’aquesta Tèrra. Es universala!
Es a dire?
S’adreiça a totas e totes los mai paures de la planeta. E a las femnas en primièr que son las mai pertocadas. Entendem per “paure” la persona en manca dels mejans essencials de se viure coma: aver un teulat, se noirir, beure, se vestir...
Parlatz d’«ajuda» Que cal comprene?
A la debuta es previst de versar l’equivalent de 500 euròs per persona e per mes al pus deseiretats de la planeta. Es benlèu pas gaire, me dirètz. Mas es una debuta. Aquela ajuda serà adaptada a cada pòble...
Volètz dire qu’en matèria de pauretat en Euròpa o en Africa los besonhs son pas los meteisses?
Segur, mas oblidètz pas que siá en Euròpa o siá en Africa, los besonhs primièrs dels èssers umans, ont que vivon sus la planeta, son de poder s’apitançar, aver un teulat, se vestir...
Doncas, tendrètz compte del biais de viure e de la cultura de caduna e cadun?
Es un punt essencial per nosautres. Respectar las lengas, los biaisses de viure de cada pòble, de cada persona es la clau de la capitada de l’A.U.S. amb la solidaritat a la clau.
Cossí serà versada aquela ajuda?
Las ajudas seràn pas versadas als Estats que las podriàn foraviar mas a una estructura novèla encargada, país per país, d’aqueles versaments personalizats e adaptats al biais de viure de l’endrech. Trabalharem tanben amb las Organizacions Non Governamentalas.
Quina es la durada d’aquela A.U.S.?
Tant que i aurà de pauras e de paures sus la planeta nòstra.
Cossí grelhèt aquel idèa?
Coma o sabètz, la Covid a rendut los paures de la planeta tota encara mai paures e los rics encara mai rics. Dempuèi de sègles e de sègles, ben abans la Covid, los paures los avèm rasclats, tonduts. Podèm pas contunhar aital. Aquela A.U.S. dobrís un asuèlh novèl per l’umanitat. Lo camin serà pas aisit, se caldrà batre mas una dralha novèla es a se dobrir.
Cossí l’F.M.I. n’es vengut a soscar a l’A.U.S.?
Quora jogatz al Monopòli, un còp qu’avètz tot ganhat, vos retrobatz solet. Podètz pas pus jogar, es vòstre darrièr jòc. Temps èra vengut de jogar d’un autre biais. Jogar un autre jòc.
Mercé plan.
Mercé a vos!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Laus per aquela AUS !
A l'epòca n'i a que demandèron un socialisme de la cara umana. E li mandèron los carris
Ara sem a demandar un capitalisme de la cara umana. E mandan los LBD
Es quand mesme temps de se damandar perqué lo sistem permet aus riches de devenir de mai en mai riches e de mai en mai minoritaris alaidonc que la paubretat fai lo contrari.
Qui gouverne lo monde?
Cresetz que per l'operacion dau Sent Esperit los pòples van banlevar tots los estats per far un nòu gouvernament mondial que fera lo ben e armonisara los revenguts? Quò ven mas pas de la faiçon que pensar.
I a d'un biais,una resistança que monta dins tots los pais per banlevar los poderos. Venan daus ingeniors, daus militarias, daus monde naut plaçats qu'an una vision mai granda.
Quò es la dictatura dau proletariat de Karl Marx menada per una classa obriera que seria dipomadas e non pas per l'obrier de bas niveu. I a d'un autre biais una evolucion de l'umanitat qu'acepta pus las injustices e los messonjas.
Dins tot aquò chau pas oblidar que los partits politics, a començar per los partits comunistes e lo Vatican que se se son trobats manipulat per los qu'an de l'argent e dominat per la Finança. Las organisacions que se disan umanitarias , ecologicas o autras fan parier e an una part de perversitat.
Dins pauç de temps la vertat vai se saubre. En esperar mesfiam nos e oblidam pas que la perversion se cata au nom de la libertat, de la justiça, de la democracia. Reclamar una mondialisacion per far lo ben es pervers perque es una idéia daus poderos per sauvar lòr peu. D'alhors fau pas voler far mas reclamar d'esser uros.
Es quand mesme temps de se damandar perqué lo sistem permet aus riches de devenir de mai en mai riches e de mai en mai minoritaris alaidonc que la paubretat fai lo contrari.
Qui gouverne lo monde?
Cresetz que per l'operacion dau Sent Esperit los pòples van banlevar tots los estats per far un nòu gouvernament mondial que fera lo ben e armonisara los revenguts? Quò ven mas pas de la faiçon que pensar.
I a d'un biais,una resistança que monta dins tots los pais per banlevar los poderos. Venan daus ingeniors, daus militarias, daus monde naut plaçats qu'an una vision mai granda.
Quò es la dictatura dau proletariat de Karl Marx menada per una classa obriera que seria dipomadas e non pas per l'obrier de bas niveu. I a d'un autre biais una evolucion de l'umanitat qu'acepta pus las injustices e los messonjas.
Dins tot aquò chau pas oblidar que los partits politics, a començar per los partits comunistes e lo Vatican que se se son trobats manipulat per los qu'an de l'argent e dominat per la Finança. Las organisacions que se disan umanitarias , ecologicas o autras fan parier e an una part de perversitat.
Dins pauç de temps la vertat vai se saubre. En esperar mesfiam nos e oblidam pas que la perversion se cata au nom de la libertat, de la justiça, de la democracia. Reclamar una mondialisacion per far lo ben es pervers perque es una idéia daus poderos per sauvar lòr peu. D'alhors fau pas voler far mas reclamar d'esser uros.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari