CAPCALERA: PAIS INVISIBLE
CAPÇALERA2: AMICS DE JORNALET

Jornalet, gaseta occitana d'informacions

Diluns, 6 de febrièr

André Clement

Dimenge, 22.1.2023 03h00

La Pòsta sens Pòsta!


Comentaris Pas cap de comentari    
Dolent Fluix Bo Molt bo Fabulós (4 vòtes)
carregant En cargament


Andy Mitchell




L’autre jorn, per curiositat, anèri far pinchon sul sit de la Pòsta. Arribat, tombèri primièr sus la botiga. Aquí i se pòt crompar de sagèls, de tilhetas, d’envolopas, de cartas... aquò rai! Mas prepausan tanben d’estampairas, d’escanèrs, de “high” informatica, de forniduras de burèu, de cofrets presents e mai d’aparament de la Covid 19.
 
Lo corrièr ven aprèp la botiga. Aquí tanben un molon d’intradas: sagèls, tilhetas, vinhetas, envolopas... Puèi: activar mos servicis, localizar un punt de contacte de la Pòsta, recèbre un corrièr, conselhs e astúcias. Passam als paquets, als còlis. Un molon d’intradas prepausadas coma pel corrièr. L’òbra de la Pòsta, normal!
 
Ne venem a la mudason e a la reexpedicion del corrièr. Transferir son corrièr per un temps, per totjorn. N’arribam a l’intrada: comandar nòstres produchs per mudar. E aqu te prepausan, coma las agéncias de mudason, de te vendre de cartons, de kits de mudason, de films de proteccion amb conselhs e astúcias a la clau. Estranh, non!
 
Arribam als servicis de la vida quotidiana. En primièr, los servicis per tota la familha. Començam pels joves amb corrièr en linha amb una pub qu’acompanha cada intrada: “Mandatz vostre corrièr en linha sens engana entre doas estòris”. 200 modèls de letras administrativas son prepausats. Tot es alestit, just de completar l’espaci verd entre croquets dins la letra e causir una formula de politessa demèst las nòu previstas. Puèi: “Ma French bank” amb “Digatz jamai: “Auriaí degut partir quora èri jove!” En seguida lo “Pass jove de la banca Pòstala” amb l’eslogan “Melhor qu’un chèck un còp de man vertadièr!”. Perseguissèm amb l’assegurança abitacion joves: “Ane! Degús vos demandarà de recaptar vòstra cambra!” E acabam pel: “Prèst personal estudiant e aprendís” amb: “Per un còp, anatz aimar visar lo zerò!” Susprenent, non!
 
Descobrissèm que se pòt passar lo còdi de la rota amb la Pòsta e que caduna e cadun pòt fargar son “IN” son identitat numerica. L’intrada “servicis per tota la familha” s’acaba aital. Pasmens dins la familha, segur, i a los joves mas i a tanben los mens joves e los mai vièlhs. Aviam pas butat pro luènh la legida que justament, aprèp, ven l’intrada pel seniors. Mas, entre los joves e los vièlhs, res! Los an oblidats!
 
Passam a l’intrada seniòrs, fa pus polit que vièlhs. Just aprèp la teleassisténcia, visita del portur. Aprenem, qu’en pagant, un portur pòt venir passar un momenton amb un annadit un còp per setmana. Aprenem tanben que la Pòsta pòt vos liurar drechament potingas, repaisses e masquetas Covid. Espectaclós, non!
 
Arribam als servicis a l’ostal amb entretenh e prodèl per far lo dedins, alisatge a domicili. La Pòsta pòt vos ajudar a bricolejar, ortolejar... e que te sabi encara! E puèi la Pòsta pòt tanben vos far estalviar d’energia. Tot aquò es plan polit,se podètz arribar sul sit, mas se sètz pas brancat numeric, anatz-vos passejar!
 
Coma un chòt, pensavi que lo trabalh primièr de la Pòsta èra lo corrièr. Me soi enganat. La Pòsta o fa tot, tot, tot... e lo corrièr ven aprèp. Pareis que lo portur passarà pas pus cada jorn mas un còp cada dos jorns. Aurèm lèu, s’avèm pas ja, una Pòsta sens Pòsta!
 
 
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OC Brigada

Perfil

Las mai...


Mai d'articles

Archius




D'autres articles


Jornalet, gaseta occitana d'informacions