CAPÇALERA2: FAI-TE SOCI

Jornalet, gaseta occitana d'informacions

Dijòus, 17 de genièr

Andrieu Abbe

Dimècres, 9.1.2019 03h00

Rugbi e Patriotisme


Comentaris 11 comentaris    
Dolent Fluix Bo Molt bo Fabulós (5 vòtes)
carregant En cargament





Etiquetas
abbe, rugbi

Èri tancat lo 29 de decembre davant ma televisien per veire la partida de rugbi dau Top 14
 
USAP Perpinhan contra ASM Clarmont. Per un cop la trasmissien era a gratis, sus C8, de costuma cau estre abonat a Canal+ per seguir lo Top 14. Si jugava la sardana “la Santa Espina” (mi sembla, pas segur) dau temps de l’intrada dei jugaires de Perpinhan vestits dau malhot “colector” coma si ditz: sanc e aur emé au damont un triangle blu, lei colors dau drapèu catalan que vesem d’en pertot per carrieras dau Principat de Catalonha. Mi cresieu sus un pelenc de Girona, Lleida o Barcelona, mai nom eriam sus l'estadi Giral dins lei Pyrénées Orientales.
 
L’ USAP an perdut pecaire mai emé onor. Clarmont an mai de sous que lei cans an de nièras graci a Michelin e si crompon lei melhors jugaires.
 
Lo patriotisme catalan de l’USAP a ges d’equivalènt en cò dei uech equipas occitanas dau Top 14. Pasmens, vesèm ara de polidei marcas “d’occitanitat” que vesiam pas encara li a mens de detz ans. A Tolosa e Castras, d’annadas en annadas lei drapèus me la Crotz de Venasca son de mai en mai nombrós au mitan dau public e mai d’un còp ai ausit cantar “Aquelei montanhas”.
 
A Tolon, avans l’intrada dei jugaires dau RCT, si canta la “Coupo Santo” au mitan dau terren, mai lo monde esperon lo “Pilou- Pilou”, especialitat tolonenca, qu’un tolonenc pintat a la maòri brama dins un micro.
 
Leis uns diràn qu’aquelei marcas son ren de mai que de folclòre regionau per faire polit. Leis autrei, ne’n fau part, sabon que son una volontat de gardar nostre eime dins una França e una Europa que s’uniformizon.
 
 
 

 


abonar los amics de Jornalet
 



publicitat



Comentaris

11 de genièr 21.33h

#10 L'i a mas que l'occitan es una lenga subordinada, dins una situacion mai que precària, e que Papioli/Lachaud fai de las errors que las li am desjà fachas remarcar mai d'un còp (sens jamai l'insurtar totparier). E puei, l'i a de las errors d'ortografia (aquò passa) mas l'i a de las errors de lenga (morfologia subretot) que tòrnan chasque còp (sens parlar dau contengut mas quò-quí, qu'es un autre problema, fai ben coma vòu). Sei p'unpiau (ultra)normalizator mas, totparier, la lenga, ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

11 de genièr 10.53h

#9 Quand èri mainatge nòstres vesins avián un vailet vièlh que quand li reprochàvan d'escarraunhar lo francés respondiá : "Je parle comme je poude !". Me sembla que deuriam reservar las criticas als ultranormalistas qu'an apresa la lenga dins los libres e que la voldrián ensenhar als que l'an totjorn parlada. E que los occitans que fan de comentaris, qu'an pas totes faches d'estudis segondaris, que son pas totes membres de l'Education Nationale al contra de la pus granda part dels occ... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

10 de genièr 19.25h

Papioli, me plai pas de far lo gendarma linguistic mas coma Lemosin, vòstra pròsa me fai despiech, es clafida d'errors, entau podriatz benleu, si zo voletz ben, far atencion a la qualitat de vòstra lenga(?) :
ieu, tanben canta > ieu tanben chante (o canti si voletz)
canson > chançon o cançon
Saint-Etienne : la forma recomandada es Sant Estève mas coma sei gaire subrenormalizator, m'es 'vís que Sent Etiene se podriá queraque acceptar coma forma populara mas pas "Etiena"
Vezera > Vesera
M... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

10 de genièr 16.54h

Subjonctiu/indicatiu present de la conjuga en -ar
Sembla desirable que le subjonctiu se differencièsse del indicatiu a totas personas, mais sembla qu'es generalizat sonqu'a la tresena del singular, e que se prend la forma subjonctiva a l'indicatiu en parlars que i'a.
Le gascon barrèja pas las formas, finala d'indicatiu en A, finala de subjonctiu en E.
E inversament per quant als vèrbes en -er/re: metre...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

10 de genièr 16.14h

L'important es l'emocion collectiva...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de genièr 18.23h

#5 Un còp èra i avia envolopas amb'una mapa d'occitània al revers, es benlèu quicòm de simple e justament aisit de fabregar, sufís d'aver word e de prener una mapa dels parçans de jornalet.
Per word cal far servir "Publipostage"... ai ensajat de fargar un model, l'ai pas enquera estampat ma me sembla aver bona cara...

Un imatge val milas mots !


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

9 de genièr 15.07h

#3 De fach, ailàs, soi ben plan solide que per la mager part dels suportaires, Occitània es pas qu'un pais
fumaros que se calquaria sus un Rugbistan aitan fumaros, amb de termièiras fantasièirosas, qu'aniria benlèu de la Mar Granda al Vidorle amb qualques relais de colonisacion esportiva en Alvernha e Provença ( e una colonia de poblament a Paris). E alara!, quin copament de cap amb Perpinhan qu'es dins aquel Rugbistan , qu'es en Oxitany administrativa, e que lo monde i se dison enc... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

9 de genièr 11.11h

Mai ieu, tanben canta "baissa-te montanhas" mas zo canta per ma mia qu'es a ST-Etiena. Sei nascut dins lo Limosin sur lo bòrd de Vezera mas l'òm i coneis pas tròp la canson.
Per venir en Limosin, dempuei St-Etiena ma mia pren lo remonte-pente tresqu'enz-a lo Mont Dore e d'aqui l'òm vei tota la comba de la riviera Dordonha tresqu'en-z-a Bordeu e tresqu'en-z-a las pireneus e Pau. Alaidons dise: aqui es mon pais; aqui es Occitania. Quantben de vilas dau sud son anadas jugar dins lo Massif-Ce... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de genièr 11.11h

Mai ieu, tanben canta "baissa-te montanhas" mas zo canta per ma mia qu'es a ST-Etiena. Sei nascut dins lo Limosin sur lo bòrd de Vezera mas l'òm i coneis pas tròp la canson.
Per venir en Limosin, dempuei St-Etiena ma mia pren lo remonte-pente tresqu'enz-a lo Mont Dore e d'aqui l'òm vei tota la comba de la riviera Dordonha tresqu'en-z-a Bordeu e tresqu'en-z-a las pireneus e Pau. Alaidons dise: aqui es mon pais; aqui es Occitania. Quantben de vilas dau sud son anadas jugar dins lo Massif-Ce... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de genièr 09.46h

Remarca sul "Se canta" :
Osca a Montpelhier Rugbi - per sa bona interpretacion........ lo TFC faria plan de corregir l'imne que fa butar al monde pels seus rescontres e que, ieu, m'escarraunha las aurelhas: " Se canta, que cante "
difusat e représ en "SE CANTo, QUE CANTo" al luòc de " SE CANTo que CANte" .
E aqui tot lo monde de reprene la forma erronèa, sens respècte per la lenga.
Aquò's pas qu'un exemple - e n'i a maites , de la reutilisacion de la lenga dins una perspectiva ... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Andrieu Abbe

Andrieu Abbe logo rss

Jornalista e païsan, militant occitan e viatjaire

mai d'informacions

contactar l'autor

Las mai...


Mai d'articles

Archius




Etiquetas

abbe   rugbi  

D'autres articles


Jornalet, gaseta occitana d'informacions