CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimenge, 25 de setembre

Benedicta Bonnet

Dissabte, 11.12.2021 03h00

Textes breus: La ’jaça


Comentaris Pas cap de comentari    
Dolent Fluix Bo Molt bo Fabulós (10 vòtes)
carregant En cargament


La ’jaça, engueras la ’jaça, sens s'esmalir, a se ’prueimar, que, un pauc espinga, de ren a pas paur, sur ’na codena mai que mai d'erba rasa, tant la chalor, de mes en mes, l'i fai perdre son verd quante la terra a set!
 
La ’jaça, a-’la set?
Chercha-’la lo gaulhier, o ben tot quauqua meitat plena selha?
Sap-t-un?
 
La ’jaça sec benleu sa set, en quauqu'un luec, o quauquaren entau que tròba en dire, dins sa rauba negra e blancha, a pluma bluia, au rebat dau prumier solelh dau Levant que poncha.
 
La ’jaça ’visa. La ’jaça a sos uelhs per veire, ensús coma debàs.
 
La ’jaça se desvira, gran engraupida, p'un piau engòtja.
 
Se revira deçai, delai, de sa quita testa emb sos dos uelhs, coma de son eschina, aura enançada, enjaluncada a las gentas peiras de l'escura esbolhada, rasís lo rumegier.
 
La ’jaça sap plan que, aquí o alai, ’la tròba, son beure coma sa grana, rasís l'esbalet dau “crestian”, dins lo ’sieton esgat sur la marcha, per la pola, lo jau, a l'auseu que passa; coma tròba son aiga, mai que mai a la gaulha de glesa dau bac, que la vacha a fach, aus cròs eissigats de sas pesantas pautas: deversada, boirada, au borrilh d'estiu bonhada.
 
La ’jaça banturla, s'esmaja, e se'n tòrna ’trapar sa volada.
 
 
 
 
abonar los amics de Jornalet

 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Benedicta Bonnet

Benedicta Bonnet logo rss

Escrivana en poèta. A la fin dels ans 1990 tornet descubrir la linga qu'aviá auvit tota son enfància e comencet d'escriure sos prumiers textes en occitan

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions