CAPÇALERA: Eth Ligam occitan Youtube

Jornalet, gaseta occitana d'informacions

Dimenge, 5 de julh

Bernat Bergé

Divendres, 21.2.2020 03h00

Dormir coma un nenet


Comentaris 4 comentaris    
Dolent Fluix Bo Molt bo Fabulós (4 vòtes)
carregant En cargament


Vivèm una epòca estrambordanta e cada jorn, a la lutz d’estudis novèls sul nòstre biais de viure, suls nòstres besonhs los mai naturals, sul foncionament del nòstre còs e del nòstre esperit, los sabents, los inventors puèi los industrials nos encaminan totjorn mai cap a la benaürança, a la felicitat, al melhor viure, a una vida paradisenca.
 
Entremièg d’aqueles estudis, ne faguèron un sul sòm. La tecnica de breçar los nenets per los endormir mai viste, l’ensajèron suls grands e s’avisèron que la breçadissa fasiá venir mai aisidament l’endormir dels adultes. Mas s’avisèron tanben qu’una persona breçada quand dormís a un sòm mai prigond, e mai recuperador.
 
La conclusion es aisida de trobar. Per passar una bona nuèit, s’endormir viste, dormir coma una turra, se desrevelhar lo maitin, espompit, fresc e galhard, sufís de se crompar un lièit breçaire.
 
Aprèp aver ausit aquela informacion gaitèri sus la tela las aplicacions que i aviá sul mercat, e coma los prètzes son pas de colhonadas —de 3000 a 4000 èuros pas que pel
saumièr—, decidiguèri d’anar en vila per melhor me mainar d’aquela novetat.
 
En sortent del metrò, dins la cantonada d’una pòrta, un paure miserable dormissiá sus un carton, capelat d’una traça de cobèrta. Me rapelèri, qu’un còp èra, qu’aquel paure monde qu’apelavan los colca-vestits, disián d’eles qu’èran sus la palha.
 

— Tè, me diguèri, ara son sus de cartons.
 
E me demandèri s’èra un progrès e s’èrem per de bon dintrats dins la modernitat e en camin cap a l’Òrt d’Eden.
 
 
 
 
abonar los amics de Jornalet
 
 

 



publicitat
BANER1: AOF



Comentaris

22 de febrièr 07.38h

#2
E alavetz se vòs far repolit, plan atrencat, lo capèl e la cravata ambe la talhòla, diràs ai dromit tà un glire.
Lo glire es le loir


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

21 de febrièr 16.54h

#2
òc ben se dis tanben coma una turra, la turra es "une motte de terre"
se dis tanben coma un turle un turle es tanben una (motte de terre).


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

21 de febrièr 13.05h

Polida casuda...
Sabiai pas "dormir coma una turra", sonque dormir/dròmer coma un(a) soc(a), cèp(a), un tèrr(i)èr...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

21 de febrièr 11.21h

Dormissetz plan ambe Valeriana

Valeriana officinalis 9CH


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions