CAPCALERA: la botiga

Jornalet, gaseta occitana d'informacions

Dimècres, 20 de genièr

Bernat Bergé

Divendres, 27.11.2020 03h00

Terralha decorativa?


Comentaris Pas cap de comentari    
Dolent Fluix Bo Molt bo Fabulós
carregant En cargament


La Ministra Encargada alprèp del primièr Ministre de l’Egalitat entre las Femnas e los Òmes, de la Diversitat e de l’Egalitat de las Probabilitats, declarèt dins una entrevista qu’èra pas al governament per far de la terralha.
 
Plan segur que seriá malvengut qu’una Ministra, en plaça de s’ocupar dels dossièrs que n’a la carga, passèsse lo temps a pastar bart e a far còire ceramica, coma a far de tricòt, de dentèla o de brodariá. Al mens que la Ministra se siá enganada, qu’aja ajustat una preposicion de tròp e qu’aja volgut dire far «la» terralha en plaça de far «de la» terralha. Dins aquela ipotèsi, li caldriá demandar de precisar de quina terralha s’agís: una dorna (cruche en francés, que designa una persona nècia e que l’equivalent occitan n’es coja o padena), o un santon (potiche en francés que designa una persona que li talhan una plaça onorifica, qu’es aquí per far polit, pel decòr, mas que servís pas a res).
 
Mas puslèu que d’utilizar aquela metafòra del domeni de l’activitat umana, n’auriá pogut utilizar una autra mai ligada a la natura, e dire que voliá pas èsser pas qu’una planta verda (planta grassa estant a evitar). Aital, se seriá situada mai dins lo pensament ecologica del moment que vòl afichar lo governament, e se seriá mai sarrada de la Ministra de l’Environament.
 
Qué que ne siá, la Ministra deu aver en memòria coma totes los ciutadanas e ciutadans del país, que, fa pas gaire de temps, un Ministre, lo jorn que s’avisèt qu’èra pas mai escotat qu’un santon o qu’una planta verda, quitèt lo governament en fasent tustar la pòrta.
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions