CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Bernat Bergé

Divendres, 15.7.2022 03h00

Un estug pel bracamard


Comentaris Pas cap de comentari    
Dolent Fluix Bo Molt bo Fabulós
carregant En cargament





Àudios Un estug pel bracamard (MP3, 2' 45'')

Escolta audio

Un estug pel bracamard (MP3, 2' 45'')

Escolta audio


Al cors d’una serada festiva, tres amics normands que benlèu avián tròp quichat sul calvà, venguèron a parlar de l’injustícia qu’aclapa los òmes: se las femnas se pòdon causir diferentas mesuras per s’embarrar los atraches dins las bonetas del sosten, los òmes, eles, son condemnats a se plegar los afars dins una pòcha cangoró de mesura unenca, e los pauròts que Natura es estada generosa per eles s’i trapan plan a l’estrech.
 
Aital lor venguèt l’idèia —se ditz que l’un d’entre eles èra dins aquela situacion— de crear un boxer especial pels que se trapan lo patrimòni tròp quichat dins los sota-vestits del prèst a portar masculin. Aquel boxer prendriá en compte la mesura de «la vòstra flaüta a mostacha, que siá umila o impausanta per n’acabar ambe aquela situacion que truca lo masclumin».
 
E perlogament de çò qu’èra a la partença una galejada, balhèron lo nom de «bracamard» (espada corteta de l’edad mejana mas tanben...) al sota-vestit que prepausan en cinc torns de talha e sustot doas mesuras de pòcha: lo vertuós (estandard) e l’impetuós (30% mai grand). La campanha de prevenda entemenada a la debuta de junh es fòrça prometeira e los tres entrepreneires soscan jà a l’etapa seguenta que serà la creacion d’un malhòt de banh, d’un eslip e d’un calçon.
 
Mas dus ans e mièg aprèp la debuta de la pandemia, abarreja los efèctes segondaris ligats al covid, d’unes poirián los carcanhar: se mai d’un òme se dison tocats per disfoncionaments erectils que duran mai o mens longtemps aprèp la malautiá, un pecic d’autres se planhon d’un restrechiment del penís (de prèp de 4cm). Se aquela anomalia se confirmava, la jovena entrepresa normanda poiriá conéisser dificultats. Ça que la, per las subremontar poiriá prepausar calçons que presentarián un bòça de sòmi... en silicòna.
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions