CAPÇALERA: IEO09-01
CAPÇALERA2: Botiga

Jornalet, gaseta occitana d'informacions

Dijòus, 1 de decembre

Cristina Barnier

Dimècres, 29.6.2022 03h00

La June Ğ Moneda Liura (2a partida) seguida


Comentaris Pas cap de comentari    
Dolent Fluix Bo Molt bo Fabulós
carregant En cargament





Seguida de l’article publicat sus Escambis en Òc (19.01.2022) e sus Jornalet (22.02.2022).

  
 
Istoric de mon percors amb la June:
 
1) D’en primièr, coma se dèu, ai dobèrt aisidament un compte, que se ditz un “compte pòrtafuèlha”.
 
Tre qu’es fach, podèm recebre de junes dins los “g-mercats”, en presencial; o dins lo siti “g.change*”, en seguida a diversas ventas, al prèp de junistes. Sembla un pauc a ebay. Mas, se las ventas son per totes los membres (pòrtafuèlhas e certificats), las compras son reservadas als membres certificats.
 
Se fan totjorn sonque en junes, pas en euros.
 
https://www.gchange.fr/#/app/home
 
2) Uèi, per ieu, es un grand jorn!
 
Soi certificada! Mon compte pòrtafuèlha es vengut un compte certificat.
 
Ièr, aguèri la 5a certificacion.
 
Çò que trobèri lo mai dificil del percors: trobar las 5 personas ja junistas, de coneissança, dins de luòcs de vida geograficament diferents. Mas cal que las personas nos conescan e nos fagan fisança per nos certificar. Es un mal necessari, per la fisança entre totes. Se pòdon encontrar aquestas personas, dins son entoratge, dins d’acampadas sus la June, o dins de “g mercats”.
 
Per mon peculi, vaquí cossí ai començat:
 
Un pichon present de mas “mairinas certificairas”...Mercé a elas, qu’aquò es pas una obligacion! 
 
E uèi, coma previst, la DU (Dotacion Universala) quotidiana de 10,52 junes que tombarà cada jorn, sonque perque soi un èsser  uman, e en vida! Quin bonur! L’èsser uman al còr de la finança!
 
L’eslogan que me ven ara que soi dins aquela dralha : “Nòstras vidas valon mièlhs que lors profièches!” Ai una prigonda consideracion envèrs aqueste sistèma (e son creator), qu’a pas res de veire amb la moneda “rapiaunaira” de las bancas, fixada sul dèute!
 
Uèi, lo 14 d’abril, ne soi a 61,53 junes! Es una pichona debuta! Per mon peculi, vaqui cossi ai començat:
 
Un pichon present de mas “mairinas certificairas”...Mercé a elas, qu’aquò es pas una obligacion! 
 
E uèi, coma previst, la DU (Dotacion Universala) quotidiana de 10,52 junes que tombarà cada jorn, sonque perque soi un èsser  uman, e en vida! Quin bonur! L’èsser uman al còr de la finança!
 
L’eslogan que me ven ara que soi dins aquela dralha : “Nòstras vidas valon mièlhs que lors profièches!” Ai una prigonda consideracion envèrs aqueste sistèma (e son creator), qu’a pas res de veire amb la moneda “rapiaunaira” de las bancas, fixada sul dèute!.
 
Uèi, lo 14 d’abril, ne soi a 61,53 junes! Es una pichona debuta!
 

Mèfi: se pòt, e se dèu dobrir, un sol compte “certificat”, per persona!
 
Conselhs: abans de certificar qualqu’un digna de fisança:
 
— Verificar que la persona a pas ja, un autre compte certificat.
 
— S’assegurar qu’a plan las 5 personas certificairas que la podon certificar  rapidament, per pas que siá blocada per d’autres afars en cors...Lo delai es sonque de dos meses.
 
— Conéisser las debutas de sa clau publica, per pas certificar qualqu’un d’autre, amb lo meteis pichon nom, e blocar tot lo bon derotlament.
 
— Cossí far quand sètz prests? Anar sur Cesium, dins sas propris certificacions. La flècha  de drecha dona accès a la seguida per certificar la novèla persona, un còp qu’es reconeguda pel logicial .
 
Esperar 5 jorns abans de lançar una autra certificacion.
 
Un grandmercés a tota la còla fòrça simpatica e amistosa, sens doblidar: Catherine, Jean-Luc; e Agnès, qu’organisèt la darrièra acampada June, en cò sèu!
 
Mercé a Liliana per son acompanhament indefectible!
 
 
 
 abonar los amics de Jornalet

 


 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Cristina Barnier

Cristina Barnier logo rss

Cristina Barnier es regenta a la retirada. Menina de 3 felens, es reconvertida en contaira occitana, mas tanben fa de poèmas e haikus, d’aquarèlas, de poèmas afichas

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions