CAPÇALERA: CURSOS CAOC

Jornalet, gaseta occitana d'informacions

Dijòus, 24 de setembre

Dàvid Grosclaude

Dimècres, 3.6.2015 23h00

Qu’arrèsti la mea accion pr’amor qu’èi obtiengut çò que demandavi


Comentaris 12 comentaris    
Dolent Fluix Bo Molt bo Fabulós (13 vòtes)
carregant En cargament


Que soi urós d’anonciar a tots los qui m’an sostienut desempuish ua setmana qu’an ganhat ua victòria. Lo document qui demandavi desempuish lo 27 de mai que m’ei arribat a 19h30.
 
Qu’ei un document adreçat aus presidents de las duas regions Aquitània e Miegjorn-Pirenèus devath la fòrma d’ua letra signada deus dus ministres de l’Éducacion e de la Cultura. Dens aquesta letra qu’ei indicat que l’Estat s’engatja a autorizar la creacion de l’Ofici Public de la Lenga Occitana e que s’i associarà.
 
Efectivament serà dens l’OPLO. Que vòu díser que participarà au son foncionament e au son finançament a costat de las regions. Qu’ei un element que n’avèvam pas podut obtiéner abans la vòsta mobilizacion.
 
La letra que precisa que l’OPLO serà creat abans la fin de l’estiu.
 
Qu’ei la pròva que quan nos amassam entà demandar çò qui ei devut a la promocion de la nosta lenga qu’ac podem obtiéner.
 
De segur que soi estat obligat d’emplegar un mejan d’accion hòrt. Qu’ac èi hèit pr’amor que i èri obligat, considerant qu’avèvi utilizat tots los autes mejans classics.
 
Que retieni d’aqueths dias, ua mobilizacion shens comparèr dab tot çò qui ei conegut. Que m’a tocada au còr la reaccion de totas e tots los qui m’an sostiengut.
 
Que preni donc la decision d’arrestar la mea accion puisqu’èi obtiengut tot çò que demandavi.
 
Que demoran hòrt de combats a miar. Qu’avem provat que n’avèvam la capacitat.
 
Que demandi a’us qui pòden de viéner doman dijaus 4 de junh a 16h30 devant lo Conselh Regionau d’Aquitània entà hestejar aquera victòria en favor de la lenga nosta e de la politica decidida per duas regions occitanas qui an pres consciéncia de la lor responsabilitat en aqueth maine.
 
Que rasseguri enfin los qui’s preocupan de la mia santat. Ua setmana shens s’alimentar qu’ei long mes non pensi pas que i agi consequéncias negativas. Que vederèi autanlèu doman un mètge e que harà un bilanç.



publicitat
BANNER1: IEO Arièja



Comentaris

26 d'agost 12.52h

Quò fai de temps que z-o voliá far... adonc marcés, un grand marcés 'bei tu! Crese qu'ara, se lu notre president parla de la signadura de la "charta de las lingas minòritarias", qu'ei a tu que lu devem... pardeque crese pas jamai au azard en politica! Pasmens, sabe pas se questa charta channharà quicòm a la situacion de la notra linga, mas d'au men pense qu'aquò pòt montrar la trista realitat au monde par que se balhan-garda qu'ara z-es notra darreira chansa de la sauvar d'aban que si... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

6 de junh 01.06h

Òsca Dàvid !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 de junh 08.04h

#9 Legiràn Lo Jornalet ! D'aqui que cal una pujada en potencia de Jornalet.
Benlèu que legisson pas la premsa estrangièra mas o deurian....


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de junh 21.31h

#7 e # 8

E lo pòble dei territòris occitans, cresètz que legisse frequentament lo washintong post o lo Guardian o Avui? O qu'agacha de mèdias autres que lei en francés, e massisament??


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

4 de junh 14.17h

#7 La premsa parisenca es d'un band afrancimandida d'un autre band subvencionada per l'estat....
Libertat de premsa libertat de premsa.....
Val mai anar legir lo washintong post o lo Guardian.. Son brica subvencinats, an una etica jornalistica e de carisme.
Tot çò que manca a la premsa francesa.
Alavetz se cal pas estonar de tròp. D'un autre band cal pas crèire que la premsa francesa posquessa se botar en plaça de la premsa Occitana....
Nos cal aumentar la premsa occitan


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

4 de junh 12.34h

#6 "-Segon problèma, lo que pausa montanhol. La locha de DG s'ameritava un passatge au 20 oras nacionau. E d'articles, entrevistas etc. sus Libé, le FIgaro, le Monde etc. O a pas agut. Ai ren contra la Republique des Pyrénées e sio segur que los republicans pirenencs se congostan a la lectura d'auqelorgan. Mas es un pauc estrech, non, question impact mediatic ?" : d'articles a Barcelona, res a París. Ont es nòstra capitala vertadièra?


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

4 de junh 11.49h

#4 Excellentas questions. Penso que totes nos rejauvissèm dau succès de David ; de politics que dinqu'aüra s'èran pas trop bolegats o an fach, e vesiblament a ajuat desblocar la situacion. Per l'avenir, nos chal aüra nos pausar quauques questions, en bilanç de ço que s'es passat :
-Sus l'OPLO, l'i a de questions, qu'an pausat finda de mond qu'an sostengut l'accion . Una entre autras : l'impact de la reforma territoriala NOTRe. L'OPLO premiera maniera èra entre Aquitània e Miegjorn Pire... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

4 de junh 09.36h

Ieu vòli dire a Dàvid Grosclaude un gigant mercés.
Dempuèi una setmana me donèt un sentiment de fiertat immensa.
Me donèt de fòrça, de coratge e lo sentiment d'una dignitat imbrandabla.
Qué dire de mai?
òsca Dàvid!


Valora aquest comentari:   votar positiu 19   votar negatiu 1
Respondre comentari replica Comentari inadequat   Formulari d'abús de comentari

4 de junh 08.55h

Veguèro pas, sabètz s'i aguèt de ressons de la cauma de la fam per l'occitan dins los mèdias al nivèl de l'estat francés, mèdias parisencs ("mèdias nacionals")?
La populacion de la "França de'n bas" o saupèt sus Tf1, France television, M6, etc.?

Senon, lo govèrn a reagit sus la question occitana oficialament o es solament via los 2 ministèris concernits -dins un ròtle de "fusibles"- avans una extension dal moviment mai ampla ancara?


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

4 de junh 08.45h

#2 E de val la paraula e la signatura de l'estat ???.... Qu'un nivèl de fisança ??


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Dàvid Grosclaude

Dàvid Grosclaude logo rss

Jornalista e politician. Participèt a la creacion dels primièrs programas de France 3, Ràdio País e La Setmana entre d'autres. Es delegat a la politica lingüistica en favor de las lengas basca e occitània al Conselh Regional d’Aquitània.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions