CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Eric Roulet

Dimècres, 29.5.2013 03h00

Organisar la solidaritat occitanista


Comentaris 9 comentaris    
Dolent Fluix Bo Molt bo Fabulós (15 vòtes)
carregant En cargament


“Ganharem coma sem los mens fòrts.”
Marcèu Esquiu
 
 
Fin de l’annada escolara dens lo sud de Gironda. Lo projèit de classa bilingua es en dangèir: a maugrat que i age de cap a 20 familhas volontàrias, l’oposicion daus regents e lo flaquèir admnistratiu, s’an alaissat la comuna.
 
Que héser? Digun dens lo vilatge vòu pas portar la guerra pr’aquò, milhor de deishar…
 
Silenci occitaniste… Mes qui es au hiu de la causa?
 
Medisha annada e medish parçan: son amenaçats los cors d’occitan de tres collègis, per manca de professors competents (nos disen) e pr’amor dau flaquèir administratiu. Los mainatges s’alaissan: quan tot es hèit per que  las causas cabussin, pòden pas mancar de cabussar.
 
Que héser? Son chic de pairs qu’ensajèren de pausar lo problema, mes la docilitat en tot purmèir. Digun vòu pas portar  la guerra pr’aquò, milhor de deishar…
 
Silenci occitanista. Mes qui es au hiu de la causa?
 
Me senti un gost amar dens la boca: dempui tant de temps que miam batalha per que los dròlles puscin descubir la cultura nòsta.
 
Jo, pensi aus professors vielhs, que i a pausa, apitèren aqueths cors dab lo còr e l’estrambòrd. Quan deishèren, l’administacion avè creat los diplòmis, nomenat los professionaus, tot anava com fau… Alavetz, perqué donc pensar a seguir la mobilizacion? Èra vinut lo temps de la retirada.
 
Passèren las annadas, e tot contrapoder se desbrombèt. Quan tot s’angut a demesir, damorèt pas sonque lo silenci.
 
Solide sem pas los sols e los problemas de l’ensenhament son pas tanpauc los sols de se pausar. De pertot, las davançadas son mauaisidas, de pertot las conquistas passadas son en dangèir. De pertot los problemas damoran dens lo locau e digun ic sap.
 
Son pas sonque los occitanistas que puiran deféner la cultura nòsta, mes encara fau que passin las informacions e que se puscin organisar las reaccions.
 
Los que viven a l’endrèit on se pausan los problemas an tostemps hòrt de mau de miar batalha: lo dangèir es gran quan la vita-vitanta pòt estar tocada. Es sovent mei aisit de lunh enlà de portar la protèsta o au mens d’organizar la solidaritat.
 
Lo teishut associatiu passat a viscut. Tornaram pas apitar las estructuras de 20 ans enlà. Mes lo monde de uei, lo monde de la comunicacion e d’Internet indusit una logica navèra. L’informacion pòt passar en un clinhat d’un canton a l’aute d’Occitània: perqué pas apitar un hialat d’escambis on cadun puiré explicar los problemas e damandar ajuda?
 
Tres vias possiblas per ajudar:
 

– Héser passar l’informacion de cap aus responsables complicis: de las associacions a la premsa e aus politics complicis.
 
– Intervenir directament per corric: es chic de temps de passar e son centenats de questions pausadas qu’amuishan localament que lo problema es generau. I a sovent un esfèit de suspresa  e de tot biais un sosten aus que son sau tarrenc.
 
– Assegurar los que son dens la batèsta de la solidaritat de tots.
 
Amassa puiram tot se disèva i a pausa: nos fau trobar un naveth biais d’estar amassa…



publicitat
BANER1-2-3: DGPL DICTADES



Comentaris

30 de mai 19.09h

Tà çò qui ei d’interviéner per corric : òc-ben, mes que’ns caleré balisar drin la via, quan ne seré qu’en nos balhar l(as) adreça(s) que i cau escríver.
E ua letra-tipe, de copiar-pegar o de parafrasar, qu’evitaré que ns’esbarríssim dens las nostas formulacions (n'avem pas lhèu tots l’esperit de sintèsi).

#1 La peticion Avaaz tanben qu'ei ça'm par ua bona faiçon de mobilizar lèu-lèu e aisidament.
En passant, malaja, pesticidis shens dangèr tà las abelhas, be m'es... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

30 de mai 12.50h

#6 Que demandatz l'ajuda d'"aqueths bearnés" ???


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

30 de mai 10.27h

#6 D'acòrdi per ajudar lei collègas occitanistas de Sud Gironda. Ont se passèt exactament aquela ataca còntra la lenga? A quina data exacta o pendent quina annada escolara exacta? Es possible d'aver eventualament lo nom deis occitanistas o dei professors implicats?


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

30 de mai 09.54h

Mossurs, en lòc de parlotejar de mots e d'autes, anem! bolegatz dròlles!! Ajudatz Gironda de vertat!!!!!


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

30 de mai 09.06h

#4 Ce dit Mossur SociòLingüistica.


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

29 de mai 22.33h

#1 «L'ensenhament -sustot lo bilingüe- que deu estar lo noste prumèr combat dens lo contèxte sociolingüistic actuau.»

Non pas. La sociolingüistica ditz pas aquò.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

29 de mai 20.22h

tres ans de trabalh per l'installar, 3 meses per l'administracion per la barrar... conclusion occitanista : val melhor crear una calendreta !


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

29 de mai 18.16h

Es clar. Ben de situacions que rescontrem cada jorn son citaas. Òc los novèls mèdias dèvon perméter un escambi melhor entre cada region d'Occitània.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

29 de mai 08.06h

L'ensenhament -sustot lo bilingüe- que deu estar lo noste prumèr combat dens lo contèxte sociolingüistic actuau.

Que i a enqüèra ua quatau via: lançar ua peticion sus Avaaz, com ac hasón los deu collègi Révolution de Nimes. Sovent qu'ei hèra eficaç. Enter d'autes exemples recentes la mobilizacion sus Avaaz qu'a comptat hèra dens l'interdiccion (per dus ans sonque, malaja) de daubuns pesticidis dangerós entà las abelhas.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions