CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Eric Roulet

Dimècres, 12.6.2013 03h00

Per l’aunor deu país sosténer… Lo Jornalet au còr de la luta occitana


Comentaris 10 comentaris    
Dolent Fluix Bo Molt bo Fabulós (14 vòtes)
carregant En cargament


“Per l’onor deu país sosténer e per sa dignitat manténer”. Pèir de Garròs
 
 
Son centenats de corrics qu’arribèren a la comuna d’Auròs dempui dus jorns…
 
Lo Rectorat mantenèt la classa bilingua (prau moment), mes en delà, i a una causa de las seguras: avem acabat de plegar l’esquina!
 
Mercèi aus legidors dau Jornalet qu’an mandat la letra, se pòt contunhar tant e tant…
 
Sabem que dens lo vilatge, on pensavan escanar los darrèirs defensors d’una cultura perduda (un punhat de passeistas), esturen hòrt esbaudits de véser arribar de pertot los corrics. E las causas se son reviradas: lo sénher Maire se planhèt que sa comuna passi de cap au monde com vielhassa e regressiva.
 
Es lo quatau còp en Gironda que los regents hésen cabussar un projèit de classa bilingua, per una rason o per una auta: tròben tostemps quauquaren que truca.
 
Fin finau, las maishantas rasons estujan mau la perseguida de las pensadas jacobinas: lo suberviu de la lenga occitana es insuportable! L’egalitat republicana se diu bastir alentorn dau francés…
 
Autanlèu que deisham lo folclòr per soscar politica lingüistica sau tarrenc, los demònis vielhs se desvelhan e la guerra es declarada. Una guerra on se pensan d’aver la legitimitat absoluda, una guerra que nat argument puirà pas jamei trabucar.
 
Qui son los extremistas?
 
Dempui qu’esturen nomenats quauques especialistas mei o mens cargats de la politica occitana, nosauts, los occitanistas, pensavam arribat lo temps dau repaus. Nos falut la cabussada de quate projèits per compréner la trapadèra: per apitar un institut culturau cargat d’estudis, una amassada academica o regionau, un hestenau d’ací e d’alà, digun es pas jamei contra e cadun s’endròm lo còr rassegurat.
 
Mes se parlam de reviscolar la lenga en tot l’aufrir a una còla de mainatges, l’ahar vad seriosa: puiré endralhar una navèra realitat. Se desvelha alavetz lo jacobinisme mei estequit.
 
“Ma prauba!” çò disèvan los vielhs, atau es e es atau!
 
Nosauts, avem comprés: n’auram pas sonque çò que ganharam, e los especialistas auràn de seguir.
 
Me pensi egau que l’ahar d’Auròs es, solide, pas la sola. De pertot se diven cabussar una bèra tropa d’accions pr’amor que digun ic sap o, sordèir que digun s’en maina…
 
Com héser saber a tots? Com tirar de la soletat los isolats de la luta de tarrenc e los i assegurar de la solidaritat de cadun? Com apitar un camin de reconquista adaptat a cada situacion?
 
Benlèu un ròtle possible prau Jornalet? Lo nòste diari puiré aubrir una “linha” dedicada a las lutas occitanistas: cadun s’i contaré e s’i trobaré los conselhs que fau.
 
Atau aquesta règa d’articles guardaré tostemps l’espiada uberta e lo desvelh actiu per deféner la cultura.
 
Enter tots, que puiram tot.



publicitat
BANER1-2-3: DGPL TRADUCTOR



Comentaris

26 de junh 22.33h

#1 E ben, de qu'as a t'esmalir atau? N'avès pas comprés?

Ok, si vòs que vam parlar occitan mes en ne tirant tots los mots qui vienen deu patués :-)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de junh 16.39h

#8 Un media que fonciona sus las ajudas publicas e la publicitat es pas libre e independant.

Après, aquò tira pas ren au respècte qu'èi per lo Jornalet.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

12 de junh 19.48h

#6 Òc, es impossible de viure son occitanitat sens èstre sistematicament secutat per los militants que s'estiman proprietaris de la lenga e del país... Un pete ! Lo Jornalet es un medià d'opinion, liure e independent. Es aquò que m'agrada.


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

12 de junh 19.34h

#5 òc mas se cadun manda d'infos per dire çò que se passa al subjeit dels blocatges per l'occitan en Occitània dins totes los domènis politicoadministratius e a diverses nivèls ierarquics, aurèm una tièra de pròvas que mostraran la realitat del "respiech" de la lenga nòstra.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

12 de junh 19.14h

Me sembla que ja èsser una "gaseta occitana d'informacions" es far òbra de militantisme.

Lo fait occitan essent pas reconegut per l'estat francés, se declarar jornal occitan ja es un acte militant.

E lo militantisme occitan es perfaitament compatible amb la pluralitat e la democracia. Ne son quitament la font.

L'endoctrinament franchimand dispausa de pro de canals de propaganda. Jornalet nos permet de nos desescobilhar lo cervèlh de las idèas exagonalistas que nos entoxican tot lo san... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

12 de junh 15.56h

Pas d'acòrdi. Es pas lo ròtle del Jornalet de venir un organ de las luchas militantas. Al Jornalet, li demandi de m'informar, pas de m'embrigadar.


Valora aquest comentari:   votar positiu 6   votar negatiu 4
Respondre comentari replica Comentari inadequat   Formulari d'abús de comentari

12 de junh 13.39h

"Es lo quatau còp en Gironda que los regents hésen cabussar un projèit de classa bilingua, per una rason o per una auta: tròben tostemps quauquaren que truca."

Es clar. E es lo cas da pertot en Occitània quora s'agisse d'occitan. Lo mendre pretèxte se pòl totjorn trobar per blocar tota la mecanica...
Es coma ambé la polícia, vos cal ren rentrar dins lo colimator d'un agent de l'òrdre public. Perqué senon, coma se ditz : "se trobatz ren, el vos trobarà sempre ce que cal".


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

12 de junh 13.34h

Projèit, òc.
Ò alora cal donar d'explicas desvelopadas e claras per lo public occitanista qu'escriu la lenga sus lo perqué del causir de la forma "projècte", mas "sant" (e pas "sanct").
I a endacòm en Occitània una forma orala [pru'dZETTe] ?

Se es coma "setmana" que se pòt dire [se'mmanO] ok. Se non perqué donca ?
E coma s'escriu "esfintèr", "esfinctèr" ?


Valora aquest comentari:   votar positiu 7   votar negatiu 5
Respondre comentari replica Comentari inadequat   Formulari d'abús de comentari

12 de junh 12.46h

Òsca!!


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

12 de junh 11.30h

Projèit??? Mercé de har convergir au maximom la terminologia abstrèita que deu èster comuna per amor d'en·hortir l'occitan comun


Valora aquest comentari:   votar positiu 3   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Eric Roulet

Eric Roulet logo rss

Creator, compositor e contaire de la companhia de musica occitana Gric de Prat. Pedagòg e especialista en educacion. Es adara musician e professor d'occitan

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions