Dimècres, 29.4.2015 03h00
Ne parlàvem amb l’“ideològ” daus Bonets Roges, Jean-Pierre Le Mat. Ai relegit l’editorial de Jornalet sus la candidatura de Troadec e voudriá soslinhar de verai lo ròtle central d’Occitània e de l’occitanisme dins aquela candidatura.
Coma ja sabètz, la lei francesa demanda que lo candidat amasse mai de 500 signaturas entremèi los 47 000 elegits que i a dins la Republica Francesa, dins un minim de 30 departaments e pas mai de 50 signaturas per departament. En comptant los departaments bretons, bascos, catalans, alsacians, etc., arribam a dètz e sèt departaments. La partida occitana jos dominacion francesa representa 32 departaments. 32+17 = 49, doncas ben en delai daus 30 departaments requerits. S’eliminam los departaments ont la preséncia occitanista es febla, auriam ben 23 departaments ont auriam de cònsols sensibles a la candidatura de Troadec (ben entendut que la part de las signaturas daus conselhèirs regionals e departamentals es febla dins lo total daus 500).
Après tot aqueste discors, ma question es: pensatz que siá possible, per Troadec, de trobar de signaturas d’un centenat de cònsols dins aumens 23 departaments occitans?
E ben, en gròs, la candidatura Troadec depend de vosautres, los occitanistas. Òc ben!
Comentaris
2 de mai 12.49h
Lo noveu president dau conselh departemental de la Nauta-Viena, qu'es totjorn socialiste , a dich : "si lo partit socialiste a ganhat en Naute-Viena e perdu los departement de la Creusa e de la Coresa es deu per una bona part a la construccion de la linha TGV Peitos-Limòtges".
Es lo moment de perpausar un regionalisme a tots los deçauguts de la deicha e de l'esquera. Lo Massif Centrau es una bola au centre de l'exagòne abandonat de tots los costas. Segur que belcòp de mera podran vo... Legir la seguida
Valora aquest comentari:
2
0
2 de mai 10.31h
Bonic, hi si fos a l'inrevès, hauria d'ésser el mès normal món, però encara que siguin pocs: a fer feina!
"Tàrrega".
Valora aquest comentari:
0
0
1 de mai 14.00h
Es una bona question, perqué pas "emancipacion occitana", son pas los Occitans que balòtan ?
Valora aquest comentari:
1
8
1 de mai 13.26h
#4
Qué prepausatz? "Occitània jos emancipacion francesa", benlèu?
Valora aquest comentari:
2
0
1 de mai 12.36h
Ben segur que l'ajuda dels occitans e dels occitanistas serà necessària per la candidatura d'en Troadec.
Per començar cal esperar que los elegits occitanistas amb poder de pairinatge (se ne demòra aprèp las eleccions regionalas de decembre) ja li donaràn lor pairinatge.
Aprèp se la societat civila occitana e los movements occitanistas civils non s'engatjan pas i a pauc d'esper que los elegits lo pairinen. Los movements civils occitans devon votar de mocions, puèi prene lor pluma per e... Legir la seguida
Valora aquest comentari:
3
0
30 d'abril 21.56h
"La partida occitana jos dominacion francesa..." : Benlèu daissar caire aquela fraseologiá escarmalha ajudariá un pauc l'encausa ?
Valora aquest comentari:
0
10
29 d'abril 13.16h
#2 De segur.
Valora aquest comentari:
1
0
29 d'abril 13.00h
Amèi, 'quò's possible qu'i augi d'elugits favorables dens los quites departaments francò-francés !
Valora aquest comentari:
2
0
29 d'abril 09.19h
"S’eliminam los departaments ont la preséncia occitanista es febla".
Es curiós coma reflexion. Una sinhatura es una sinhatura. Vesi pas perqué se porriá pas ne'n trobar au mens una dins cada departament occitan...
Coma que vague, espèri de tot còr que M. Troadec (qu'ai agut rescontrat de viu a l'Ostau dau Pais Marselhés que l'èra vengut secat un gòt en tota discrecion mai amb una interés reau per nòstre trabalh) se podrà presentar.
Valora aquest comentari:
6
0
1
Comenta
Lo comentari es estat mandat corrèctament
9 comentaris
(6 vòtes)
En cargament
9 comentaris
Mandar
