CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 22 de julh

Fabien Lecuyer

Dimenge, 5.5.2019 03h00

A prepaus de l'occitan estandard


Comentaris 28 comentaris    
Dolent Fluix Bo Molt bo Fabulós (35 vòtes)
carregant En cargament


Si Jacme, que viu dempuèi totjorn a Casals (Boriana), que lo papet parlava l’occitan de Casals, comença de parlar l’occitan estandard amb sos mainatges, aquò significarà qu’aurà pas res comprés au sens pregond del combat occitanista
© dvdbramhall




Legissi lo Jornalet dempuèi sa creacion e soi totjorn estonat de legir las reaccions afogadas cada còp qu’es question de l'occitan estandard.
 
Pasmens, los enjòcs son clars: totas las lengas d’estat an un estandard. Mai encara, totas las lengas escrichas de granda difusion an un estandard. Quand l’IEO nacional fa un comunicat es escrich dins un occitan estandard. Mas s'un aborigèn escriu un tèxte dins sa lenga que difusarà a 10 amics, crèa tanben un estandard de fach. E, s'un jorn, un organisme estatal occitan publica una lei, aquesta serà escricha en occitan estandard, pas en 350 dialectes e sosdialèctes. O alara, podètz far coma los romanches, en Soïssa, quand fan un libre lo publican en 5 exemplars, un per cada dialècte! Dempuèi los ans 1980 i a un estandard romanch, lo Rumantsch Grischun, mas i a encara quauques reflèxes provincialistas e l’estandard es pas totjorn utilizat de biais senat, dins la foncion qu’es la sieuna.
 
Per çò que la primièra question de se pausar es: perqué l’occitan estandard? Perqué far un estandard per ço que i a un fum de dialectes intercomprensibles?
 
Per de rasons de facilitat. Pas res mai!
 
Ai pas jamai legit un metòde d’aprendissatge d’occitan; ça que la, imagini que i a pas un metòde per dialècte. L’occitan emplegat dins aquestes metòdes es doncas ja un estandard.
 
L’occitan estandard a de foncions ben precisas: exprimir tot çò qu’es nacional, interdialectal e “despersonalizat”. Domergue Sumien a ben definit lo concèpte ja e soi d'acòrdi amb el.
 
Ça que la, l’estandard a pas de s'apropriar d’autras foncions. Subretot de foncions egemonicas. Per exemple: a la (futura) escòla occitana de Chaucinac es pas l’occitan estandard que serà parlat per la regenta mas lo dialecte auvernhat de Mauriagués, lo dialecte del papet, l’occitan que parlan los locutors natius de Chaucinac. Es que l’esséncia de nostre combat es pas de salvar une lenga. Non pas! L’esséncia, lo sens prigond, de nòstre combat es de far tornar descobrir lor identitat prigonda al monde del país. De “desalienizar” lo país. Cresi qu’es aquò lo sens del libre de tria d’Eric Fraj Quin occitan per deman?, en tot cas.
 
De segur, tot aquò, empacha pas de faire descobrir als dròlles los autres dialectes occitans per mejan de libres e enregistraments. Per exemple, dins mon escòla Diwan de la Granda Seccion enlà i a una vertadièra educacion a la pluralitat intèrna amb d'enregistraments que los mainatges acòstan cada jorn jos forma ludica. E pasmens la lenga de l’escòla es lo breton vannetés (un dialècte a part, un pauc coma vòstre gascon).
 
Segurament, dins l’encastre de l’escòla, l’estandard a son utilitat: los libres de matematicas, de sciéncias, los manuals son escriches en estandard. Mas l’estandard, aquí, a pas qu’una foncion utilitària.
 
Utilizam l'estandard tanben per totas las campanhas d’afichatge nacionalas. Per promòure los corses de breton o per de messatges mai politics.
 
L’estandard e los dialèctes son complementaris, de tot biais. E lo desvolopament d’un estandard s’apària amb lo desvolopament social d’una lenga que passa de la lenga del vilatge a la lenga d’una nacion modèrna. E dins totas las nacions modèrnas i a (encara) los “sedentaris” e los “nomadas”. Imaginatz quauqu’un que nais en Arièja d’un paire gascon e d’una maire de Gap que parlavan pas la lenga (pas d’afècte doncas ligat a la lenga). A 10 ans, se muda a Orlhac, puèi a Nimes. A 20 ans, es estudiant a Marselha, puèi a Tolosa ont descobrís l’occitanisme. L’ome s’establís un jorn a Bordèu amb sa familha mas la vida es encara longa... atal va la vida modèrna.
 
Quin occitan parlarà fin finala? Un occitan estandard, de segur. Es la vida que li aurà impausat un occitan estandard. Se lo movement occitanista li prepausa una solucion clara, scientifica, amb un fum de libres escriches en estandard, causirà l’occitan que va amb son nomadisme. Si que non, bricolarà son estandard sieu amb sas causidas personalas.
 
En revenge, se Jacme, que viu dempuèi totjorn a Casals (Boriana), que lo papet parlava l’occitan de Casals, comença de parlar l’occitan estandard amb sos mainatges, aquò significarà qu’aurà pas res comprés au sens prigond del combat occitanista.
 
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

10 de mai 22.46h

Estandard e consonantas doblas
L'escritura predictiva del tauleton me dobla las consonantas coma en francés, e me cal picar en fòrça.
Al revèrs, trapi le problèma ambel quite francés, encara qu'a Tolosa, se "gemina" fòrça...
Un estandard general se deuria d'èsser representatiu de la diversitat, es a díser èsser dialectalament flexible. Exemple: la L dobla LL latina sièc pas la medeissa realizacion que la L simpla, segond le dialècte (de véser le gascon, le cevenol...).
Amb' aquò,... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

10 de mai 00.43h

N° 27 Domergue Sumien Ais de Provença
14 d'agost 2012 11.30h

La modèstia, la cortesiá e lo respècte devèrs los autres parlanges son de qualitats necessàrias... que mancan encara a certans occitanistas.
Cal respectar los autres coma volèm que los autres nos respècten.


Valora aquest comentari:   votar positiu 6   votar negatiu 11
Respondre comentari replica Comentari inadequat   Formulari d'abús de comentari

10 de mai 00.32h

Fabien Lecuyer
Dimècres, 5.12.2018 03h00
DECEPCION

Entre autres comentaris :
Comentari n°4. Domergue Sumien
5 de decembre 18.38h
Lo purisme e lo sectarisme son enemics de l'eficacitat politica.


Valora aquest comentari:   votar positiu 5   votar negatiu 11
Respondre comentari replica Comentari inadequat   Formulari d'abús de comentari

9 de mai 18.43h

J'ai rarement obtenu de Monsieur Sumien de réponses argumentées (ou de réponses, tout court) à mes commentaires : plutôt des silences ou bien des réponses... re-laxatives (conférer, en l'occurence, mon commentaire n°4 et sa réponse n°15).

Alors, perso, j'attends le jour où je pourrai le rencontrer (s'il organise des débats publics autour de ses visions et projets en linguistique... "standard", vous me suivez). J'espère véritablement l'avoir face à moi, un jour, et l'interroger p... Legir la seguida


Valora aquest comentari:   votar positiu 9   votar negatiu 11
Respondre comentari replica Comentari inadequat   Formulari d'abús de comentari

9 de mai 18.17h

#16 M'agrada vòstre comentari, "Mèfi". Bien sentit. Bien vist. Bien formulat. Mès lo sens de la democracia espèra mai qu'un article de fons sus aquesta problematica : esija l'organizacion d'acampadas dinc las vilas gròssas e mejanas d'Aucitania, de desbats publicas emb de totas las associacions militant per l'Òc, emb dau mai de locutors e de monde pertocats per nòstra causa.
Sans aquò, sans pedagogia, sans presentacion clara de la pretenduda necessitat d'un estandard, sans argumentacio... Legir la seguida


Valora aquest comentari:   votar positiu 7   votar negatiu 8
Respondre comentari replica Comentari inadequat   Formulari d'abús de comentari

9 de mai 10.40h

#22 Primièr punt : lo CLO non dona a "nhica-nhaca" amb l'Academia Occitana, estant que non dona res mai a degun mai. L'estructura en question, fòrça fugidissa, s'es evaporada tre que propausadas sas preconizacions, sense discutidas ulterioras possiblas. E es precisament subre aqueste vacuitat intellectuala e militanta qu'a daissada darrièr el, a sa disparicion, que los fondators de l'Academia an fondada aquesta Academia : per dire de continuar un trabalh entamenat.

Segond punt : pretendèt... Legir la seguida


Valora aquest comentari:   votar positiu 12   votar negatiu 11
Respondre comentari replica Comentari inadequat   Formulari d'abús de comentari

9 de mai 01.43h

Quan hèn tribalh dont arrés non vòu ne cau pas saber-se'n mau se las arreaccions e'n son drin hretas. Enfin lo CLO e l'acadèmia deu gai saber que's dan nhica-nhica e entertant l'occitan qu'ei publicat e qu'ei ensenhat polinomicament. Com deu estar finaument.


Valora aquest comentari:   votar positiu 9   votar negatiu 13
Respondre comentari replica Comentari inadequat   Formulari d'abús de comentari

8 de mai 17.57h

#20 Òc-ben, Joan-Gerard ! Mas sas conclusions non son totas valablas e es vengut impossible de ne discutir amb aqueste CLO. Ne publicar las conclusions en 2027 o en 3030 non farà pas continuar de trabalhar aqueste CLO mai longtemps, me sembla.


Valora aquest comentari:   votar positiu 13   votar negatiu 11
Respondre comentari replica Comentari inadequat   Formulari d'abús de comentari

8 de mai 17.06h

#19 La revista Lingüistica Occitana publiquèt sas conclusions en 2007. Encara uèi, aqueste document es la basa del modèl lingüistic que lo seguís Jornalet (dins la partida editorials e articles d'actualitats).

http://linguistica-oc.com/wp-content/uploads/2013/07/Linguistica-occitana-6-CLO.pdf


Valora aquest comentari:   votar positiu 7   votar negatiu 7
Respondre comentari replica Comentari inadequat   Formulari d'abús de comentari

8 de mai 16.39h

#15 Lo CLO nasquèt en 1997 e Morriguèt l'an d'après, es aquò ?


Valora aquest comentari:   votar positiu 9   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Fabien Lecuyer

Fabien Lecuyer logo rss

Jornalista breton, es alcap del setmanier en galo Runje

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions