CAPCALERA: BOTIGA
CAPÇALERA2: mot amagat

Jornalet, gaseta occitana d'informacions

Diluns, 8 d'agost

Gael Breysse

Dijòus, 7.4.2022 03h00

Lo retorn de Germinal


Comentaris 3 comentaris    
Dolent Fluix Bo Molt bo Fabulós (7 vòtes)
carregant En cargament





Es una tendéncia plan presenta dins los discorses liberals e de dreita dempuèi los ans 1990: quand un enfant es pas capable d’aprene corrèctament a l’escola lo cal orientar dins una via professionala. E d’un autre costat cal trabalhar fins a la mòrt o gaireben.
 
Fa pauc de temps que l’escòla es obligatòria fins a 14 ans, dempuèi 1959, e fa pauc de temps qu'aviam la retirada a 62 ans (amb 43 de trabalh, gràcias a Woerth) e abans a 60 ans dempuèi 1982 amb 37,5 ans de trabalh.
 
A l'escòla i a pas cap d'entrepresa dedins, franc de las “Maisons Familiales et Rurales” que fan d’ensenhament associatius agricòla e ont de païsans (o d’associacions religiosas restacadas al mond païsan) an “interès”. Mas aquel fenomèn èra e es episodic amb qualques centenas de dròlles per an.
 
Per la retirada, se sap plan qu’una entrepresa n’a pas lo costum d'embaucar de personas a 55 ans o maites, aquò es rare. Lo rapòrt del Conselh d’orientacions dels retiraments nos ditz que per ara dins la conjontura 2021 (en plena Covid), i a pas cap de problèma fins a 2070 sur la retirada.
 
Ara avèm dos candidats, Macron e Le Pen que vòlon far descubrir lo monde de l’entrepresa a l'escòla a partir de 5a (12 ans mai o mens).
 
Qualques formas de descubèrta de l'entrepresa existisson ja a partir de 4a dins disposicions d’orientacions per dròlles en dificultats amb l’institucion publica coma lo DIMA (vertadièra alternança a partir de 14 ans e mai sens èsser pagats o pauc pagats), o SEGPA (2 setmanas de descubèrta de l’entrepresa sens èsser pagats).
 
Mas lo modèl prepausat per Macron o Le Pen nos pertòca particularament perque se sap plan que s’agís de quicòm exclusiu per aqueles dròlles jos l’escampa d’escac escolar e per pas investir dins l’ensenhament.
 
E per aqueles dròlles pas question de corses de lengas minorizadas mas solament l’aprendissatge a reçaupre d’òrdres.
 
Enfin, als paures gus pertocats lor fan la promesa de conéisser intimament la vida dins una entrepresa de 12 a 65 ans!
 
Dins lo periòde del sègle XX de l’exili rural aquesta metodologia d’ensenhament nos a pertocats d'un biais fòrt e dur a nosautres del Miègjorn. Se daissarem aquò recomençar? Tanben manténer la gent que pot pas (per pas dire los vielhs...) longtemps al trabalh es una condemnacion capitala.
 
Cal remembrar que se retirar es pas un dever, es un dreit. Mas anar a l’escòla es un dever!
 
Se pòt decidir lo dètz d’abril, anatz votar!
 
  abonar los amics de Jornalet



publicitat
BANNER1 - comuna tolosa



Comentaris

7 d'abril 12.45h

Lo Melenc,hón, racista antioccitan, que lo Gaël Braysse n'es seguidor, escanèt e fins ara escana los traballadors en votant ambe lo govern socialista Mauroy la desindexacion dels salaris ambe l'inflacion, sorga de la devalada del poder aquisitiu desempuèi.
Ni Melenchón, ni Macron !


Valora aquest comentari:   votar positiu 4   votar negatiu 20
Respondre comentari replica Comentari inadequat   Formulari d'abús de comentari

7 d'abril 08.46h

Descobrir lo mond de l’entrepresa es òps d’aqui que i a grandas diferencias dentre lo mond de l’escola e ensenhaires e la vida vidanta. Puèi cal saber qu’es tota la vida que s’apren qu’auràs formacions cap als mestièrs, e que probable cambiaràs de mestièrs e que l’entrepresa es quicòm qu’evoluís.

Me rementi quora trabalhavi se fasiá visitar los escolans, d’en primièr, un desjunat pichon ambe presentacions dels mestiers de l’entrepresa, puèi de çò que se fasiá,... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

7 d'abril 07.55h

Aprener quò es pas embarrat un goiat o goiata dins una escòla. L'escòla pòd pas tot aprener tant la societat es complexe. Passei lo bac en 1968 e una question me tracassava : que far de totas las conaissenças qu'aveia aprengudas a l'escòla? Sentia plan que l'escòla m'elonhava dau mitan ente era nascut e ente aurian aimat viure : la campanha emben son parlar occitan.
En quitar l'escòla aviam l'impression que tot çò qu'avia aprengut a l'escòla me servia de ren e qu'aurian agut besonh... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Gael Breysse

Gael Breysse logo rss

Occitanoesquerrista que trabalha a Montpelhièr dins la construccion

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions