CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de decembre

Gèli Grande

Dimècres, 5.8.2015 03h00

N’i a pro d’èsser mespresats per la premsa satirica francesa …


Comentaris 11 comentaris    
Dolent Fluix Bo Molt bo Fabulós (9 vòtes)
carregant En cargament


Lo 10 de junh de 2015, los subrevivènts de l’òrre atemptat contra Charlie hebdo  publicavan un dessenh titolat “Les Langues régionales utilisées pour la sélection” que representava dos bretons caricaturats. 
 

T’en connais beaucoup des petits arabes et des petits noirs qui voudraient apprendre ces langues de ploucs?” çò disiá un dels sia disènt celts.
 
Pareis qu’es d’umor. Se n’es alavètz a l’epòca “Y a bon banania” èra d’umor tanben? 
 
Tot batut e rebatut, regreti plan d’aver passat carrièras per eles al mes de genièr! Soi estat Charlie, desenant o serai pas mai!   
 
Lo quite jorn que lo David Grosclaude arrestava la cauma de la talent, lo rèi de França, François Hollande, fasiá saber que vòl ensajar de far ratificar la Carta Europenca de las Lengas ditas regionalas pel seu Parlament.
 
Un article del Canard Enchainé del primièr de julh de 2015, fa del franchouillard coma d’acostumada e demanda: “A quand le Code Pénal en corse et le Journal Officiel en breton?
 
Vertat es que los corses son totes de bandolièrs e de maufatam e que lo breton es una lenga qu’a ges d’escritura e de literatura.
 
Lo còdi penal e lo jornal oficial seràn en còrs e mai en breton quand Corsega e Bretanha seràn tornar-mai independentas.
 
Amb França, las doas causas evocadas çai sus, te pòs gratar duscas a l’an pèbre las auràs pas jamai. 
 
Dins un dessenh d’acompanhament de l’article del Canard Enchainé, un cert Aurel imagina lo dialòg aqueste
 
Qu’est-ce qu’elle dit?
Qu’on trouvera le dictionnaire breton-corse à la librairie catalane.
 
Que remplaci sul pic per
 
Qu’est-ce qu’elle dit?
— Qu’on trouvera le dictionnaire français-allemand à la librairie espagnole.
 
Òc-ben, tant coma Charlie, lo Guit es cap e tot Encadenat a l’ideologia francista e aquò los quitarà pas. Crompavi pas jamai aquestes setmanièrs satirics e vau contunhar … e serai pas lo solet. 



publicitat
BANER1-2-3: DGPL AN LAFONT



Comentaris

15 d'agost 11.32h

Tot aquelhs jornaus pàrlan de diversitat de çai, de non-racism de lai... mas qu'es màs par se baihar n'imatge de jornaus de gaucha... me pense que desumpuei le drama de Charlie, fòrça monde an pogut veire la veritat e an badat los uelhs. Coneisse de monde que me dision que d'abans tot-aquò s'èran pas jamai pausat quela question sobre Charlie, mas qu'an-uei pensan que son pas clars... Coma dison los musicaires de Mauresca: “la diversitat comenca dins ta familha...” Mas aquelhs jornaus... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

7 d'agost 12.47h

bensai qu'una solucion racionala seriá que los occitans que ne son capables faguèsson un jornal "bèstia e maissant" de qualitat, que sauriá taclar lo jacobinisme charlista!


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

6 d'agost 13.09h

Cal pas oblidar que, per los Libres Pensaires, pas totes çaquelà, las lengas istoricas de França son consideradas exactament coma lAs religions.
Cadun pòt practicar a l'ostal, es sa libertat individuala e la Republica a pas res a i veire. Mas se toLèran las glèisas dins lo paisatge public (seriá estat dificile de las tombar totas) tot çó de religiós deu èsser forabandit.N'es pariè per la visibilitat de nòstras lengas.
Per astre, dins sa granda mansuetud - e amb la complicitat de q... Legir la seguida


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

6 d'agost 09.57h

Ieu qu'ai fach ma tèsi sobre li invectivas dei poetas medievals còntra lu religiós, siéu per aparar lo drech d'atacar lu religiós foaraviats e toi aquelu que, sota cubèrt de religion, fan lo mau. Perqué lu noastres poetas (occitans, francés e italians, atacàvon li personas en fauta, jamai la religion. Doncas, èri Charlie, e mai se sabii la sieu ostilitat au noastre combat per li lengas... Ma quora audèri lu sobrevivents de Charlie dire "Nous continuerons à nous en prendre aux religi... Legir la seguida


Valora aquest comentari:   votar positiu 9   votar negatiu 3
Respondre comentari replica Comentari inadequat   Formulari d'abús de comentari

6 d'agost 08.51h

L'imatge de Charlie es pas gaire aimabla per l'occitan (pensi que los « ou » a la fin vòlon revertar la lenga nòstra, e lo vestit del personatge sembla l'Auvernhe), mas es pas gaire mai aimable pels toristas, mab lor aire ninòi.
Una causa me tira l'atencion : es que per Charlie Hebdo, al delà de son mesprés per las lengas regionalas e sos locutors, li sembla pas impossible qu'un « provincial » interpele un torista dins la lenga locala ! Tanplan li sembla normal, al Charlie, d'ave... Legir la seguida


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

6 d'agost 07.34h

Aquò balha donc de pensar se las caricaturas deu profèta èran esperit plasent o mesprètz. De tot biais èran sentidas e percebudas coma mesprètz de la part de l'ancian colonizator peus musulmans.

I a duas sòrtas d'umor, lo qu'inclusís (nos trufam amassa e nos risèm de bon còr) e lo que mespresa los autes en los exclusent.

Adara, sembla que, de fàcia aus jornaus jacobins, musulmans e occitans, medish combat ...


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

5 d'agost 22.54h

Una traduccion del títol de charlie en illustracion:
"hey eul méridyonèl, y veu travayey an rejion parizyèn pask léz impo keu té paran pèy sé pour nou"?
Exageracion per exageracion. Se fasèm lo rebors, benlèu lo monde comprendrà que se remplaçam mot per mot e accent per accent, son ridiculs.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 d'agost 20.38h

#3 Vist que mos rèires-grands, mos grands emb de mos parents sòrton pas de la banditalha, e que tènon per tresaur son onestetat mai la dignitat d'èstre d'onte son ;
Vist qu'aqueste tresaur m'es estat transmés, voliái saupre s'aviái drech de viure tau coma siái, o se deviái viure escondut ? ?
Vos escupisse dessús, jornalistalha xenofòba que se o díson pas ! Una libertat d'expression mau emplegada, aquò se ditz "libertat d'agression" o "licença" ! Tot Estat deuriá sancionar aquele... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 d'agost 18.44h

Aquò passa l'òsca. Aquel monde parisenc gausan pas ara se trufar dels musulmans per ço que an paur per lor pèl.
Mas se fan una pèl de rire dels occitans perque reaccionam pas pro.
Coma dison los catalans " Cap agressió sense resposta"
Donatz las adreças d'aquestes jornals per poder lor escriure. Ièu, crompi pas aquelas pelhas.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 d'agost 13.26h

Quanta mentalitat estrecha e merdosa !
Savètz, davalère pas per carrièiras en genoièr passat, qu'ai pas jamai sostengut los jornaus que fan pas la diferença entre umor e trufariá. E encara... aquò's mai que de trufariá : es una manca de respèct per l'identitat fonsa dals endividús, per sos marcaires identitaris, per la diversitat de la vida simplament.

L'umor, aquò's pas lo mespretz dals marcaires identitaris diferents dals que pòrta la cultura sobeirana. L'umor vrai sariá qu'òm ... Legir la seguida


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gèli Grande

Gèli Grande logo rss

Emplegat a La Pòsta, escriu de cronicas dins la revista Lo Lugarn. Es afogat de rugbi (subretot) de XV, de bona literatura e de bon cinemà quina que siaga la lenga.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions