CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimècres, 24 d'abril

Gerard Joan Barceló

Dissabte, 14.7.2018 03h00

14 de julhet, fèsta de la volontat d'èsser liure


Comentaris 7 comentaris    
Dolent Fluix Bo Molt bo Fabulós (11 vòtes)
carregant En cargament


"La Prise de la Bastille" (la Presa de la Bastilha), 1789
© Jean-Pierre Houël




Etiquetas
14dejulhet, barceló, catalonha, frança, libertat, nacion, occitània, volontat

Uei es lo 14 de julhet, la fèsta nacionala dei francés. Leis egrègis istorians auràn bèla nos explicar que se celèbra en realitat la Fèsta de la Federacion dau 14 de julhet de 1790, fèsta de l'unitat nacionala, e non pas la presa de la Bastilha un an mai d'ora, dins l'imaginari collectiu es a aquel eveniment revolucionari que totei pensam, l'ataca d'una preson que simbolizava lo poder arbitrari de la monarquia absoluda francesa.

Per fòrça occitans, aquest jorn es aqueu de tradicions festivas coma lei fuòcs d'artifici ò lei balètis, ò d'estranhei costumas coma l'entrevista dau president de la republica e lo desfilat militar sus leis Aliscamps, "la pus bèla avenguda dau Mond", çò dison lei comentators de la bijarra mòstra d'unifòrmes ont subran França retrai a l'Union Sovietica.

Fai de temps que me siáu distanciat de tot aquò. A Aiacciu, trobavi mai bèu lo fuòc d'artifici dau 15 d'aost, e mai fuga un mejan de recordar la glòria dobtosa dau tiran Napoleon, nascut un 15 d'aost. Pus tard, m'assabentèri qu'un 14 de julhet de 1755, aviá agut luòc l'eleccion dau cap de l'executiu independent còrse, Pasquale de' Paoli, que faguèt pantaiar mon illa de libertat.

E sabi pus se França, mosaïc escondut de pòbles negats, es una nacion. E au fons sabi pus exactament çò qu'es una nacion. Un pòble? Un projècte politic? Una realitat ja transformada en estat?

Leis occitans avèm pas de fèsta nacionala. D'occitanistas nos en vòlon inventar, mai en qué nos serviriá? Deman, quasi totei leis occitans, ò puslèu aquelei que nos agradariá que se reconeguèsson occitans, seràn davant la television per sostenir l'esquipa de França còntra Croacia. E se França ganha, coma es pron probable, fòrça descendràn per carrieras ò cornaràn, tutaràn, claxonaràn dins sei veituras per fin de festejar la victòria de son esquipa.

Nos es de besonh una nacion? Sabi que vòstrei respònsas seràn divèrsas coma lo movement occitan. Se devesissèm fòrça sus aquelei questions. Se garrolham sovent.

Alora agachi tornarmai devèrs Catalonha. A Barcelona prenguèron la data dau 14 de julhet per revendicar la libertat còntra la justícia que se fai injusta. Una libertat ben concreta, aquela dei presoniers politics e deis exiliats, arbitràriament menaçats de penas inversemblablas de preson per aver organizat un referendum. Una libertat solidarària de la libertat de son pòble, que pòu pas decidir liurament son avenir. Una libertat qu'es una ferma volontat.

Nos es de besonh la mesma ferma volontat per recobrar plenament çò que siam.

Per ansin, uei, celebrarai pas la fèsta nacionala francesa, mai la volontat d'èsser liure.






abonar los amics de Jornalet



 



publicitat



Comentaris

14 de julh 20.55h

#6 Celebrar lo 14 de julhet? Avètz rason, rendretz l'occitanisme incomprensible e ajudaretz lo supremacime francista. Quin tipe intelligent aquel Barceló!


Valora aquest comentari:   votar positiu 13   votar negatiu 12
Respondre comentari replica Comentari inadequat   Formulari d'abús de comentari

14 de julh 18.10h

#5 Osca Ravachol! La libertat, la desliurança veraia es de n'aver ni Diu (QUAU QUE SIEGUE) ni mèstre (PARIS, E QUAU QUE SIEGUE ESPLEITAIRE).


Valora aquest comentari:   votar positiu 15   votar negatiu 8
Respondre comentari replica Comentari inadequat   Formulari d'abús de comentari

14 de julh 16.53h

#1 Plan bona analisi de l'instrumentalizacion de l'istoria per las classas dirigèntas. Fan creire al poble qu'es un actor alara que lo manipolan per lo melhor espleitar. Las religions, que son de sèctas qu'an capitat, fan parrièr. Se ne'n trachar per " ésser liure" es saique malaisit per qui aparten a una d'aquelas sèctas-religions. Ne'n direm pas mai, nos siam plan comprès.


Valora aquest comentari:   votar positiu 24   votar negatiu 12
Respondre comentari replica Comentari inadequat   Formulari d'abús de comentari

14 de julh 16.14h

#3 Es l'exacta vertat, una fabricacion ideologica al servici del poder parisenc. N'ia que son enfadats qu'om lor escaraunha aquelas legendas polidas del "Roman National". Que coma cadun sap l'istoria-propaganda aquo's bon per los autres, los paises estrangers, mas (pensatz!) sustot pas França. Que nosautres franceses sèm de mond gentilhs e onèstes, om nos l'ensènha tre l'escola primària. N'i a qu'an d'alhors plan encapat la leiçon. Pecaire, daissètz-los cliquejar !


Valora aquest comentari:   votar positiu 23   votar negatiu 4
Respondre comentari replica Comentari inadequat   Formulari d'abús de comentari

14 de julh 15.22h

Prèsa de la Bastilha: non-eveniment (preson vetusta e mal-gardada que contenia res que 7 presoniers, aisidament dobèrta per un manat de parisencs fug-l'obra e bandats) que foguèt recuperat e montat en espingola pus de 80 ans aprèp per la republica francimanda de Paris (la tresenca) quand escriguèt de bric e de broc lo "roman nacional ", esplech de propaganda creat per faire engolir a l'Exagon l'egemonia parisenca etèrna, naturala e sacrada. Lo 14 de julh participa d'aquel montatge ideolo... Legir la seguida


Valora aquest comentari:   votar positiu 27   votar negatiu 4
Respondre comentari replica Comentari inadequat   Formulari d'abús de comentari

14 de julh 12.48h

"Barcelò, voles esser liure mas fai d'abòrd un trabalh sur te. I a belcòp de stages sus aquel tema."

E vos, avètz pensat à sègre un estagi de cortesia, per èstre un pauc mièlhs educat?


Valora aquest comentari:   votar positiu 23   votar negatiu 21
Respondre comentari replica Comentari inadequat   Formulari d'abús de comentari

14 de julh 09.18h

La prisa de la Bastilha, un simbol? Quò es a veire per veire. En 1789, a la Bastilha i avia mas 7 prisoniers (que lo batiment era plan delabrat), e una ponhada d'òmes per lo gardar. Tot lo pòple de Paris i era pas. I avia mas un milier de manifestant qu'agueran pas de mau a la prener.
Nos an dich enguera qu'en 1789 França era un pais paubre mas quò es pas vrai. I avia pus leu surpopulacion qu'entrainet una fòrma de colonisacion de tota l'Euròpe per Bonaparte.
La festa de la volontat d'... Legir la seguida


Valora aquest comentari:   votar positiu 26   votar negatiu 25
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions