CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Marçal Girbau

Dijòus, 5.12.2013 03h00

Val d’Aran, cap verd d’Occitània?


Comentaris 4 comentaris    
Dolent Fluix Bo Molt bo Fabulós (13 vòtes)
carregant En cargament


Passar una dimenjada en Aran es tostemps un present, un polit present amb un prigond passat mas amb un futur encara pus estrambordant. Non sabi se son las siás bères e nautes montanhes araneses. Non sabi s’es l’òla que chapas al ser, faga fred o faga calorassa. Non sabi s’es lo cassís que t’ofrisson a dreita e a esquèrra e que beuràs a la santat de totes. Benlèu la nèu qu’o cobrís tot, los ostals, los autos, las carrièras e las consciéncias. E que demora e non se’n vòl anar fins a l’estiu. O benlèu es aquela sensacion d’èsser a despart de tot, d’èsser dins una mena de país liure entre França e Espanha, ont los problèmas e los conflictes son adobats en acòrd amb lor pròprias leis. Aquò es lo grand tresaur d’Aran, mas que non se pòt pervertir.
 
Çò que vesèm, pasmens, es que lo futur d’Aran encara va mai al fons d’aquesta dralha. En foncion de cossí se debane lo procès d’independéncia catalan, la Val d’Aran podrà devenir un excellent laboratòri politic e sociologic non solament per Occitània, mas tanben per Catalonha e lo mond entièr. Lo deputat aranés Àlex Moga a anonciat ja la proposicion de Convergéncia Aranesa per la nòva Val dins la nòva Catalonha independenta. Moga prepausa qu’Aran devenga una region o una Comunitat Autonòma de la nòva Catalonha independenta. Açò vòl dire qu’Aran auriá un Parlament amb de competéncias legislativas pròprias, un govèrn qu’assumiriá lo poder executiu e, me disi, un poder judicial tanben pròpri. D’acòrd.
 
Unitat d’Aran, es a dire, lo representant aranés del PSC, que prepausa per exemple qu’Aran venga espanhòla amb un estatut autonòm coma Ceuta o Melilla. Pensi que non i cal apondre gaire de mai. Vosautres jutjaretz.
 
E soi segur que los autres partits tanben diràn çò que vòlon. Serà plan interessant de conéisser lo posicionament d’Esquèrra Republicana d’Occitània e d’ERC sus aqueste afar. Coma tanben serà pro interessant lo punt de vista de Libertat!, lo sol movement politic en Aran estrictament occitan, per ben qu’amb una aliança amb la CUP catalana. Mas a ieu m’interessarà especialament de conéisser la posicion que prendrà finalament Iniciativa entà Aran e ICV sul fait aranés. Soi segur qu’eles pòdon èsser la clau per desmascarar una direccion d’Unitat d’Aran amnesica, qu’a perdut completament las valors fondacionalas del partit e a oblidat los principis basics de lor existéncia. S’Iniciativa capita d’articular un discors progressista e de govèrn, que vire a l’entorn d’un aranesisme inclusiu, universal, obèrt, democratic, modèrn e 100% occitanista, basat sus las valors que tostemps a agut la nòstra civilizacion occitana –lo paratge e la convivéncia–, aqueste partit pòt jugar un ròtle fonamental en Aran dins un futur non gaire alonhat.
 
Perqué? Perque seràn los primièrs d’o far. Perque encara non i a agut cap de partit progressista aranés que se siá presentat a las eleccions localas e aranesas amb d’opcions d’obténer de representants institucionals qu’aja un discors aital. E perque son los sols qu’o pòdon far, que son liures d’o far. Que non an lo cul logat. A la fin, benlèu serà vertat que los darrièrs seràn los primièrs, que cantava Dylan. Çò que sembla evident es que pel moment la responsa sonque la sap lo vent. Èra Dylan aranés?



publicitat
BANER1-2-3: DGPL TRADUCTOR



Comentaris

5 de decembre 10.11h

Òc que parlavi arameu, mas los jacobins de l'epòca escrivián en grèc...


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 de decembre 10.07h

#1 Adieu Pitit Jèsus ! Ten, parlavas grec a l'epòca ? Cresia que parlavas arameu, me ;-)


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 de decembre 09.56h

Per iò veire de loenh, dempuei mon Lemosin, ai pas l'impression qu'ICV o ERC aian una vertadiera implantacion en Aran. Esquèrra Republicana d’Occitània me sembla limitada a Jusep Lois Sans Socasau e lo grop Iniciativa entà Aran Verds a pas de visibilitat. Adonc qu'UA o CDA an daus elegits, una implantacion, un discors sus Aran.

Mas podem cerchar la posicion que prend, auei, ICV sus Aran. Sus lor site web tot simplament. Joan Herrera, coordinador d'ICV e Sara Vilà, deputada au Parlamen... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 de decembre 09.24h

Dylan cantava que los primièrs seràn los darrièrs e pas çò d'invèrse ( "And the first one now /
Will later be last" - Times They Are A Changing). Benlèu confondètz amb la cançon de Céline DIon ("Les derniers seront les premiers / Dans l'autre réalité / Nous serons princes d'éternité" - Les derniers seront les premiers) ?

En realitat, soi ieu l'autor vertadièr d'aquesta frasa. Ja fa 2000 ans disiái: "Οὕτως ἔσονται οἱ ἔσχατοι πρῶτοι καὶ οἱ ... Legir la seguida


Valora aquest comentari:   votar positiu 14   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions