CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Iñaki Delaurens

Divendres, 28.9.2012 03h15

Sus Aran e periodisme


Comentaris Un comentari    
Dolent Fluix Bo Molt bo Fabulós (14 vòtes)
carregant En cargament


“El Valle de Arán se niega a la independencia y reitera su lealtad a España” (Era Val d’Aran arrefuse era independéncia e reitère era sua leiautat a Espanha). Aguest titolar deth miei Alerta Digital a corrut en Twitter coma era peste nera en una petita ciutat portuària dera edat mièja, acompanhat d’”El rincón catalán que se niega a la independencia” (Eth cornèr catalan qu’arrefuse era independéncia) de Intereconomía/Gaceta e un aute ena madeisha linha de Periodista Digital. Ei ua pena que grops de comunicacion sense cap sentit dera etica des·hèsque tota ua profession, a braç virat, a trauèrs d’un sensacionalisme mès pròpi deth NO-DO que non d’ua societat auançada deth segle XXI.
 
Era ‘notícia’, calamic-calamac, partís dera tertolia que temps en darrèr auec ar os aranés coma protagonista en programa des Matins de TV3. Auie de decidir era Val d’Aran sus aqueth ahèr o tanben i entraue Catalonha? Defenent era postura locau, un joen ramader bastie un parallelisme entre es relacions Catalonha-Espanha e Val d’Aran- Catalonha entà deféner es sòns arguments. Donques açò ac an près es caps des mieis mencionadi entà difóner contenguts enganhosi en tot préner naues declaracions deth joen pagés coma referéncia de tot eth país. Independentaments de çò que diguèsse, i a dus punts que quinsevolh persona adulta capabla de diferenciar eth blanc deth nere pòt compréner: era mòstra estadistica non represente a tota era Val –aumens eth marge d’error ei monumentau– e entà mercar era pauta deth nòste territòri en ahèrs politics, auem eth Conselh Generau d’Aran que, d’un color o un aute, l’escuelhem entre toti es aranesi.
 
Per un aute costat, çò de mès estonant ei “reitera su lealtad a España” (reitère era sua leiautat a Espanha). Non pensi que cap persona que se sentisque aranés –e coneishque un shinau era nòsta istòria e cultura– deisharie Catalonha entà passar a mans espanhòles. Gràcies ara Generalitat auèm er aranés enes escòles e eth nòste pròpi govèrn damb es sues competéncies e autonomia. Non voi imaginar que serie de nosati en tot demanar drèts ena Moncloa coma ua simple comarca.
 
Mès enlà d’aguest debat estupid bastit per camorristes dera pandereta e cagatintes, eth hèt qu’informacions coma aguestes s’ofrisquen coma notícies contrastades en mieis damb un ample ventalh sociau ei un problèma. Eth periodisme a deishat d’èster eth quatau poder entà capvirar-se en un esturment de corbassi apariadi damb carbata e chapèu ath temps que se humen un habano –interèssi politics, empreses damb eth morralet plen de sòs, redactors qu’an de pagar era ipotèca as bancs, eca.–. Semble non auer lòc entàs romantics dera profession, ja que cada còp n’i a mès sense trabalh e es petites veus independentes son acarades per gigants comunicatius. Açò, ar igual qu’era especulacion immobiliària, a de petar entà recuperar valors d’etica professionau e umana. Se non, arribarà eth dia en qu’eth periodisme desapareisherà.
 
“Entà èster bon periodista, cau èster bona persona”. – Ryszard Kapuscinski



publicitat
BANER1-2-3: DGPL AN LAFONT



Comentaris

28 de setembre 16.07h

Es lo problèma de la mediacracia ò lo poler dals mèdias contrarotlats per una ideologia pro-estatala que supòrta deguna contradiccion. E après d'unos s'estònan dal desinterés de la causa politica, s'estònan de l'inercia de la societat que tota pensaa reformista es impossibla.
En França per exemple, la question de l'independéncia de Catalonha es quasi jamai tractaa dins los mèdias grands que son en plaça. Es quora es tractaa l'info, l'es mal, fan lo resumit : Crisi + impòstes + Espa... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Iñaki Delaurens

Iñaki Delaurens logo rss

Licenciat en Periodisme e Torisme. Damb er objectiu d’especializar-se en Nau Periodisme damb es ans, escriu tath Jornalet conscient dera importància der aranés en entorn sociau e comunicatiu dera Val d’Aran.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions