CAPCALERA: Lo Diari

Jornalet, gaseta occitana d'informacions

Diluns, 28 de setembre

Joan-Loís Blenet

Dissabte, 11.4.2020 03h00

I a quicòm que truca


Comentaris 3 comentaris    
Dolent Fluix Bo Molt bo Fabulós (6 vòtes)
carregant En cargament





Aqueste coronavirus nos fa una confirmacion bèla: i a quicòm que truca dins l’anar de nòstre monde. Ja començaviam de compréner que lo biais de nòstra economia ruina la natura. Ara amb aqueste virus pro michantàs, (de que serià estat amb la pesta?) mesuram que nòstra organizacion va de guingòi. Veire lo governament organizar a la desesperada un pont aerian de China per faire venir de masquetas d’una tecnologia de patin patan pas res, e que sabèm pas pus fargar! E ges d’estòc. Un dels paradigmas de nòstra economia es la destruccion dels estòcs: immobilizar de capital, una abominacion! Lo rafinat es l’organizacion a “flux tendut” en bon latino-occitan. Aquò postula que i a pas ges de problèma. O meravilha de l’organizacion competitiva avèm pas de masquetas, mancan de potingas e de respiradors. Tots fargats endacòm. L’autre paradigma que ditz tot de la mesura de “l’utilitat” dins nòstre monde es donat per la Borsa e los salaris d’aqueles ‘traders’ que fan en milisegondas. Aquí tanben una cima de la competicion competitiva. E de nos faire de rasonaments sus l’intelligéncia quasi divenca dau Mercat. Escambiar d’accions en milisegondas! Aquí ges de sens e pasmens pagat a milions. Imaginatz a costat d’aquò lo ridicul de se mainar de masquetas de papièr. Fotudas milisegondas!
 
 
abonar los amics de Jornalet

 


 



publicitat
BANNER1: IEO Arièja



Comentaris

13 d'abril 16.01h

#1 I a pas cap calandreta que siá comptabla de la politica de son conse. E, pel moment, quala que siá la color del conselh, nat calandreta pòt escupir sus una ajuda materiala o financièra.
Calandreta fè pas politica. Tal coma aculhís totis mainatges, me geina pas que prenga moneda ont que siá.
Bensè, per trapar sòuses per la lenga nòsta, as trobat la solucion perfèita, qu'acontentariá tot le monde? Ac mos cal fèr partejar!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

13 d'abril 12.21h

#1 Materialament, n'an la possibilitat ?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

12 d'abril 17.15h

I a quicom que truca a cò de Calandreta.
Perque se son pas dessolidarizats de Menard?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Mai d'articles

Archius




D'autres articles


Jornalet, gaseta occitana d'informacions