CAPCALERA: IEA-AALO

Jornalet, gaseta occitana d'informacions

Dijòus, 29 d'octòbre

Joan-Loís Blenet

Dissabte, 13.6.2020 03h00

Regalada


Comentaris Un comentari    
Dolent Fluix Bo Molt bo Fabulós (16 vòtes)
carregant En cargament


Ara la vida bronzinanta torna e sentissem una jubilacion de se passejar, recampar, costejar e de se parlar
© Peter Curbishley




Sem a la fin d’una passa del tot descomunala emai inimaginabla.Nos venon encara plan de conjuracions e d’inquietudas mandadas per las institucions mas se sentis plan que lo monde i crèson gaire. La vida normala, trafiquejanta, bolegaira e socitosa torna. Del temps dau confinamanet lo silenci èra impressionant. Lo bronzinadis de la ciutat que s’ausis de longa èra calat. E,vertat es, se los aucèls s’ausissian plan mièlhs, aquel silenci majestuós èra gaireben inquietant. Las carrieras voidas, a se demandar per que n’i avià! La ciutat tampada au sens literal. Totas las pòrtas de costuma dubertas barradas. E d’aici d’alai una trista coga de monde quilhats per carrièira, plan alunhats entres elis, amb de masquetas de bricolatge que fasian encara mai fòrta la sentida d’anormalitat inquietanta. Demai plan pauc de bruch sortit dels ostaus e apartaments. Aital una marca de la debuta dau desconfinament es estada d’ausir rires e cacalasses sortir dels ostaus e jardins. Ara la vida bronzinanta torna e sentissem una jubilacion de se passejar, recampar, costejar e de se parlar. Regalada de la libertat d’anar a sa fantasiá dins la vila tornamai duberta. Se verifica que la libertat es una aura, un ventolet leugièr que se passeja entre lo monde e fai venir lo riset.Se la libertat a pas de pres a de segur un gost e dona de vam. Es per aquò que se parle de la alas de la libertat. Nos es per cadun un tresaur. Es pas estonant se n’ia fòrça que nos la volon raubar.
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

13 de junh 10.54h

Nous allons nous figurer un homme, qui, se trouvant par exemple dans la rue se dirait : "Il est à présent six heures du soir, ma journée de travail est finie. Je peux maintenant faire une promenade ; ou bien je peux aller au club ; je peux aussi monter sur la tour, pour voir le coucher du soleil ; je peux aussi aller au théâtre, je peux faire une visite à tel ami ou tel autre ; je peux même m'échapper par la porte de la ville, m'élancer au milieu du vaste univers, et ne jamais revenir.... Legir la seguida


Valora aquest comentari:   votar positiu 3   votar negatiu 7
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Mai d'articles

Archius




D'autres articles


Jornalet, gaseta occitana d'informacions