CAPÇALERA: Generalitat de Catalunya
CAPÇALERA2: IEA-AALO

Jornalet, gaseta occitana d'informacions

Diluns, 29 de novembre

Joan-Loís Blenet

Dimècres, 20.10.2021 03h00

Malformacion constitucionala


Comentaris 2 comentaris    
Dolent Fluix Bo Molt bo Fabulós (10 vòtes)
carregant En cargament


Lo rapòrt Euzet/Kerlogot mòstra, de facto, que cal modificar l’article 2




Cronica d’una messorga d’Estat venguda constitucionala.
 
Aprèp la Fatwa contra l’immersion lo Primièr Ministre demandèt un rapòrt parlamentari sus aquesta question tilhosa.
 
Aqueste es, demest d’autres subjèctes, lo raconte de la malformacion constitucionala dempuèi la modificacion en 1992 de l’Article 2 que ditz “La lenga de la Republica es lo francés”.
 
Se faguèt maugrat l’alèrta de parlamentaris dau perilh d’una interpretacion exclusivista e supremacista contra las lengas istoricas. Que nani diguèron los ministres (socialistas) del temps, es contra l’anglés e jamai, non jamai servirà contra aquelas lengas.
 
Vai-te quèrre, dètz ans aprèp totas las decisions presas amb l’article 2 o foguèron contra elas e jamai contra l’anglés. Aquò tant, qu’en 2008 una modificacion novèla per calmejar la frenesia inventèt un article 75-1 “Las lengas regionalas son patrimòni de França”.
 
Èra sens mesurar lo fondamentalisme dau Conselh. Proclamèt qu’aquel 75-1 val pas res e aprèp de decisions sempre negativas decrèta ongan que lor usatge es enebit a l’escòla. Atau lo rapòrt Euzet/Kerlogot mòstra, de facto, que cal modificar l’article 2.
 
De segur van totis bramar au sacrat de la nacion.
 
Pasmens n’i a una de modificacion que las institucions l’aplican cada jorn amb lor benediccion. Es aquela “La lenga de la Republica es lo francés, l’anglés es son avenir”.
 
 
 
abonar los amics de Jornalet
 
 


 



publicitat
BANER2: OPLO liceu



Comentaris

21 d'octòbre 12.12h

"Çò que nos manca es una republica occitana que sa lenga poguerà enfin èsser occitana, sens geinar mai los franceses e los que non voldrián de l'occitan ..
Saberàn alara çò que lor demorariá de far. Quitar las colonias e tornar a l'ostal sens empachar lo monde d'èsser çò que se deu d'èsser : el meteis." Çò nos ditz Franc Bardou.
Li rapeli que çò que ditz aquò s'apela l'independència e la bastison d'un Estat Occitan emai es çò que preconisa inalassadament dempuèi 1959 lo ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

20 d'octòbre 09.34h

La lenga de la republica francesa es lo francés : aquò rai ! Me sembla plan normal — per çò mendre, pro logic.

Lo problèma es qu'una republica francesa non es ni non pòt èsser una republica occitana e que sa lenga non pòt donc èsser occitana.

Çò que nos manca donc es una republica occitana que sa lenga poguèra enfin èsser occitana, sense geinar mai los franceses. E los que non voldrián de l'occitan (ne de las autras lengas ditas "de France") sabèran alara çò que lor demo... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Las mai...


Mai d'articles

Archius




D'autres articles


Jornalet, gaseta occitana d'informacions