Opinion
Desinformacion dels mèdias franceses
L’istorian Pascal Ory ven d’èsser convidat sus France Inter aqueste matin divendres 20 d’octobre dins la matinada de 8 a 9 oras. Se ditz especialista del “populisme”. Ne vei pertot, e particularament, estima que la demarcha catalanista es comparabla a la demarcha d’Hitler! Precisèt pas gaire sa pensada que lo questionèron bravament sus sa comparason entre Mussolini e Mélenchon (!). Mas cossí es possible que la desinformacion dels mèdias franceses, a carga —pas exclusivament mas majoritàriament— contra los catalans, atenge un tal nivèl?
Èrem quauques occitanistas a Vièlha, Val d’Aran, lo 1r d’octobre per ajudar a votar, un pòble democratic e non-violent, victima de violéncias policiàrias. Atal, vegèrem los catalans aplicats a un respècte rigorós de las règlas d’organizacion d’un burèu de vòte. E podèm pas acceptar qu’un francés, tant professor celèbre siá, (Universitat Panthéon Sorbonne) se permete de far d’amalgamas dangeiroses. Lo problèma de l’independéncia catalana es pro complicat.
Quora los mèdias franceses començaràn doncas a donar lo per e lo contra objectivament? Lo ciutadan francés a besonh d’una informacion objectiva per se far son opinion. Lo respècte d’aquela deontologia jornalistica dintrariá pas dins las valors democraticas, ça que la?
A prepaus. Se qualqu’un me pòt explicar cossí catalanisme e hitlerisme son a comparar? Espèri!
Èrem quauques occitanistas a Vièlha, Val d’Aran, lo 1r d’octobre per ajudar a votar, un pòble democratic e non-violent, victima de violéncias policiàrias. Atal, vegèrem los catalans aplicats a un respècte rigorós de las règlas d’organizacion d’un burèu de vòte. E podèm pas acceptar qu’un francés, tant professor celèbre siá, (Universitat Panthéon Sorbonne) se permete de far d’amalgamas dangeiroses. Lo problèma de l’independéncia catalana es pro complicat.
Quora los mèdias franceses començaràn doncas a donar lo per e lo contra objectivament? Lo ciutadan francés a besonh d’una informacion objectiva per se far son opinion. Lo respècte d’aquela deontologia jornalistica dintrariá pas dins las valors democraticas, ça que la?
A prepaus. Se qualqu’un me pòt explicar cossí catalanisme e hitlerisme son a comparar? Espèri!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vertat qu'un còp de mai çò que pertòca es la malconeissènça totala (TOTALA !!) de Catalonha per Paris, qu'a de longa la tissa malautièra d'anar quèrre sas entresènhas a cò de Madrid. Atal vivan d'a fons dins un mond parallèl. E dins quauquas annadas, quand Catalonha aurà ganhat e serà plan establida, nos afortiran qu'èra pas lo cas !
Eth comentàri numèro 9 qu'ère dedicat ath comentàri numèro 1, entè lachaud!!
França vòl pas morir!
Ei pas qüestion de morir!
Ei mès lèu qüestion de deishar d'aussir entà pr'amor de deishar víuer!!
Era tua responsa acida ei bona coma tau!!
Vos recomandi un polit libre de l'istòria immediata catalana, important pr'amor que doblidam e que "ton istòria desconeisson, te la contan d'a rebors / e te dreiçan, te redreiçan, tau qu'un pòble de gibós" (F. M.)
Lo libre es botat a disposicion liurament per l'autora Liz Castro, en anglés o en espanhòl :
https://www.dropbox.com/s/556p69m06y70rrm/Muchos%20peque%C3%B1os%20granosCC.pdf?dl=0
#6 De còps "L'Obs" fa un esfòrç, al mens sul nombre de nafrats lo jorn del rererendum e sus la manifastacion de ièr.
Aqueste matin, " FrOns Enter" balhèt las chifras sus la manifestacion de Barcelona mas en apondent que son los de la polícia locala (sembla que dire Los Mossos los escòrna la boca) per insinuar que son pas de fisar. Pòdon far los fièrs en FrOns, quand an de supèrs-flics coma lo Squarzini que mentís a tustas e a bustas. De mai, quand 4 pelats, ajudats per de mond de defòra, anèron far la passejada "unionista" aguèron pas de complèxes per parlar d'una fola de manifestants.
Sembla que i a pas que Mediapart que balha la paraula als dos costats. Ara cal veire los comentaris de cèrts anticatalanistas enfuscats, en particular un que se ditz Toni que se sap pas s’es un tròl pagat per Rajoy o se simplament es pas qu’aquò: un tòni.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari