Opinion
Val d’Aran: lo Partit de la Nacion Occitana convida a votar pels candidats “Junts pel Sí” (Amassa per l’Òc)
Lo 27 de setembre de 2015, Catalonha e doncas la Val d’Aran votaràn pel renovelament del Parlament de Catalonha. Aquestas eleccions que se debanan dins l’encastre legal d’una eleccion autonomica, son de facto un vòte sus l’independéncia de nòstres vesins catalans e al-delà de la Val d’Aran.
Lo Partit de la Nacion Occitana, per paratge e solidaritat inter-nacionalista, sosten la caminada politica de Catalonha cap a la bastison d’un Estat catalan sus la part territoriala de l’ancian principat. Es una estapa primièra cap a la reunificacion de Catalonha tota dins un sol Estat a venir. En conformitat amb l’ideal de libertat per totas las nacions e lo drech internacionalament reconegut per cada pòble de dispausar d’un Estat pròpri, lo Partit de la Nacion Occitana sosten d’a fons la demarcha democratica entamenada per la societat civila catalana e pel governament de Catalonha.
Lo Partit de la Nacion Occitana apèla e convida nòstres compatriòtas de la Val d’Aran a sosténer lo procèssus d’independéncia de Catalonha, passatge obligat per que deman aquel territòri de la nauta val de Garona siá lo primièr territòri occitan independent que se proclame tal e conscient d’èsser occitan.
Atanben, lo Partit de la Naciona Occitana demanda a nòstras e nòstres compatriòtas de la Val d’Aran de votar massissament pels candidats de la coalicion “Junts pel sí” (Amassa per l’òc) que recampa, al delà dels clivatges ideologics, los partidaris de l’independéncia de Catalonha e de la part d’Occitània d’uèi encara jos dominacion espanhòla.
Visca l’independéncia de la Val d’Aran e de Catalonha!
Lo Partit de la Nacion Occitana, per paratge e solidaritat inter-nacionalista, sosten la caminada politica de Catalonha cap a la bastison d’un Estat catalan sus la part territoriala de l’ancian principat. Es una estapa primièra cap a la reunificacion de Catalonha tota dins un sol Estat a venir. En conformitat amb l’ideal de libertat per totas las nacions e lo drech internacionalament reconegut per cada pòble de dispausar d’un Estat pròpri, lo Partit de la Nacion Occitana sosten d’a fons la demarcha democratica entamenada per la societat civila catalana e pel governament de Catalonha.
Lo Partit de la Nacion Occitana apèla e convida nòstres compatriòtas de la Val d’Aran a sosténer lo procèssus d’independéncia de Catalonha, passatge obligat per que deman aquel territòri de la nauta val de Garona siá lo primièr territòri occitan independent que se proclame tal e conscient d’èsser occitan.
Atanben, lo Partit de la Naciona Occitana demanda a nòstras e nòstres compatriòtas de la Val d’Aran de votar massissament pels candidats de la coalicion “Junts pel sí” (Amassa per l’òc) que recampa, al delà dels clivatges ideologics, los partidaris de l’independéncia de Catalonha e de la part d’Occitània d’uèi encara jos dominacion espanhòla.
Visca l’independéncia de la Val d’Aran e de Catalonha!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari