CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dissabte, 19 d'octòbre

Joan-Peire Alari

Dijòus, 10.3.2016 03h00

Lo Partit de la Nacion Occitana e la crisi agricòla


Comentaris 4 comentaris    
Dolent Fluix Bo Molt bo Fabulós (5 vòtes)
carregant En cargament


Una crisi agricòla grèva toca los noiriguièrs de pòrc e de bovins dins l’Estat francés; los noiriguièrs de polalha independents, nombroses en Occitània, son al meteis temps victimas de mesuras  presas pel govèrn per empachar l’espandiment de la gripa aviària.
 
Lo Partit de la Nacion Occitana denoncia coma responsables d’aquelas crisis la Commission Europèa, los govèrns franceses successius, de drecha coma d’esquèrra, e la FNSEA, dont las orientacions politicas son totjorn favorablas als grands cerealièrs del bacin parisenc, als grands grops de l’agro-alimentari, a la granda distribucion e a las bancas, al prètz de l’exòde rural e de la desertificacion dels campestres.
 
Aquelas orientacions politicas son, dins lo quadre d’una “liura concurréncia”, falsadas per l’inexisténcia d’una Euròpa sociala e fiscala:
 

— l’agrandiment incessant de las bòrdas dins l’espèr d’ipoteticas economias d’escala,
 
— una agricultura “productivista”, que fa de maites agricultors, excessivament endeutats, de “salariats” tributaris de las industrias agro-alimentàrias,
 
— la monocultura “intensiva”, granda consomatritz d’energia e d’aiga, que agota los sòls e demesís los rendements, e lo mono-elevatge “intensiu”, e mai “fòra sòl” que favoriza las malautiás e parasits, degrada l’environament, desequilibra la balança del comèrci exterior per la crompa d’aliments importats e utiliza per l’elevatge de proteïnas bonas que poirián noirir los òmes,
 
— las produccions de massa a còsti bas per l’exportacion (per exemple: lo pòrc) mentre que un desvolopament de l’agricultura de qualitat, mai que mai occitana, e l’utilizacion de circuits bracs poirián èsser benefics als agricultors e als consomators e evitar maitas importacions,
 
— l’abandon de l’agricultura d’amplas zònas, especialament en montanha ­ donc en Occitània ­, ont aquel esquèma intensiu e productivista pòt pas èsser aplicat, al benefici d’autras “vocacions”  pretendument exclusivas ­
 
Lo Partit de la Nacion Occitana demanda qu’al lòc de cercar a concurrenciar los païses a còsti bas los poders publics europèus e franceses favorizen las produccions de qualitat e de proximitat. Devon especialament metre en òbra o encoratjar:
 
— una armonizacion sociala e fiscala dins l’Union europèa, necessària per crear las condicions d’una sana concurréncia e n’acabar amb lo dumping,
 
— l’agricultura biologica e l’agricultura “rasonada”,
 
— la cultura de cerealas que necessitan mens d’aiga, coma lo sòrgo per remplaçar lo milh,
 
— l’elevatge de raças autoctònas, mai adaptadas a lor environament,
 
— la produccion de lach de qualitat e sa transformacion dirècta,
 
— l’elevatge ovin e cabrenc dins de zònas ont es tradicional.
 
En particular, los noiriguièrs independents de polalha, que practican un elevatge extensiu de qualitat, devon pas èsser las victimas del vuèg sanitari decidit pel govèrn dont los grops de l’agro-alimentari patisson pas gaire.
 
Lo Partit de la Nacion Occitana reivendica de poders e de mejans renfòrçats per las regions occitanas, especialament una cèrta mestresa de lor agricultura, pr’amor depoder agir dins lo sens dels interèsses dels agricultors occitans, que son diferents de los del Nòrd de França.
 
 



publicitat
BANER1-2-3: DGPL TRADUCTOR



Comentaris

10 de març 19.35h

#1
Me cal vos rapelar que :
1) Lo projècte de Sivens foguèt votat per una amassada democraticament elegida e representativa lo Conselh General de Tarn.
2) Lo projècte èra previst per qu'un quarantenat d'agricultors posquèsson asaigar lors tèrras e los i permetre de contunhar de viure e trabalhar al pais.

Tròbi grèu de contestar del biais que se faguèt a Sivens e a l'entorn de Sivens una decision democratica presa a la quasi unanimitat.
Aimi mai un paisan que viu de son trabalh e que ... Legir la seguida


Valora aquest comentari:   votar positiu 6   votar negatiu 5
Respondre comentari replica Comentari inadequat   Formulari d'abús de comentari

10 de març 12.18h

De Dunkerque a Tamanrasset, los escolans de França devian far la dictada en meteis temps!
cossí demandar a n'aquel monde que fan las leis de pensar "local" o "entrepresas familialas" ?
los agricultors occitans, al mens en Òut e Garona, son convençuts que devon noirir lo Monde.Lor an dit los politics, la Fnsea, etc.
d
Donc veson pas perqué quitarián d'escampar los bons produches de monsanto e qualques autres...


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

10 de març 11.59h

voei... enfin l'agricultura rasonada aquò's un beròi mòt mès la defénder politicament...
uèi lo dia l'urgéncia es d'estancar pesticidis, insecticidis, fongicidis de sintèsi, erbicids, ormònes ; pensi pas que lo "rasonat" shens engatjament ni contaròtle sii un biaish seriós d'avançar.


Valora aquest comentari:   votar positiu 4   votar negatiu 2
Respondre comentari replica Comentari inadequat   Formulari d'abús de comentari

10 de març 04.31h

Interassantas aquestas proposicion per una agricultura biologica, rasonada e qu'utiliza mens d'aiga. Mas alara, perqué avètz defendut lo barratge de Sivens qu'èra un projècta anti-biologic, anti-rasonat a anti-mens d'aiga?

http://lo.lugarn-pno.over-blog.org/2014/10/barrage-de-sivens-le-pno-favorable.html


Valora aquest comentari:   votar positiu 13   votar negatiu 7
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Peire Alari

Joan-Peire Alari logo rss

Professor agregat d'anglés, retirat de la facultat de Bordèu III, especialista de civilizacion americana, ancian professor d'occitan, cap redactor de la revista Lo Lugarn, escrivan e cronicaire occitan, militant politic occitan.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions